Гэр хорооллын 10 иргэн хотын даргаас байрны түлхүүр гардан авлаа | News.MN

Гэр хорооллын 10 иргэн хотын даргаас байрны түлхүүр гардан авлаа

Хуучирсан мэдээ: 2018.04.16-нд нийтлэгдсэн

Гэр хорооллын 10 иргэн хотын даргаас байрны түлхүүр гардан авлаа

Гэр хорооллын 10 иргэн хотын даргаас байрны түлхүүр гардан авлаа

Нийслэлийн Засаг дарга бөгөөд Улаанбаатар хотын Захирагч С.Батболдын санаачлан, эхлүүлээд байгаа “Гэр хорооллыг хөгжүүлэх сан”-гийн үйл ажиллагаа үргэлжилсээр байна. Энэхүү сан нь Улаанбаатар хотын агаарын чанарыг сайжруулах 1, 2-р бүсийн оршин суугчид орон сууцны ипотекийн зээлийн урьдчилгаа 30% төлбөрийг санхүүжүүлж, гэр хорооллын бүсийн иргэдээ орон сууцжуулах замаар барилгын салбараа бодитоор дэмжих үр дүнтэй ажил болж чадаж байгаа юм.

Агаарын чанарыг сайжруулах 1, 2-р бүсийн иргэд ипотекийн зээлийн урьдчилгаа төлбөрийн дэмжлэгт хамрагдахдаа өөрийн амьдран суугаа хашааны газрын эзэмших, өмчлөх эрхээ нийслэлийн газрын санд шилжүүлэх журамтай. Мөн тухайн иргэний эзэмшиж байгаа газрын хэмжээ 400 м2-аас доошгүй байна гэж заасан. Эдгээр шаардлагуудаас гадна арилжааны банкны зүгээс тавьж байгаа ипотекийн зээлийн үндсэн шаардлагыг хангасан байх бөгөөд худалдан авч буй байрны хэмжээ 70 м2-аас илүүгүй, 1м2-ын үнэ 2.000.000 төгрөгөөс хэтрэхгүй үнэтэй байх юм.

“Гэр хорооллыг хөгжүүлэх сан”-гаас сүүлийн удаа 15 иргэн шаардлагыг хангаж орон сууцны түлхүүрээ гардан авч байсан бол өнөөдөр 10 иргэн орон сууцныхаа түлхүүрээ хотын даргаас гардан авлаа.

Иргэдэд байрны түлхүүр гардуулж өгөх үеэрээ хотын дарга Монгол Улсын Засгийн газар болон Нийслэлийн удирдлагууд 2017 оноос эхлэн агаарын бохирдлыг бууруулах ажлын хүрээнд “цахилгааны шөнийн тарифыг хөнгөлөх”, “нийслэл рүү чиглэсэн иргэдийн шилжих хөдөлгөөний хязгаарлалтын хугацааг сунгах”, “хүүхдийн эмнэлэг, сургууль, цэцэрлэгийг агаар шүүгчээр хангах” гэх мэт олон ажлууд авч хэрэгжүүлж эхэлсэн бөгөөд энэхүү ажил энэ жил ч үргэлжлэх болно” гэдгийг хэллээ.

Сонгинохайрхан дүүргийн 25 дугаар хорооны иргэн А.Бямбасүрэн “Нийслэлийн Засаг даргын санаачилсан энэхүү хөтөлбөрт хамрагдаад байртай болсондоо баяртай байна. Цаашид олон иргэн тус хөтөлбөрийн үр шимийг хүртэж, “Гэр хорооллыг хөгжүүлэх сан”-гаас байрны урьдчилгаагаа шийдвэрлүүлэх болтугай” гэв.

