“Үлдсэн амьдралыг “тансаг” байлгахын тулд ажиллана” | News.MN

“Үлдсэн амьдралыг “тансаг” байлгахын тулд ажиллана”

Хуучирсан мэдээ: 2018.04.18-нд нийтлэгдсэн

“Үлдсэн амьдралыг “тансаг” байлгахын тулд ажиллана”

“Үлдсэн амьдралыг “тансаг” байлгахын тулд ажиллана”

УНТ ГЭСЭН ЦАГТ НЬ УНТАЖ, БОС ГЭСЭН ЦАГТ НЬ БОСДОГ БАЙЛАА

“Айл дамжин амьдрах хэцүү байсан. Унт гэсэн цагт нь унтаж, бос гэсэн цагт нь босдог байлаа. Өнгөрсөн жилийн намар энд ирсэн. Одоо бол сайхан байна. Ийм буянтай хүмүүс гэж байдаг аа….” хэмээн ярих түүнийг Ч.Доржлхагва гэдэг. Завхан аймгийн Тэс сумаас Улаанбаатарт өнгөрсөн жилийн намар ирсэн. Энд ирэхээс өмнө багагүй зовлон туулсан нэгэн. Учир нь, аав нь дөрвөн жилийн өмнө нас барснаар төрөлхийн харааны бэрхшээлтэй тэрбээр харж хандах хүнгүй хоцорчээ. Ингээд нутгийн айлуудаар хоноглосоор олон жил болсны эцэст халамжийн байцаагч нь “Ачлалт хүүхдүүд” төрийн бус байгууллагатай холбож өгснөөр энд ирсэн аж.  

 “Ачлалт хүүхдүүд” төрийн бус байгууллагад түүнтэй адил  хөгжлийн бэрхшээлтэй, харж хандах хүнгүй 20 хүн бий. Өнөөдөр тэд бүгд баяртай байна. Учир нь, тус байгууллага  СХД-ийн Баянхошууны Хөтөлд шинэ байртай болжээ. Байртай болохоос өмнө тэд байр түрээсэлдэг байжээ.

Зайлшгүй асаргаа шаардлагатай хүнийг сонгодог

 “Ачлалт хүүхдүүд” төрийн бус байгууллагын тэргүүн Б.Саранбаатар

Б.Саранбаатар гэх эрхэм 2014 онд хөгжлийн бэрхшээлтэй зургаан хүнийг гэртээ асрах болсноор тус төвийн үйл ажиллагаа эхэлсэн түүхтэй. Тун удалгүй асруулах хүн нь 20 болсноор байр түрээсэлдэг болжээ. Харин өнөөдөр өөрийн байртай болсон юм. Энэ үеэр тус төвийн захирал Б.Саранбаатараас зарим зүйлийг тодрууллаа.

-Яагаад асрамжийн газар ажиллуулах болов?

-Энэ ажлыг би 2015 оноос эхэлсэн. Ингэхдээ түрээсийн байр дамжин нүүдэллэдэг байлаа. Шинэ байртай болсондоо баяртай байна. Энэ бол хөгжлийн бэрхшээлтэй иргэдийн маань гэр орон. Ийм үйлчилгээ үзүүлэхэд 100 хувь сэтгэл шаарддаг. Би тавдугаар ангийн боловсролтой, мал маллаж байсан хүн. Үүнийг хийхэд боловсрол шаарддаггүй, зөвхөн сэтгэл шаарддаг. Бас хөгжлийн бэрхшээлтэй хүнд маш олон асуудал тулгардаг. Тиймээс би энэ ажлыг хийх болсон юм.  

-Та энэ төрийн бус байгууллагаас өөр ямар ажил хийдэг вэ?

-Гэр бүлийн хүнтэйгээ зөвхөн хүн асрах, халамжлах ажил хийж байна. Гэр бүлийн хүн маань эмч мэргэжилтэй. Хүн асарч, халамжлахад хүч хэрэгтэй байсан тул би түүнийг ажлаас нь гаргаж, өөрийн ажилдаа нэгтгэсэн. Цалингүй ч сэтгэл байхад бүх зүйл болно гэж үзсэн юм.

