Сонирхолтой эдийн засаг булангийн энэ удаагийн дугаарт олон улсын анхаарлыг татаад буй Сири улсын талаарх тоо баримтыг хүргэж байна.

• Сирийн ерөнхийлөгч Башар аль-Ассад 2000 оны долдугаар сараас хойш төрийн эрхийг барьж байна. Түүнээс өмнө түүний эцэг Хафез аль-Ассад 1970-2000 оны хооронд төрийн эрхийг барьсан.
• Сирид ерөнхийлөгч Башар аль-Ассадыг огцруулахын төлөө эсэргүүцлийн жагсаал 2011 оны гуравдугаар сард эхэлсэн. Жагсаал цуглаан үргэлжилсээр гадаад улс, орнууд хөндлөнгөөс оролцож эхэлснээр иргэний дайны хэмжээнд хүрлээ.

• 2011 оноос хойш өнгөрсөн хугацаанд Сирийн зөрчил мөргөлдөөнд 400 мянга гаруй хүн амь үрэгджээ.
• 2018 оны дөрөвдүгээр сарын байдлаар Сири  улсаас дүрвэгсдийн тоо 5.6 саяд хүрчээ.
• Зөрчил мөргөлдөөн эхэлснээр 2013 онд Сирийн эдийн засаг 45 хувиар агшсан.
• Зөрчил мөргөлдөөнд Сири улс 2015 оны сүүлч гэхэд 237 тэрбум ам.долларын хохирол амсчээ.

Б.ТУЯА