Туулын эрэг дагуух 28 газар эзэмших эрхийг цуцаллаа | News.MN

Туулын эрэг дагуух 28 газар эзэмших эрхийг цуцаллаа

Хуучирсан мэдээ: 2018.04.10-нд нийтлэгдсэн

Туулын эрэг дагуух 28 газар эзэмших эрхийг цуцаллаа

Туулын эрэг дагуух 28 газар эзэмших эрхийг цуцаллаа

Улсын Их Хурлын Өргөдлийн байнгын хороо Туул голын дагуу аялал жуулчлалын үйл ажиллагаа явуулах зөвшөөрөлтэй аж ахуйн нэгж, байгууллага, холбогдох албан тушаалтнуудаас тайлбар, мэдээлэл авах хэлэлцүүлгийг өнөөдөр (2018.04.10) Төрийн ордонд зохион байгууллаа.

Хэлэлцүүлгийг УИХ-ын гишүүн, Өргөдлийн байнгын хорооны дарга М.Оюунчимэг удирдаж, УИХ-ын гишүүн Ж.Энхбаяр, Г.Солтан, А.Сүхбат, Б.Пүрэвдорж, Ё.Баатарбилэг, М.Билэгт, Ц.Гарамжав, мөн Байгаль орчин, аялал жуулчлалын яам, Уул уурхай, хүнд үйлдвэрийн яам, Нийслэлийн ЗДТГ, түүний харьяа газруудын удирдах албан тушаалтнууд, аж ахуйн нэгж байгууллагын төлөөлөл оролцлоо.

Өргөдлийн байнгын хороонд 2016 оноос хойш Туул голын бохирдол, түгээмэл тархацтай ашигт малтмалын олборлолтын талаар иргэдээс 5846 өргөдөл, гомдол ирүүлсний дагуу газар дээр нь танилцаж, дүгнэлт гарган хуралдаанд танилцуулах үүрэг бүхий ажлын хэсэг байгуулагдсан бөгөөд ажлын хэсгийн хурлыг гурван удаа, холбогдох албан тушаалтнуудаас тайлбар авах уулзалтыг хоёр, хэлэлцүүлгийг хоёр удаа тус тус зохион байгуулж, 2016 оны 03 дугаар тогтоолоор 13 заалт бүхий, 2017 оны 02 дугаар тогтоолоор 7 заалт бүхий үүрэг чиглэлийг Засгийн газарт өгч ажилласан талаар УИХ-ын гишүүн, Байнгын хорооны дарга М.Оюунчимэг хэлэлцүүлгийн эхэнд танилцуулав.

БОАЖЯ-ны Тусгай хамгаалалттай нутгийн удирдлагын газрын дарга Ч.Батсансар Туул голын орчим газрын тусгай хамгаалалттай газарт зөвшөөрөлтэй аж ахуйн нэгж байгууллагын талаар, Нийслэлийн газрын албаны дарга Э.Болорчулуун Туул голын эргийн дагуу газар ашиглах зөвшөөрөл олгосон асуудлаар, Нийслэлийн ЗДТГ-ын Байгаль орчны газрын дарга Э.Баттулга Өргөдлийн байнгын хорооны 2018 оны 7/2657 тоот албан бичгээр өгсөн үүргийн биелэлтийн талаар тус тус мэдээлэл хийсний дараа УИХ-ын гишүүд асуулт асууж, хариулт авлаа.

Нийслэлийн Засаг даргын орлогч Ж.Батбаясгалан өгсөн мэдээлэлдээ, барилгажилт, олборлолт гэдэг хоёр зүйл Туул голын хувь заяанд сөргөөр нөлөөлж байна гээд, Туул голын энгийн болон онцгой хамгаалалтын бүсэд үе үеийн нийслэл, дүүргийн удирдлагуудаас нийтдээ 14 мянга гаруй нэгж талбарын зөвшөөрөл олгосон байдаг. Үүнээс онцгой хамгаалалтын бүсэд 894 объект, энгийн хамгаалалтын бүсэд 500 орчим барилгын асуудал байна гэсэн юм.

Энэ асуудлыг цэгцэлж шийдвэрлэхээр Өргөдлийн байнгын хорооноос удаа дараагийн хэлэлцүүлэг зохион байгуулсны үр дүнд Богдхан уулын дархан цаазат газрын хязгаарлалтын бүс, Яармагийн гүүрнээс Хүрхрээгийн амны чиглэл, Туул голын эрэг дагуу барилга байшин барьж буй 28 иргэн, аж ахуйн нэгжийн газар эзэмших эрхийг цуцлах шийдвэрийг БОАЖЯ гаргаад байгааг танилцууллаа.

Туул голын дагуух замбараагүй газар олголт, барилга байгууламжийг цэгцлэх асуудал хөндөгдсөний дараа УИХ-ын гишүүн М.Билэгт хэлсэн үгэндээ, бид сүүлийн 30 шахам жил энд тэнд гарсан бүхий л зөрчилд аж ахуйн нэгжүүдийг буруутгаж ирсэн. Одоо энэ хандлагаа өөрчилье. Тэдэнд тусгай зөвшөөрлийг төрийн нэрийн өмнөөс олгосон этгээдүүдэд, тухайн үед хяналтаа тавьж ажиллаагүй хууль хяналтын байгууллагуудад хариуцлага хүлээлгэдэг эрх зүйн орчныг бий болгох шаардлагатай болсныг онцлов. Мөн УИХ-ын гишүүн А.Сүхбат Туул голыг тусгай хамгаалалтад авах зайлшгүй шаардлага байгааг, УИХ-ын гишүүн Г.Солтан Туул голын урсацыг сааруулсан шалтгааныг олж, тэр шалтгааныг арилгахад анхаарлаа хандуулахыг чухалчиллаа.

