Сэтгэлийн зул | News.MN

Хуучирсан мэдээ: 2018.04.12-нд нийтлэгдсэн

Сэтгэлийн зул

Жигжидийн МӨНХБАТ

(1941-2018)

Монгол Улсын Хөдөлмөрийн баатар, Гавьяат тамирчин, Дархан аварга, төр, нийгмийн зүтгэлтэн, Жигжидийн Мөнхбат 2018 оны дөрөвдүгээр сарын 9-ний өдөр таалал төгсөж, Монголын ард түмэнд хүнд гарз тохиолоо.

Ж.Мөнхбат 1941 онд Төв аймгийн Эрдэнэсант суманд төрж, 1958 оноос үндэсний бөхийн барилдаанаар спортын гараагаа эхлүүлсэн юм.

Тэрбээр 1961 онд МБАТ-ний спартакиадад түрүүлж улсын заан, 1963 оны улсын наадамд 9 даван түрүүлж улсын арслан, 1963-1967 онуудад Улсын баяр наадамд завсаргүй 5 удаа, 1974 оны Улсын баяр наадамд 6 дахь удаагаа түрүүлж, даяардуурсагдах, далайдаян, дарханаваргацолыг хүртжээ.

Мөн 1972, 1975, 1978, 1980 онд Улсын баяр наадамдүзүүрлэн, 1961, 1971-1975, 1977, 1979, 1980, 1981, 1983-1985,1994 онуудад таваас дээш давж нийт 22удаашөвгөрсөнэгэлгүй үнэн хүчтэн байлаа.

Ж.Мөнхбат нь 30 гаруй жил баяр наадмыг манлайлан барилдахдаа улам нэмэх, олныг баясуулагч, батнягт, баяр наадмын манлай, түмнээс төгөлдөр, улс даяар гайхамшигт, өнөд баясгалант, бүхнээ дуурсгалт, манлайн баясгалант, үлэмж бадрах, тод сонин үзэсгэлэнт, бат нягт итгэлт, өнөд түвшин, хотлоор баясгагч, далай дайчин, даяар дуурсагдах, далай даян, дархан аварга цол, чимгүүдийг хүртсэн юм.

Тэрбээр чөлөөт бөхийн спортоор хичээллэж, Улсын шигшээ багийн анхны гишүүн, “Токио-1964”, “Мехико-1968”, “Монреал-1972” зуны олимпийн наадамд оролцож, “Дели-1967” Дэлхийн аварга шалгаруулах тэмцээнээс анхны хүрэл медаль, “Мехико-1968” зуны олимпийн XIX наадмаас анхны мөнгөн медалийг эх орондоо авчирсан бөгөөд 1972 онд Улаанбаатар хотноо зохиогдсон Ази тивийн аваргаас алтан медаль, “Тегеран-1974” Азийн наадмаас сонгомол бөхөөр хүрэл, “Дан Колов”, “Вахтанг Балавадзе”, “Зеелинбендир”, Найрамдалт армиудын олон улсын тэмцээнүүдээс алт, мөнгө, хүрэл медаль, 1965, 1966, 1967, 1969, 1973, 1974 оны Монгол Улсын аваргын алтан медалийг тус тусхүртэж, чөлөөт бөхийн төрлөөр эх орныхоо нэрийг дэлхий дахинаа дуурсган Монгол түмэндээ хүндлэгдсэн аугаа нэгэн байлаа.Дэлхийн бөхийн хөгжилд оруулсан түүний хувь нэмрийг Олон Улсын Олимпийн Хороо өндрөөр үнэлж, “IOC TROPHY”цомын шагналаа олгосон юм.

Ж.Мөнхбат нь1990-1992 ондАрдын Их Хурлын депутатаарсонгогдож, МонголУлсынҮндсэнхуулийгбатлалцсан төр нийгмийн зүтгэлтэн юм.

Ж.Мөнхбат нь үндэсний болон чөлөөт бөхийн залгамж халааг бэлтгэх, үндэсний ёс заншлыг дээдлэн хөгжүүлэхэд үнэтэй хувь нэмэр оруулсан сурган хүмүүжүүлэгч төдийгүй түмэн олныхоо хайр хүндэтгэлийг хүлээсэн, ард түмний хайртай хүү байлаа.

Тэрбээр Монгол Улсын шигшээ багийн тамирчин, дасгалжуулагч, Биеийн тамир, спортын улсын хорооны Санхүү, хангамжийн хэлтсийн дарга, “Их шавь” биеийн тамирын дээд сургуулийг үүсгэн байгуулж, захирлаар олон жил үр бүтээлтэй ажиллаж, залуу хойч үеийн шилдэг тамирчин, дасгалжуулагчдыг бэлтгэн, эх орныхоо хөгжил дэвшил, бүтээн байгуулалтад үнэтэй хувь нэмэр оруулсан ажилсаг, хөдөлмөрч нэгэн байв.

