Агаарын бохирдлыг бууруулах шийдэлтэй танилцав | News.MN

Агаарын бохирдлыг бууруулах шийдэлтэй танилцав

Хуучирсан мэдээ: 2018.04.16-нд нийтлэгдсэн

Агаарын бохирдлыг бууруулах шийдэлтэй танилцав

Агаарын бохирдлыг бууруулах шийдэлтэй танилцав

Нийслэлийн Засаг дарга бөгөөд Улаанбаатар хотын Захирагч С.Батболд “LG electronics” компанийн төв азийн ерөнхийлөгч ноён Чун Юн Джег өнөөдөр хүлээн авч уулзлаа. Уулзалтад НЗДТГ-ын Бодлого, төлөвлөлтийн хэлтсийн дарга Г.Өлзийбаяр, Төсөл, хөтөлбөр, хамтын ажиллагааны тасгийн дарга С.Мягмаржав, Гадаад харилцааны хэлтсийн дарга Ш.Сүхбаатар, нийслэлийн Агаарын бохирдлыг бууруулах газрын дарга Б.Цацрал, LG Electronics төв оффисын Агааржуулалт халаалтын борлуулалтын газрын худалдааны менежер Сун Жин Гил, “LG Electronics”-ийн Монгол дахь төлөөлөгчийн газрын захирал Ж.Энхжаргал нар оролцов.

Тус уулзалтын эхэнд “LG Electronics”-ийн Монгол дахь төлөөлөгчийн газрын захирал Ж.Энхжаргал “LG Electronics” компанийн ESS бүтээгдэхүүн, термо халаалт болон нарны зай хураагуурын тусламжтай хэрхэн нэг өрхийн дулаан, халаалт, цахилгааныг цогцоор шийдвэрлэх шийдлийн талаар танилцуулав.

“LG electronics” компанийн төв азийн ерөнхийлөгч ноён Чун Юн Дже “Улаанбаатар хотын агаарын бохирдлыг дэлхийд тэргүүлэгч “LG Electronics” компанийн шинэлэг технологийн тусламжтайгаар бууруулах, түүний хор хөнөөлийг багасгах тал дээр хамтран ажиллах шийдлээ танилцуулах, цаашид хамтран ажиллах талаар санал солилцох боломж олдсонд таатай байна. 35-40м2 талбай бүхий нэг өрх цогцоор нь буюу ESS бүтээгдэхүүн, термо халаалт болон нарны зай хураагуур авч хэрэглэхэд 9000-10000 ам доллар, зай хураагуурыг нь хасвал тал үнээр нь авах боломжтой. Олон өрхөд тавьбал бидний үнийн асуудлыг дахин ярилцаж болох юм. Та санхүүжилтийн асуудлыг Засгийн газартай хамтран иргэдэд урт хугацааны зээлийн хэлбэрээр өгөх боломжтой. Солонгос Улсын Засгийн газар мөн ийм замаар утааны асуудлыг шийдвэрлэж байсан” хэмээлээ.

Нийслэлийн Засаг дарга бөгөөд Улаанбаатар хотын Захирагч С.Батболд “Улаанбаатар хот агаарын бохирдлыг хэрхэн багасгах талаар идэвхтэй ажиллаж байна. Гаднын улс орнуудаас ч энэ чиглэлээр хамтарч ажиллах хүсэлт ихээр тавьж байгаа. Гэхдээ бидэнд тулгараад байгаа хамгийн чухал асуудал бол өрхийн амьжиргааны түвшинд тохируулах явдал юм. Миний хувьд та бүхний саналыг их сонирхож байна. Энэ чиглэлээр манай агаарын бохирдлыг бууруулах газартай хамтран ажиллаж, туршилт судалгаа хийж үзэх хэрэгтэй болов уу. Та бүхэнтэй хамтран ажиллах хүсэлтэй байна. Утааны асуудлыг шийдэхийн тулд зөвхөн цахилгаан, дулаан, халаалт шийдээд зогсохгүй айл өрхийн дулаан алдагдал зэрэг олон асуудлыг цогцоор шийдэх шаардлагатай” хэмээн онцлов гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

amar od 2018-04-16 66.181.161.117

manai mongol zaluu erdemten ymarch zardal gargahgui soronzon usgugch hiie geheer toroos demjihgui. harin gadni huuchirsan ur ashig muutai tehnologig baahan valutaa gadagshaa ursgan hiideg emgenelees yaj salah ve irgedee. Natsagnyam injiner buh gargalgaag ni gargachihsan bn lee. bid demjij toriin mongoor toglodog ene met nuhduudig shahah heregtei bn.

Avatar

Галаа 2018-04-16 203.169.49.56

Худлаа юм ярих юм болиочээ Энхжаргалыг мэднээ худлаа гар сайхан юм яриад хэдэн хүн ашигтай ажлаад дараа нь үр дүн байхгүй

Avatar

Зочин 2018-04-16 103.57.94.149

Олон өрхөд тавибал үнээ хямдруулна гэнэ ээ. [Хориотой Үг] луйварчин. Авилгач үрлэгэн төр байхад төсвийн мөнгөөр хөлжих гэсэн гадаад дотоодын луйварчид мундахгүй. Тэр төхөөрөмж нь тийм сайн юм бол зүгээр л оруулж ирээд зар л даа. Мөнгөтэй нэг нь авна л биз.

Avatar

Зочин 2018-04-16 103.57.94.149

Агаарын бохирдол буурч байна аа. Яагаад гэвэл зун ойртож байна. Баярлалаа хотын дарга аа. мундаг шүү. Та удахгүй нарыг жоохон татаж дэлхийд ойртуулаад өвөл болгохгүй болчихвол ч ганц башийна даа бид чинь.

Avatar

sonnen 2018-04-16 122.201.24.230

За даа ядаж ганц туршилт хийчихээд ярьдаг ч болоосой доо.

Avatar

Ч.Эрдэнэчулуун 2018-04-16 122.201.24.177

туршилтын журмаар хэрэглэгч болох санал байна. Харилцах утас 99686800

Avatar

Зочин 2018-04-16 202.179.24.201

дэмжээч дээ засаг даргаа, нарны зайн хураагууртай бөөнөөр авья лдаа банк зээл олгох байх шийдии л даа утаагаа,

Avatar

Гэр хорооллын иргэн 2018-04-16 202.21.106.156

Энэ Солонгос ч Монголын талаар "А"-ч үгүй,тэнгэр яваа амьтан байна, хөөрхий.

Avatar

Иргэн 2018-04-16 122.201.21.153

Тэгээд газарт байна гээд төслийн зуухаар амьдархуу . Харинч энэ солонгос мэдээд арай өөр талаас нь ярьж байгаа юм биш үү

NewsMN Гар утасны хувилбар Татах
NEWS.mn

Мэдээллийн эх сурвалж