ОХУ-ын Воронеж муж энэ онд хүлээн авах жуулчны урсгалаа 7-10 хувь нэмэгдүүлэх зорилт тавьжээ. Энэ зорилтыг биелүүлэхэд тус мужийн аялал жуулчлалын оператор “ТТ-ТРЭВЕЛ”-тэй хамтарна хэмээн мужийн захиргаа мэдээллээ.

Өнгөрсөн 2017 онд Воронеж мужид ирсэн жуулчдын тоо өмнөх 2016 онтой харьцуулахад долоо хувь өсч 642 мянгад хүрчээ. Жуулчдад зориулсан төлбөрт үйлчилгээний орлого 30 хувь нэмэгдэж 1,287 тэрбум рубль болсон байна.

Өнөөдрийн байдлаар Воронеж мужид 12 туроператор, 253 турагентлаг ажиллаж байгаа юм.

Эх сурвалж: РИА НОВОСТИ