ӨНӨӨДӨР ДӨРӨВДҮГЭЭР САРЫН 11

ХОТЫН ЦАГ АГААР

Үүлшинэ. Хур тунадас орохгүй. Салхи зүүн өмнөөс секундэд 6-11 метр. 10-12 градус дулаан байна

ӨНӨӨДӨР БОЛОХ ҮЙЛ ЯВДАЛ

08.30

• Нийслэлийн иргэний хэргийн давж заалдах шатны шүүхийн танхимд УБТЗ-ын дарга асан Л.Пүрэвбаатар “УБТЗ” ХНН-ийн хөрөнгөөр хувьдаа 1 тэрбум 484 сая төгрөгийн байр авахуулсан гэх хэрэгтэй холбоотой маргааныг шүүх хурал болно. Утас: 86114818

09.00

• Улаанбаатар Зочид буудлын Номын өргөө танхимд Сэргээгдэх эрчим хүч ба уур амьсгалын өөрчлөлт хэлэлцүүлэх болно. 

• Үндэсний Хөгжлийн Газрын 3 давхрын хурлын танхимд “ЭДИЙН ЗАСГИЙГ БҮСЧЛЭН ХӨГЖҮҮЛЭХ, ТӨВЛӨРЛИЙГ СААРУУЛАХ БОДЛОГО” АЖЛЫН ХЭСГИЙН УУЛЗАЛТ, хэлэлцүүлэг болно. Холбоо барих утас:+976-95883542

09.30

• “Туушин” зочид буудалд мэдээллийн аж ахуйн нэгжүүдэд мэдээллийн технологийг ашиглах стратеги төлөвлөгөө боловсруулахад нь дэмжлэг үзүүлэх зорилго бүхий “IDC DX Day Roadshow” арга хэмжээ болно.

10.00

• “Төрөөс хууль зүйн туслалцаа үзүүлэх үндэсний тогтолцоог бэхжүүлэх нь”сэдэвт хэлэлцүүлэг Хууль сахиулахын Их сургуулийн Соёлын төвд болно. Уг хэлэлцүүлэгт УИХ-ын Хууль зүйн байнгын хороо, УИХ-ын Тамгын газар, Засгийн газрын хэрэг эрхлэх газар, Монголын Хуульчдын холбоо, Шүүхийн ерөнхий зөвлөл, Улсын ерөнхий прокурорын газар, Цагдаагийн ерөнхий газар, нийслэлийн 9 дүүргийн эрүүгийн хэргийн анхан шатны шүүхүүдийн Ерөнхий шүүгчид, Тамгын газрын дарга, Монгол Улсын 21 аймаг, нийслэлийн 9 дүүргийн Засаг даргын Тамгын газрын дарга, Хууль эрх зүйн хэлтсийн дарга нар тус тус оролцоно. Холбоо барих утас:70004030, 88188198, 99676240

• НЗДТГ-т НИТХ-ын тэргүүлэгчдийн хуралдаан болно.

• Өнөөдөр Чингэлтэй Сүхбаатар дүүрэг дэх зөрчилтэй барилга байгууламжийн хяналт шалгалт хийнэ. Холбоо барих утас: 91887887

11.00

• Блү Скай зочид буудлын Топаз танхимд Азийн хөгжлийн банк 2018, 2019 оны эдийн засгийн төлөвөө танилцуулна.

• “Централ Тауэр”-т Канад улсад тэтгэлгээр суралцах хүсэлтэй залууст мэдээлэл, зөвлөгөө өгөх өдөрлөг болно.

12.00

• Пүүл биллярдны улсын аварга шалгаруулах тэмцээний шигшээ тоглолтууд Улаанбаатар их дэлгүүрийн нэгдүгээр давхарт болно. 

14.00

• ШУА-ын I байрны 410 тоотод Оросын ШУА-ийн сурвалжлагч гишүүн, Түүхийн шинжлэх ухааны доктор, профессор Н.Н.Крадин ‘Монголын эртний нүүдэлчдийн хотжилт: Хүннүгээс Монголын эзэнт гүрэн хүртэл’ илтгэл тавина. Холбоо барих утас: 455028, 99717977 

 Үндэсний мэдээллийн төв

11.00

• Дөрөвдүгээр сарын 12-нд болох жагсаалын талаар ‘Монгол төрийн уламжлалыг сэргээх үндэсний хөдөлгөөн’-өөс хэвлэлийн бага хурал зарлалаа.

