Дорноговь аймгийн Даланжаргал сумын автомашин мотоциклтэй мөргөлдсөний улмаас нэг хүн нас барсан осол гарчээ. Тодруулбал, 2018 оны дөрөвдүгээр сарын 17-ны өдөр тус сумын тавдугаар багийн нутаг дэвсгэрт  Subaru маркийн автомашины жолооч А нь Дэу маркийн улсын дугааргүй мотоциклтой мөргөлджээ.

Ослын улмаас  мотоциклын жолооч Б нь газар дээрээ нас барчээ. Ослын гарсан газар цагдаагийн байгууллага үзлэг хийж, хэргийг Дорноговь аймгийн Сайшанд сумын замын цагдаагийн тасагт шалгаж байна.

Э.Бурам