Цэвэрч-Баянзүрх аян эхэллээ | News.MN

Цэвэрч-Баянзүрх аян эхэллээ

Хуучирсан мэдээ: 2018.04.16-нд нийтлэгдсэн

Цэвэрч-Баянзүрх аян эхэллээ

Цэвэрч-Баянзүрх аян эхэллээ

Энэ оныг ‘’Иргэдийн оролцоотой-Амьдрах орчныг сайжруулах’’ жил болгон зарласантай холбогдуулан иргэдийн эрүүл аюулгүй, цэвэр орчинд амьдрах эрхийг хамгаалахад байгууллага, аж ахуй нэгж иргэдийн оролцоог нэмэгдүүлэх зорилгоор дүүргийн нутаг дэвсгэрт үүсч байгаа хог хаягдлыг арилгах, цэвэрлэгээний менежментийг сайжруулах зорилгоор Цэвэрч-Баянзүрх аяныг санаачлан хэрэгжүүлж эхэллээ.

Дүүргийн Засаг даргын Захирамжийн дагуу зохион байгуулагдаж буй уг аянд дүүргийн нутаг дэвсгэрт үйл ажиллагаа явуулж буй төрийн болон хувийн хэвшлийн бүх аж ахуй нэгж байгууллага, иргэд оролцох юм. Цэвэрч-Баянзүрх аян энэ оны 6 дугаар сарын 15-ны өдрийг хүртэл үргэлжлэх бөгөөд долоо хоног бүрийн Бямба гаригт цэвэрлэгээг зохион байгуулж ажлын хэсэг тайлан мэдээг тухай бүр нь нэгтгэн дүгнэнэ.

Түүнчлэн аяны хүрээнд Гудамж зам талбайг тохижуулах, Ногоон байгууламжийг нэмэгдүүлэх, Байгууллага, аж ахуйн нэгжийн гадна хаяг, хаягийн байгууламжийг холбогдох журамд нийцүүлэх, Хог хаягдал, орчны бохирдлыг бууруулах, Гудамж зам талбайн гэрэлтүүлгийг нэмэгдүүлэх зэрэг тохижилтын ажлуудыг зохион байгуулна. .

Цэвэрлэгээний явцад ажлын хэсэг бүрэн хяналт тавих бөгөөд хангалтгүй оролцсон байгууллага, аж ахуй нэгж, иргэдэд хуулийн дагуу арга хэмжээ авах юм. Иймд дүүргийн нутаг дэвсгэрт үйл ажиллагаа явуулж буй байгууллага, аж ахуй нэгж, иргэдийг идэвхтэй оролцохыг уриалж байна.

Эх сурвалж: БЗД

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Хуульч 2018-04-16

Баянзүрхийнхэн ултай суурьтай бодох хэрэгтэй. Хөдөлмөрийн хуулиа зөрчсөн асуудал биш үү. Хүмүүсийн амрагтын цагаас хумсалж хөлсгүй хөдөлмөр хийлгэх юм биз дээ. Бас арга хэмжээ авна гэнэ ээ. Юун дураараа юм бэ. Тэр тусгай хангамж бүхий төрийн албан хаагчид нь хийх хэрэгтэй. Төрийн бус хувийн хэвшилд ажиллаж байгаа иргэд чинь байнгын дарамтанд, илүү цагаар хөлсгүй ажиллуулдаг болоод удаж байна. Ядарсан хүмүүс ажлаасаа халагдахгүйн тулд боол мэт л байна ш дээ. Үйлдвэрчний эвлэл гэж баахан мөнгө төгрөг идсэнээ дуудуулаад сууж байдаг аятайхан ажилтай хүмүүс байхымаа. Иргэдийнхээ эрх ашгийг хамгаална гэж байхгүйв. Энэ Баянзүрхийн хөөрцөглөсөн нөхдүүд яахаараа хүний эрхэнд халдаж, айлган сүрдүүлсэн шийдвэр гаргадаг байна аа. Тэдэнд ийм эрх байдаг юм уу. Хэлж өгөөч.

NewsMN Гар утасны хувилбар Татах
NEWS.mn

Мэдээллийн эх сурвалж