Түүний гавьяа зүтгэлийг төр засаг өндрөөр үнэлж, Монгол Улсын Хөдөлмөрийн баатар, Гавъяат тамирчин цол хүртээж, Сүхбаатарын одон, Хөдөлмөрийн гавьяаны улаан тугийн одон, “Алтан гадас” одон, Хөдөлмөрийн хүндэт медаль, ойн медалиуд, “Биеийн тамир, спортын тэргүүний ажилтан” цол тэмдгээр тус тус шагнажээ.

Талийгаачийн эхорноо гэсэн халуун сэтгэл, хөдөлмөрч, уйгагүй, бардам, нөхөрсөг зан чанар, үндэсний бөх болон их спортод үзүүлсэн агуу амжилт монгол хүн бүрийн сэтгэлд үүрд хадгалагдан үлдэх болно.

Х.БАТТУЛГА, М.ЭНХБОЛД, У.ХҮРЭЛСҮХ,

Д.БААТАРБИЛЭГ, Г.ЗАНДАНШАТАР, Ц.ЦОГЗОЛМАА, Н.ЭНХБОЛД,

Б.БАТ-ЭРДЭНЭ, А.СҮХБАТ, Д.СУМЪЯАБАЗАР, Ц.ЭНХБАТ, Ж.БАТЖАРГАЛ,

С.ЧИНБАТ, Ц.ШАРАВЖАМЦ, Ж.ГОМБОЖАВ, Д.ЗАГДСҮРЭН

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-12 115.187.89.91

Эмгэнэл илэрхийлье

Avatar

БЗД 22-Р ХОРОО Л ГАНТӨМӨР ,баруун монгол засагт ханы хөх харчуулыг удам 2018-04-12 66.181.160.60

ЭГЭЛГҮЙ Аварга эр хүний шулуун зан шударга задгай сайхан хүн, хүүХахокуд энэ зан чанар байгаагаас их амжилт ундарч байна 5-р сарын башед түрүүлж аавдаа тайван нойрсох боломжийг нэмэгдүүлээрэй ээлтэй эх хүн эхнэр үр хүүдүүдэд гүн эмэгнэл илэрхийлье???? Удмын МОНГОЛ БӨХ ТӨРӨХ БОЛТУГАЙ

Avatar

Зочин 2018-04-12 202.72.245.122

Жинхэнэ эр хүн дээ

Avatar

Anu 2018-04-12 67.81.182.161

RIP,aguu tamirchin b.laa

Avatar

Zochin 2018-04-12 49.0.152.66

Jinhene Er Hun jinhene Mongol Huu uneheeriin Avarga divaajind toroh boltugai

Avatar

Зочин 2018-04-12 103.26.193.103

энэ муухай нийгэмдд гутаж байсан биз. энд эргэн төрнө гэдэг гонж байхаа. өөр тивд төрөөрөөөөөөөөөөөөөө

Avatar

sss 2018-04-12 202.70.43.214

Зууны манлай аварга, үлгэр жишээ хүн. Дахиж ийм эрхэм хүндтэй, эгэл мөртлөө гайхамшигтай, ховор эрдэнэ шиг авьяаслаг, хүчтэн, олныг баясуулагч, бахархалтай эрчүүд олон төрөх болтугай.

Avatar

Зочин 2018-04-12 202.21.117.178

МОНГОЛЧУУДЫН БАХАРХАЛ, САЯД НЭГ ТӨРӨХ ХОВОР ҮЗЭГДЭЛ БАЙСАН ДАА

Avatar

zochin 2018-04-12 202.179.24.41

gun emgenel ilerchiilee

Avatar

Зочин 2018-04-12 43.228.131.45

ёстой гоё хүн өөр хэлэх үг байхгүй хүн шүү дээ нөхөртэй хээгүй сайхан ховор хүн ахиж төрөх болтугай??

Avatar

ЗОЧИН 2018-04-12 103.242.47.38

УМ МАНИ БАДМЭ ХУМ

Avatar

hi 2018-04-12 49.0.165.10

Түшээт ханы хүү, түмний хайртай булган сүүлтэй аварга минь ум мани бад ми хум

Avatar

um!!! 2018-04-12 148.60.92.227

saihan abraga mini byrhan boloh boltygai!!!!

Avatar

Зочин 2018-04-12 202.179.27.100

Ум амгалан болтугай.

NewsMN Гар утасны хувилбар Татах
NEWS.mn

Мэдээллийн эх сурвалж