Харри Поттерын дүрийг бүтээсэн жүжигчин Даниэл Рэдклифф Нью Йорк хотын гудамжаар нэгэн бүсгүйтэй хөтлөлцөж яваад папарацуудын дуранд өртжээ. Гэхдээ түүний шинэ найз бүсгүй хэн бэ гэдэг одоогоор тодорхой бус байна. Ямартай ч 22 настай жүжигчин залуу өнгөрсөн долдугаар сард CNN-ийн Ларри Кингд өгсөн ярилцлагандаа шинэ хайр дурлалтай учирсан тухайгаа мөн найз бүсгүйдээ маш их хайртай тухайгаа хэлж байсан.

Рэдклифф 2010 оны зун Харри Поттер киноны продюссерын дагавар охин Олив Юнаикитай болзож байсан бөгөөд тэрээр өөрөөсөө эгчмэд бүсгүй сонирхдог тухайгаа нэг бус удаа хэвлэл мэдээллээр мэдэгдэж байсан юм.