-Цаашид хөгжлийн бэрхшээлтэй иргэн гэдгээр нь хязгаарлахгүй, үлй ажиллагаагаа үргэлжлүүлэх бодол бий юу?

-Олон улсын жишигт нийцүүлэхийг хичээж байна. Өвчин зовлондоо шаналж байгаа энэ хүмүүсийн үлдсэн амьдралыг сайхан, “тансаг” байлгахын тулд ажилласаар байх болно. Энэ төвдөө 50 хүн хүлээн авна. Олон улсын жишигт 50-иас илүү хүн асрах боломжгүй юм билээ. Гэхдээ бид саяхан магадлан итгэмжлэл авсан. Ингэснээр хөгжлийн бэрхшээлтэй иргэнийг гэрт нь очиж асрах, 50-иас олон хүнд үйлчилгээ үзүүлэх боломжтой болж байгаа юм.  Энэ үйл ажиллагааг өргөтгөн 21 аймагт төвтэй болохыг хүсч байна.

-Энэ хүсэл нэг алхмаар урагшилж шинэ байртай боллоо. Танай төвд үйлчлүүлэх хүнийг хэрхэн сонгодог вэ?  

-МҮОНТ-ийн “Цагийн хүрд” нэвтрүүлэг, Худалдаа, хөгжлийн банкны хамт олонд талархаж байна. Тэдний хүчээр ийм сайхан байртай болж байгаа юм. Энэ төвд хөгжлийн бэрхшээлтэй 50 хүнийг асран халамжилна. Ах, дүү танил тал гэж харалгүйгээр бид шалгаж авдаг. Зайлшгүй асаргаа шаардлагатай байгаа хүнийг л сонгодог. Энэ зарчмаараа ажиллана.  

Ард түмний өмнө амласан зүйлээ сар гаруйн хугацаанд биелүүллээ

Худалдаа , хөгжлийн банкны гүйцэтгэх захирал О.Орхон

“Ачлалт хүүхдүүд” төрийн бус байгууллага өөрийн байртай болоход Худалдаа, хөгжлийн банк томоохон тусламж үзүүлсэн юм. Энэ үеэр Худалдаа , хөгжлийн банкны гүйцэтгэх захирал О.Орхон “Бидний хувьд сар шинийн босгон дээр МҮОНТ-ийн “Цагийн хүрдийн баатрууд” нэвтрүүлгийн “Нийгмийн хариуцлагатай байгууллагаар шалгарсан юм. Энэ үед тус байгууллагатай холбогдсон. Учир нь, тэр үед “Ачлалт хүүхдүүд” төрийн бус байгууллагын захирал Б.Саранбаатар “Эгэл баатар”-аар тодорсон юм. Шагнал гардуулсны дараа түүнтэй танилцаж, өндөр настан, хөгжлийн бэрхшээлтэй хүмүүст гэр бүлийн хамтаар асаргаа, сувилгаа хийдгийг нь мэдсэн. Тиймээс энэ жилийн нийгмийн хариуцлагын эхний ажил болгон түрээсийн байранд байдаг тус төвийг өөрийн байртай болгохоо амласан. Монголын ард түмний өмнө амласан зүйлээ сар гаруйн хугацаанд биелүүллээ. Үүний үр дүнд гурван давхар, саруулхан өргөөнд  өндөр настай, хөгжлийн бэрхшээлтэй 100 хүртэлх хүн хүлээн авах боломжтой болж байгаа юм. Манай банкны зүгээс тус байгууллагыг бүх талаар дэмжиж байгаа. “Ачлалт хүүхдүүд” 350 сая төгрөгөөр өөрийн байртай болж байгаа. Тиймээс манай банкны ажилчид байрыг худалдаж авах, гэрээ хийх, бүх үйл ажиллагааг явуулсан. Найман хувийн хүүтэй зээлд хамруулсан. Мөн манай 1600 гаруй ажилтан нэг өдрийн цалингаа хандивлан 20 сая төгрөгийг байрны урьдчилгаа болгон гардуулж байна. Банкны 50 гаруй ажилчид байрны засварын ажилд оролцсон. Төрийн бус байгууллагад аль болох санхүүгийн дарамт учруулахгүйгээр асуудлыг шийдвэрлэж байна. Мөн Банкны холбоонд нийгэмд хэрэгтэй, сайн үйлийг дэмжиж, хамтран ажиллах уриалга гаргаж байна” гэлээ.