Баянзүрх дүүргийн 21 дүгээр хорооны иргэн н.Хишигмаа “Манайх Баянзүрх дүүргийн 21 дүгээр хороонд 11 жил амьдарч байна. Гэр бүлийн маань сүүлийн 5 жилийн мөрөөдөл орон сууцтай болох. Өнөөдөр энэ хүсэл биеллээ олж, түлхүүрээ гардан авч байгаад маш их баяртай байна. Нийслэлийн Засаг дарга болон Тамгын газар, нийслэлийн Гэр хорооллын дэд бүтцийн газрын хамт олонд баярласнаа илэрхийлье. Ажлын өндөр амжилтыг хүсье. 621 ам метр газрыг гурван өрөө байрны 30 хувийн урьдчилгаанд өгч байна. Зах зээлийн ханшаар бодоод үзвэл манай газрыг байрны урьдчилгаатай дүйцэхүйц мөнгөөр худалдан авах хүн олдох эсэх нь эргэлзээтэй шүү дээ. Тиймээс иргэдийг энэхүү сантай холбогдож, орон сууцтай болоорой гэж уриалж байна” гэлээ.

Нийслэлийн удирдлагын зүгээс агаарын бохирдолтой тэмцэх олон арга хэмжээ авч хэрэгжүүлж байгаагийн нэг нь энэхүү сан юм. Үүгээр дамжуулан зах зээл дээр борлуулагдаагүй орон сууцнуудыг эргэлтэд оруулах, иргэдээ хамгийн таатай нөхцөлөөр орон сууцанд хамруулахыг зорин ажиллаж байгаагаа хотын дарга хэлээд, энэхүү сангийн үйл ажиллагааг дэмжин хамтран ажиллаж байгаа арилжааны банкнуудад мөн талархаж байгаагаа илэрхийлсэн.

Гэр хорооллын хөгжүүлэх сангийн үйл ажиллагаагаа цаашид тогтмол үргэлжлэх бөгөөд хамрагдах хүсэлтэй иргэдийн материалыг нийслэлийн Гэр хорооллын дэд бүтцийн газар хүлээн авч байгаа юм гэж нийслэлийн ЗДТГ-ын Хэвлэл мэдээлэл олон нийттэй харилцах хэлтсээс мэдээллээ.

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-16 122.201.24.20

30 хувийн барцаанд газраа өгнө гэдэг хамгийн тэнэг асуудал , үлдсэн 70хувиа яааж төлөх гээд бгаа юм бэ 100 хувь солих хэрэгтэй шүүдээ 70м2 х2000000х -140000000 болно 30 / нь 42,0 сая болно үлдсэн 98,0 саяыг ипотик зээл хамруулхаар 200.0 саяаас хол даваад явна шүүдээ МАН хан ингэж хүмүүсийг хуурч бна шүүдээ БатҮүлийн үед газраа 100/ байраар солиод байранд орсон хүн би бна Иргэд минь ингэж хууртхаа бол

Avatar

Зочин 2018-04-16 45.117.32.3

Neeh uuruu sanaachlaad, uuruu gar biy oroltsood hiichehsen yum shig tulhuur garduulj uguud hevleleer bichuuldegee bolih heregtei l dee, Ard tumen meddeg bolsoon iimerhuu zaliig. Irgeded heregtei yu ch hiidgui darga nariin l hiideg ajil ni.

Avatar

ҮХЭР 2018-04-16 103.240.241.32

ЭНЭ Л ЗӨВ ШҮҮ, БУЯНТ УХААГААС ТҮРЭЭСЭЛСЭН АРЫН ХААЛГАНЫ 2000 АЙЛЫГ ХӨӨЖ ГАРГААД 2000Н ХАШААНЫ ГАЗАР АВААД ОРОН СУУЦ БАРЬВАЛ УТАА АМАРХАН АРИЛНА ДАА

Avatar

teneguud 2018-04-16 219.142.99.11

gaihamshig urgeljilseer

Avatar

Зочин 2018-04-16 183.81.171.3

Зөв арга хэмжээ шүү. Баяр хүргэе.

Avatar

зочин 2018-04-16 202.180.220.186

харин тиймээ юундаа баясаад байгаа юм бол доо

Avatar

Зочин 2018-04-16 182.160.36.238

батүүлийн хүүрнэсэн үлгэр дууссан хө

Avatar

Зочин 2018-04-16 43.228.131.110

Газраа банкны барьцааны урдьчилгаан 30 хувьд өгчихөөд юундаа баясаад байгаа юм бол энэ хүмүүс.

Avatar

kkk 2018-04-16 219.142.99.11

harin tii. MANgaruud

NewsMN Гар утасны хувилбар Татах
NEWS.mn

Мэдээллийн эх сурвалж