Ерөнхий хороо тээврийн тарифын хөнгөлөлтийн асуудлыг хэлэлцэж байна | News.MN

Ерөнхий хороо тээврийн тарифын хөнгөлөлтийн асуудлыг хэлэлцэж байна

Хуучирсан мэдээ: 2018.04.11-нд нийтлэгдсэн

Ерөнхий хороо тээврийн тарифын хөнгөлөлтийн асуудлыг хэлэлцэж байна

Ерөнхий хороо тээврийн тарифын хөнгөлөлтийн асуудлыг хэлэлцэж байна

“УБТЗ” ХНН-ийн Ерөнхий хорооны хурал Их тэнгэр цогцолборт үргэлжлэн хуралдаж байна. Хурлаар “Болд төмөр ерөө гол” компанид ногдуулсан тээвэрлэлтийн тарифын хөнгөлөлтийн асуудлыг хэлэлцжээ. Тухайлбал, барилгын материалын тээврийн үнийг 23 хувиар нэмэгдүүлсэн байтал УБТЗ-ын үндсэн орлогын 70 орчим хувийг бүрдүүлэгч төмрийн хүдрийн тээврийн үнэ 2016 оноос эхлэн тогтмол хөнгөлөлт эдэлсээр ирсэн. Өнгөрсөн онд төмрийн хүдэр тээвэрлэгч компанид долоон хувийн хөнгөлөлт үзүүлсэн бол энэ жил дахин уг хөнгөлөлтийг хэвээр эдлүүлэхээр Ерөнхий хороонд санал оруулжээ. Төмрийн хүдэр тээвэрлэгч компани улсын хэмжээнд “Болд төмөр Ерөө гол” компаниас өөр байхгүй гэхэд болно. Тус компаниас хэд хэдэн компаниар дамжуулан Төмөртэйн ордрос төмрийн хүдэр экспортолдог. Мөн үйлчлүүлэгч компани өөрийн вагонтой бол нэмэлт 15 хувийн хөнгөлөлт эдэлдэг журам УБТЗ-д үйлчилдэнг. Ингэснээр уул уурхайн баялаг гадагш экспортолдог компаниуд 22 хувийн хөнгөлөлөт эдэлж байхад дотоодын үйлдвэрлэгч болох барилгын материал, жижиг дунд үйлдвэрдэд эрхлэгчид 23 хувиар нэмэгдсэн үнээр үйлчлүүлж үйл ажиллагаагаа явуулах болж байна. Тэгш бус энэ байдлаас үүдэн Монголд үйлдвэрлэлийн салбар хөгжих боломж хаагдмал байна гэж эдийн засагчид үздэг. Тиймээс энэ тухайд Оросын талын гишүүд санал зөрөлдөөнтэй байгааг эх сурвалж өгүүллээ.

Мөн Дорноговь аймгийн Айраг суман дахь Олон овоотын нүүрсний ордын чиглэлийн гурван км төмөр замыг “УБТЗ” ХНН-ийн хөрөнгөөр барьсан атал тухайн замыг барьсан газрыг дуудлага худалдаанд оруулсан асуудал маргаан дагуулаад байгаа тул  дээрх асуудлыг хэлэлцэж буй гэнэ. 

Түүнчлэн Замын дарга асан Л.Пүрэвбаатартай Ерөнхий хорооноос байгуулсан гэрээнд өнөөдөр шүүхээр буцаан төлүүлэхээр шийдвэрлэсэн автомашин, орон сууцны асуудлыг гурван жилийн хугацаанд сайн ажиллавал өгүүлэхээр тусгасныг цуцалжээ. Хэрэг уг гэрээг ийнхүү цуцлаагүй бол шүүхээс Л.Пүрэвбаатараас уг барилгыг буцаах шийдвэр гарах байсан эсэх нь эргэлзээтэй байлаа хэмээн эх сурвалж мэдээлсэн юм. Хурал одоогоор үргэлжилж байгаа бөгөөд саналын зөрүүтэй байгаа тарифын хөнгөлөлтийн асуудлыг хэлэлцэж байгаа аж.

У.ОЙДОВ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-11 64.119.27.73

жигжидням [Хориотой Үг] хуур одоо болилч ээ, барилгвн материалын унийг оноодор буцааж тэгшитгэ, тэр худэр ийн тарифын хонгололтыг буцааж адил тувшинд бариач та нарыг бурхан хашираандаа,

Avatar

Зочин 2018-04-11 122.201.26.42

dotoodiin teevriig hongolohgui harin esregeer gadagshaa tuuhii edee zooj baigaa companiudad hongololt edluulne gedeg er ni baij boloh asuudal uu. bi huvidaa oilgohgui yum

Avatar

Хөгийн н**ш 2018-04-11 112.72.14.227

100сая₮ э/з хямрал гэж хандивлаж ариун амьтан болчихоод, цаана тэрбум тэрбумаар нь ТЗ-аас хөнгөлөлт авч байдаг. Хөгийн [Хориотой Үг] юм даа Дэлгэрсайхан

Avatar

Зочин 2018-04-11 27.123.212.142

Дэлгэрсайханы 7 эхнэрийг ТЗ тэжээгээд байгаа юм уу? Ккк
Дотоодын тээврийг 21% хүрэл хувь нэмээд Дэлгэрсайхан 15%+7% хөнгөлдөг ДААМ биз. Эрхэм гишүүн

Avatar

Зочин 2018-04-11 202.21.99.42

Барилгын материал үйлдвэрлэгч нарын түлш түүхий эдийн тээврийн хөлсийг нэмчээд Төмрийн хүдэр Хятадруу зөөдөг компанид болохоор хөнгөлөлт үзүүлнэ гэдэг чинь юу гэсэн үг вэ?

Avatar

УИХ-ын гишүүн Дэлгэрсайханы компани мөн үү 2018-04-11 202.9.41.77

?????????????

Avatar

Зочин 2018-04-11 202.72.245.194

БОЛД ТӨМӨР ЕРӨӨ ГОЛ ИХЭНХИ ХУВЬ НЬ ХЯТАД ЭЗЭНТЭЙ ШҮҮ ДЭЭ, ЯМАР ИХ ХӨНГӨЛӨЛТ ЭДЭЛДЭГ ЮМ БЭ АВИЛГАЛ ҮНЭРТЭЭД БАЙГАА ЮМ БИШ ҮҮ. ХӨНГӨЛӨЛТИЙГ ЦУЦАЛЖ ТЭЭВРИЙН ХӨЛСИЙГ 25% НЭМ

NewsMN Гар утасны хувилбар Татах
NEWS.mn

Мэдээллийн эх сурвалж