Их Британийн хунтайж Уильям, Кейт Мидлтон нарын хуримын дараа дэлхийн загварыг тодорхойлогч нийс­лэлээр Парис бус Лондон тодорхойлжээ.  Техаст төвтэй Америкийн "Global Language Monitor" бай­гууллагаас ийм дүгнэлт гаргасан байна. Судалгааг явуулахдаа судлаачид хэвлэлд нэр нь хэдэн удаа дурдагдсаныг гол шалгуураа болгож, 75 мянган хэвлэлд дүн шинжилгээ хийжээ. "Global Language Monitor"-ийн гаргасан дүгнэлтээр жагсаалтын нэгдүгээрт Лондон оржээ. Хоёрдугаарт, Нью-Йорк, гуравт Парис багтжээ. Жаг­саалтын эхний тавд Милан, Лос-Анжелес хотууд багтсан байна. "Global Language Monitor" байгуул­лагын мэдээлс­нээр нэрт загвар зохион бүтээгч Маккуина Сара Бертоны урласан Уильямын гэргийн хуримын даашинз Лондонг загварын ертөнцийн нийслэл болгоход чухал үүрэг гүйцэтгэсэн гэнэ. Түүнчлэн дээрх хэвлэлд мэ­дээлснээр жагсаалтын эхний аравт сүүлийн найман жилийн хугацаанд анх удаа Берлин, Сингапур хот оржээ.