“СӨХ-ны эрх зүйн байдал” хэлэлцүүлэг болно | News.MN

“СӨХ-ны эрх зүйн байдал” хэлэлцүүлэг болно

Хуучирсан мэдээ: 2018.04.16-нд нийтлэгдсэн

“СӨХ-ны эрх зүйн байдал” хэлэлцүүлэг болно

“СӨХ-ны эрх зүйн байдал” хэлэлцүүлэг болно

НИТХ дахь АН-ын бүлэг энэ сарын 19-нд “СӨХ-ны эрх зүйн байдал” хэлэлцүүлгийг Хууль зүйн үндэсний хүрээнд зохион байгуулах юм байна. Энэхүү хэлэлцүүлгийг НИТХ дахь АН-ын бүлгийн Л.Нарантуяа, М.Тулгат нарын санаачилгаар зохион байгуулж байгаа аж. Уг хэлэлцүүлэгт Улаанбаатарын хэмжээнд үйл ажиллагаа явуулж буй СӨХ, иргэдийн төлөөлөл болон холбогдох төрийн байгууллагууд оролцоно. 

Хэлэлцүүлгээр сууц өмчлөгчдийн холбоо болон иргэдийн өмнө тулгардаг хуулийн зөрчил, тулгамдсан асуудлыг шийдвэрлэх эрх зүйн зохицуулалтыг хийх саналыг нэгтгэж УИХ-ын ажлын хэсэгт хүргүүлэх юм байна. 

Одоогоор манай улсын хэмжээнд 1022 сууц өмчлөгчдийн холбоод үйл ажиллагаа явуулж буй гэсэн албан тоо байдаг байна. Эдгээрийн 85 хувь нь хангалттай үзүүлэлттэй байгаа хэдий ч иргэдийн зүгээс гаргаж буй гомдол, маргааныг одоог хүртэл шийдвэрлэж чадахгүй байгаа нь менежментийг нь бодиттой, үр дүнтэй зохион байгуулах, иргэд, төрийн байгууллага, төрийн бус байгууллага, мэргэжлийн байгууллагуудын ажлын уялдаа холбоог хангах, эрх зүйн зохицуулалтыг боловсронгуй болгох шаардлага тулгараад байгаа юм. 

Мөн Сууц өмчлөгчдийн холбоо нь оршин суугчиддаа явуулж буй үйл ажиллагааныхаа талаар мэдээлэл өгдөггүй тул оршин суугчид бүрэн хяналт тавих боломжгүй, шинэ баригдсан орон сууцны сууц өмчлөгчдийн холбоо ямар байдлаар байгуулагдсан эсэх нь тодорхой бус, үнэ тарифыг үндэслэлгүй тогтоодог, орон сууцны зориулалт, төлөвлөлтийг дураараа өөрчилж буйд хяналт тавьж чаддаггүй. Иргэдээс болон дундын өмчлөлөөс орсон түрээсийн төлбөр зэрэг мөнгөн хуримтлалыг зориулалтын бус зүйлд зарцуулдаг зэрэг олон зөрчил дутагдалтай байсаар байна. 

Иймд сууц өмчлөгчдийн холбооны эрх зүйн байдлыг хуульчлан сайжруулж зохицуулах зайлшгүй шаардлагатай байгаа юм байна.  

Т.НОМИН 
 

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-16 202.9.40.226

Манай СӨХ яг юү хийдгийн мэдэхгүй жижүүр цэвэрлэгч ажиллуулах үүрэгтэй юм шиг ээ. Сууцны орчныг явган хүний зам, зүлэг, талбайн, нтр газрыг алхам алхамаар алдахад мэддэг хүнгүй мухардалд оруулаад байхым.

Avatar

zochin 2018-04-16 202.21.106.143

soh. huuli bus. ard tumniig shulagch. hen uuniig demjeed bna SOH. ard tumniig dhulagch

Avatar

Зочин 2018-04-16 66.181.186.22

СӨХ БОЛ ХУУЛЬ БУС .АРД ИРЭГДИЙН МӨНГӨӨР АМЬ ЗОГООГЧ ҮЛ БҮТЭХ ХҮМҮҮСИЙН ОРОГОНДОГ ГАЗАРШДЭЭ.

NewsMN Гар утасны хувилбар Татах
NEWS.mn

Мэдээллийн эх сурвалж