“Буянт-Ухаа II” хорооллыг Хөгжлийн банкны зээлээр санхүүжүүлнэ | News.MN

“Буянт-Ухаа II” хорооллыг Хөгжлийн банкны зээлээр санхүүжүүлнэ

Хуучирсан мэдээ: 2018.04.15-нд нийтлэгдсэн

“Буянт-Ухаа II” хорооллыг Хөгжлийн банкны зээлээр санхүүжүүлнэ

“Буянт-Ухаа II” хорооллыг Хөгжлийн банкны зээлээр санхүүжүүлнэ

“Буянт-Ухаа II” хорооллын 972 айлын 18 барилга 80 хувийн гүйцэтгэлтэйгээр зогссон. Тэгвэл барилгын дутууг  Хөгжлийн банкны санхүүжилтээр үргэлжлүүлж, ирэх арваннэгдүгээр сард дуусгахаар төлөвлөж байна. “Буянт-Ухаа II”-оос гадна дөрвөн аймагт ТОСК-ийн үлдээсэн барилгуудыг гүйцээж барихаар Хөгжлийн банкнаас 55 тэрбум төгрөгийн санхүүжилтыг  шийдээд байгаа аж. Хөгжлийн банкнаас авсан зээл  гэрээний дагуу хүү тооцох бөгөөд  одоогийн байдлаар ТОСК-д  334 тэрбум төгрөгийн өр үүссэн байна.

Энэ тухай Барилга, хот байгуулалтын дэд сайд Ш.Лхамсүрэн ‘ТОСК шиг байгууллага бусад оронд  барилга барих гүйцэтгэлийн ажил хийдэггүй. Зохицуулалт хийх хэлбэрээр ажилладаг. Өөрөөр хэлбэл  сан байгуулж, барилгачдаас байрыг нь худалдан аваад, иргэдэд урт хугацаагаар олгодог ипотекийн зээлийн гол эргэлтийг бий болгох үүрэгтэй.  Гэтэл манайд энэ нь эсрэгээрээ явсны уршиг өнөөдөр гарч байна. ТОСК Буянт-Ухаа болон зарим аймагт 200-1000 айлын орон сууц барихаар  эхлүүлж, санхүүжилтээс үүдэн барилгын ажил зогсоод байгаа. Тиймээс Засгийн газраас энэ ажлыг үргэлжлүүлэх шийдвэр гарган барилгын ажлыг гүйцээхээр боллоо. Түүнчлэн найман хувийн орон сууцны зээл  зогсонги байдалд орсон нь Төрийн орон сууцны корпорацийн эхлүүлсэн ажил зогсонги байдалд ороход нөлөөлсөн” гэв. 

Т.НОМИН 

"Болор дуран"-аар шалгав.

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-15 43.243.161.23

Засгийн газар нь зөв бодлогоор том том бүтээн байгуулалтынхаа ажлыг анхаараад явбал ядарсан ард иргэд /төрийн албан хаагч, ахмад настан, залуу гэр бүл, Хөгжлийн бэрхшээлтэй иргэд гэх мэт/ чинь л орон сууцтай болно тэр чинээгээр агаар, хөрсний бохирдолын асуудал шийдэгдэнэ, шинэ хотжилт бий болно гэдгийг л ойлгохгүй байгаамдаа энэ манай удирдлагууд /ТӨБЗгазар, БХБЯам/. Яаж ТОСК-ийн татан буулгах уу? Тэгээд энэ үлдсэн ажлуудыг нь аваад хэдэн гүйцэтгэгч яаж шахаж хэдэн цаас хусах уу л гэж бодохоос алсыг харсан, томоор сэтгэсэн тийм зангарагтай үйлдэл харагдахгүй л байгаамдаа энэ дээрх нөхдүүдээс. Яаана даа хөөрхий.

Avatar

Зочин 2018-04-15 43.243.161.23

4. Олон улсын туршлага ярих гээд байгаа бол эхлээд судал, унш дараа нь ярь. Мэдээллээ мэдлэг гэж ойлгоод мэддэг юм шиг хаа хамаагүй ярьж болохгүй. Сингапур, БНСУ, Япон, БНТУ гэх мэт ТОСК-той ижил төрлийн үйл ажиллагаа явуулдаг байгууллагууд зөв схем, Төрийн зөв дэмжлэг, Ажлаа мэддэг Сайд дарга нарын зөв заавар чиглэлийн дагуу явснаар иргэдээ орон сууцжуулах, агаар, хөрсний бохирдолоо арилгах гэх мэт тулгамдсан асуудлыг шийдвэрлээд явсан байдаг. Манайх харин ч эсрэгээрээ улс, төр, нам, өлөн нөхдүүдийн ашиг хонжоо олох газар, байгууллага гэж харсан учраас буруу менежменттэй явсны гайгаар энэ байгууллага өрийн дарамтанд орсон байдаг. Засгийн газар нь баахан тогтоол гаргаад хөрөнгө санхүүгийн асуудлыг шйидвэрлэн том том бүтээн байгуулалт хийнэ гээл баахан шоуддаг бодитоор санхүүжүүлсэн хөрөнгийн эх үүсвэрийг шийдсэн юм байдаггүй. Ийм л бодит байдал байгаа ш дээ. Үүнийгээ л ярь л даа. Мэдэхгүй байж л ТОСК барилга барьдаг хувийн хэвшлийнхээ ажлыг булаадаг гээл тэнэгтэхийн. Харин ч ТОСК-ийн ачаар 400 гаруй барилгын компани цаашлаад 40,000 барилгачин, тэдний гэр бүл гээд 160,000 хүнийг тэжээсэн, хоолтой байлгасан байна гэдэг том дүн гарч байгааг энгийн хүн ч ойлгоно.

Avatar

Барилгачин 2018-04-15 43.243.161.23

Энэ хөлдүү нөхдүүд ТОСК барилга барьдаггүй гэдгийг хэзээ ойлгоно оо. Дэд сайданцараасаа эхлээд ийм юм ярих. Ярьж болноо мэддэг юмаа л ярь л даа. Наад доор чинь байдаг газрын дарганцарууд чинь ийм буруу мэдээлэл өгөөд байдиймуу. 1. ТОСК хэзээ барилга барьдаггүй, барилга барих боловсон хүчин, инженер техникийн ажилчин, тоног төхөөрөмж байхгүй, 2. ТОСК Төрийн нэрийн өмнөөс Засгийн газраас гаргасан иргэдээ орон сууцжуулах /бага, дунд орлоготой, ахмад настан, төрийн албан хаагч, залуу гэр бүл гэх мэт/ бодлогын хэргэжилтийг хангах Management-ийг хийдэг байгууллага. 3. Өнөөдрийг хүртэл хийж хэрэгжүүлсэн төсөл хөтөлбөр, бүтээн байгуулалтын ажлыг хувийн хэвшлийн барилгын 400 гаруй аж ахуйн нэгжүүд барилга угсралтын ажлыг хийсэн байдаг. ТОСК техникийн буюу захиалагчийн хяналтаа л хийдэг. Энэ юуг харуулж байна вэ гэвэл харин ч РРР /Public, Private, Partnership/ буюу Төр, хувийн хэвшлийн түншлэлийн сонгодог жишээ.

NewsMN Гар утасны хувилбар Татах
NEWS.mn

Мэдээллийн эх сурвалж