12.00

• ‘Иргэдийн шударга шүүх’ ТББ-аас шүүгчидтэй холбоотой асуудлаар ноцтой баримт дэлгэнэ.

Төрийн ордон

09.00

• Эдийн засгийн байнгын хорооны хуралдаан “Их Эзэн Чингис хаан” танхимд болно. 

Хэлэлцэх асуудал:

• Монгол Улсын Засгийн газар,  Европын сэргээн босголт, хөгжлийн банк хооронд байгуулах “Улаанбаатар хотын хатуу хаягдлыг боловсруулах байгууламжийг шинэчлэх төсөл”-ийн Зээлийн хэлэлцээрийн төсөл /Засгийн газар 2018.04.04-ний өдөр өргөн мэдүүлсэн, зөвшилцөх, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ/;
• Ажлын хэсгүүд байгуулах тухай /Санхүүгийн зохицуулах хорооны 2017 оны тайлан, Үндэсний статистикийн хорооны 2017 оны тайлан, Эдийн засаг, нийгмийг 2017 онд хөгжүүлэх үндсэн чиглэлийн биелэлт/.

14.00

• Аюулгүй байдал, гадаад бодлогын байнгын хорооны хуралдаан  “Жанжин Д.Сүхбаатар” танхимд: 

Хэлэлцэх асуудал:

• Монгол Улсын Засгийн газар, Бүгд Найрамдах Хятад Ард Улсын Засгийн газар, Оросын Холбооны Улсын Засгийн газар хооронд байгуулсан Азийн авто замын сүлжээгээр олон улсын авто замын тээвэрлэлт гүйцэтгэх тухай хэлэлцээр соёрхон батлах тухай хуулийн төсөл /Засгийн газар 2018.02.02-ны өдөр өргөн мэдүүлсэн, соёрхон батлах/;
• Улсын нисэхийн тухай хуульд нэмэлт, өөрчлөлт оруулах тухай хуулийн төсөл /Засгийн газар 2018.02.09-ний өдөр өргөн мэдүүлсэн, анхны хэлэлцүүлэг/;
• “Газар хөдлөлтийн гамшгаас урьдчилан сэргийлэх, эрсдэлийг бууруулах талаар авах зарим арга хэмжээний тухай” Улсын Их Хурлын 2016 оны 34 дүгээр тогтоолын хүрээнд хэрэгжүүлсэн арга хэмжээний биелэлт, үр дүнгийн талаарх асуудал танилцуулах тухай /Засгийн газар 2018.03.02-ны өдөр ирүүлсэн/.

ЭНЭ ӨДӨР МОНГОЛЫН ТҮҮХЭНД 

1241.04.11 Бат хаан, Сүбээдэй баатар нар Унгарын Бела IV вангийн удирдсан Европын нэгдсэн армийн 65,000 цэргийг Сайо голын эрэгт бут цохиж ялгуулсан ялалт байгуулжээ. Европын 65,000 цэргээс 56,000 цэрэг нь алагдажээ. Энэ бол хядлага бус харин европын доройтол хоцрогдол байсан юм. Монгол цэргийн суу алдар бадартугай.

1924.04.11 Уурын тэрэгний хэрэг эрхлэх газрыг байгуулав 

1987.04.11 ЗХУ-ын БХЯ-ны ЗХУ-ын удирдагчдын шийдвэр болон БНМАУ-ын Засгийн газартай хийсэн хэлэлцээрийг үндэслэн ЗХУ-аас БНМАУ-ын нутаг дэвсгэр дээр “түр байрлаж буй” мото механикжуулсан болон зарим нэг тусгай анги нэгтгэлийг БНМАУ-ын нутаг дэвсгэрээс татах ажлыг эхлүүлсэн хийгээд зөвлөлтийн цэргийн анги нэгтгэл нь 1963 оноос эхлэн БНМАУ-д байрлаж байгаа тухай мэдэгдсэн боловч ЗХУ-ын талаас БНМАУ-д байрлаж буй цэргийн анги нэгтгэлийн тоог зарлаагүй байна 

2006.04.11 БНХАУ-ын ӨМӨЗО-ны Эрээн хотын гаалийн албанаас мэдээлснээр, энэ жилийн нэгдүгээр улиралд Эрээн боомт хотоор дамжуулан Монгол Улсаас 56475,77 тонн нүүрс импортолсон нь түүхэндээ хамгийн өндөр үзүүлэлт ажээ.