Р.Ренчиндулам

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-18 182.160.35.95

topyydiig

Avatar

Зочин 2018-04-18 182.160.35.95

gemtel cogog

Avatar

Зочин 2018-04-18 182.160.38.255

Баяр хүргэе.Цаашдын ажилд нь амжилт , танай гэр бүл хамт олонд эрүүл энх, аз жаргал, сайн сайхан бүхнийг хүсэн ерөөе

Avatar

Ok 2018-04-18 67.81.182.161

Good

Avatar

Зочин 2018-04-18 202.9.40.242

сайн үйлс дэлгэртүгэй

Avatar

Zorigoo 2018-04-18 103.229.177.50

Goyo uil yavdal bn. Baya rhurgeue

Avatar

Зочин 2018-04-18 202.70.34.78

baharhaj baina, achlaltai humuus yumaa

Avatar

зочин 2018-04-18 66.181.182.61

Энэ бусармаг цагт ийм сайхан мэдээ унших үнэхээр сайхан байна.
Залуу гэр бүлд амжилт хүсье. Буян нь дэлгэртүгэй.

Avatar

tu 2018-04-18 202.131.225.150

Ymar saixan uils we. sxan medee unshchixlaa baina,

Avatar

зочин 2018-04-18

Энэ нийгэмд гэгээлэг үйлс бүтээж буй энэ гэр бүлийнхэн үнэхээр мундаг.Хэлсэн үг нь мундаг философи үнэртэнэ. Амжилт

Avatar

Зочин 2018-04-18 202.21.106.147

Маш сайхан сэтгэл санаачлага байна.Нийгэм хатуу болж байгаа нөхцөлд асрамж шаардлагатай хүнд туслах нь жинхэнэ буян . Хандивийн сан нээгээрэй.

Avatar

Зочин 2018-04-18 202.70.34.70

амжилт хүсье. Сайн үйлс дэлгэрэх болтугай.

Avatar

w 2018-04-18

sanaa zov bol zaya zov. amjilt husy

Avatar

Зочин 2018-04-18 103.14.36.18

Худалдаа, хөгжлийн банк мундаг байна. Сайн үйлс бүхэн дэлгэрэх болтугай.

Avatar

g 2018-04-18 202.179.27.26

ene bank buren handivlaaguimu. 8 huviin zeel gedeg ni yu ve

Avatar

Зочин 2018-04-18 202.70.42.102

Сайн үйлс

Avatar

Zochin 2018-04-18

Ajild ni amjilt husie.

Avatar

БАГА ДОРОМЖЛООРОЙ 2018-04-18 202.9.40.242

ГЭРИЙНХЭНДЭЭ АД ҮЗЭГДЭХ ГЭЖ БИТГИЙ ИЙМ МУУХАЙГААР ХЭЛЭЭ НААД ХҮМҮҮСЭЭ, ХҮН БОЛ ХҮН. АХ ДҮҮД НЬ БАС АСРАХ ЦАГ ЗАВ МӨНГӨ ХӨРӨНГӨ ЧАДАЛ ЧАНСАА БАЙХГҮЙ БАЙЖ БОЛНО ШДЭ

Avatar

Зочин 2018-04-18 103.229.123.91

Буянтай сайхан хүүд баяр хүргэe.

NewsMN Гар утасны хувилбар Татах
NEWS.mn

Мэдээллийн эх сурвалж