Цөмийн хорт хаягдлыг эсэргүүцэн өнөөдөр тайван жагсаал болно. Энэхүү жагсаалыг дэмжиж Эрх чөлөөг хэрэгжүүлэгч нам, Ногоон эвсэл, Шударга иргэдийн фронт, Ард түмний хянан шалгах хороо, Гал үндэстэн холбоо, Хамуг Монгол хөдөлгөөний гишүүд оролцох юм байна. Тэд цацраг туяа, цөмийн хаягдал, атомын цахилгаан станцыг эсэргүүцэж, дуу хоолойгоо хүргэх аж.

Дээрх жагсаалыг санаачлагчид  АНУ-ын дэд ерөнхийлөгчийн монголд хийх айлчлалын үеэр жагсахаар төлөвлөсөн байна. Мөн цөмийн хаягдлын эсрэг  өөр нэг өдөрлөгийг ирэх ням гаригт  залуус зохион байгуулахаар болжээ. Өдөрлөг тухайн өдрийн 15.00 цагт Сүхбаатарын талбай дээр “Цөмийн хаягдлын эсрэг Монголын залуусын боловсролын өдөрлөг” нэртэйгээрээ болох аж. Тус өдөр залуучуудад цөмийн хаягдлын хор уршгийг сурталчлан таниулахын дээр залуучууд цөмийн хаягдлын эсрэг нэгдэж буйгаа илэрхийлсэн зураг зурж, цөмийн хаягдлын эсэргүүцсэн хувцас уриа лоозон өмс ч ирж дуу хоолойгоо нэгтгэх юм байна. Мөн талбайд цугласан залуучууд “Flash mob”  буюу хөдөлгөөнгүй жагсаал хийж SOS гэсэн үгийг томоор бичих  гэнэ.