УИХ-ын гишүүн Ж.Энхбаяр Сэлбэ, Туул голын бүсэд Улаанбаатар хотын иргэдэд зориулсан амралт, аялал зугаалгын нийтийн эзэмшлийн газар бий болгох ажлыг хууль хэрэгжүүлэгч байгууллагууд хуваарилж аваад, эзэнжүүлэх хэрэгтэй, дахин уулзахад ахиц гаргаагүй байж болохгүй. Саад болж байгаа асуудлыг яаралтай шийдээд явах хэрэгтэй. Ажил хийхэд саад болсон болон газар олголтыг зохион байгуулалтгүй хийсэн улс төрийн бөгөөд төрийн албан тушаалтныг шалгуулах асуудлыг Байнгын хорооноос Авлигатай тэмцэх газарт тавих нь зүйтэй гэлээ.

Энэ хэлэлцүүлэг нэг удаа болоод өнгөрөхгүй, тодорхой үр дүн нэхэж үргэлжилнэ гэдгийг УИХ-ын гишүүн Ц.Гарамжав онцлоод, Туул голын дагуух асуудлыг цэгцлэхдээ мэргэжлийн хариуцлагатай үйл ажиллагаа явуулдаг компаниудыг хавтгайруулж, хохироохгүй байхыг хууль хэрэгжүүлэгч байгууллагуудад анхааруулав.

Хэлэлцүүлгийн төгсгөлд УИХ-ын гишүүн, Өргөдлийн байнгын хорооны дарга М.Оюунчимэг Туул голын асуудлаарх ээлжит хэлэлцүүлгийг зургадугаар сарын эхний долоо хоногт хийхээр товлож байгааг мэдэгдээд, Баянзүрхийн гүүрээс Яармагийн гүүр хүртэлх газрыг чөлөөлж, иргэдийн амарч, зугаалах аятай таатай орчин болгох зорилтын хүрээнд ажил хариуцсан байгууллага бүр хийсэн ажлын үр дүнтэй, хийх ажлын тодорхой төсөв, төлөвлөгөөтэй орж ирэхийг санууллаа. Тухайлбал, Туул голыг тусгай хамгаалалтад авах асуудлыг түргэвчлэх, Түгээмэл тархацтай ашигт малтмалын тухай хуульд нэмэлт, өөрчлөлт оруулах саналыг тавдугаар сард багтаан Уул уурхай, хүнд үйлдвэрийн яамны зүгээс оруулж ирэх, 60 гаруй аж ахуйн нэгжийн газар эзэмших зөвшөөрлийг цуцлах, тэдний зарим барилга байгууламжийг нураах ажлыг холбогдох байгууллагууд хуулийн дагуу зохион байгуулахыг даалгалаа гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-10 103.57.92.219

Ихэнх зөвшөөрөлийг оюун хорол өгсөн авсан юм байнаа.

Avatar

Хар 2018-04-10 202.21.100.158

Дүлж дүлж арай гэж нэг юм эхлэв үү

Avatar

Зочин 2018-04-10 103.10.22.23

ЭЭЛЖИТ НУГАЛАА. ХОТ, БОЯ-ны шийдвэргүй нэг сөөм ч газар байхгүй байх. Хэзээ хэний шийдвэрээр олгосныг тодруулж газрын наймаачин- төрийн ажилтан нарыг илэрүүл.

Avatar

Зочин 2018-04-10 202.21.106.163

зарын үнэгүй сайт – terbum.mn

Avatar

Зочин 2018-04-10 202.21.106.163

зарын үнэгүй сайт – terbum.mn

Avatar

Зочин 2018-04-10 66.181.166.66

tsutslahig daalgajee tsutslah bolobuuda

Avatar

Хэнд хандах вэ цаашдаа 2018-04-10 112.72.14.11

Хууль бус газар олголт энэ 28-аар дуусч болохгүй. Дамбын Ганбат гэдэг нөхөрт 1485м2 газар Нүхтэд хууль бусаар олгосон. Одоо ямарч дүрэмгүй барилга барьж бна. Хаана хандах вэ?

Avatar

иргэн 2018-04-10 202.179.24.243

УИХ-ын эрхэм гишүүн хэн гуай нь ч цуцла гэхээр цуцладаг юм биш, ядаж цуцах шийдвэрээ хуульд нийцүүлэхийг бодоорой доо

Avatar

иргэд 2018-04-10

Дэмий эзэнгүй юм ярьж иргэдийг хохироож цаг нөхцөөж байхаар хэн хэн хэдийд эдгээр байгууллага аж ахуйн нэгжид ямар журмаар ямар үнээр ямар хэмжээний газар олгосоныг буух эзэнтэй буцах хаягтай ярьж сур,хууль зөрчсөн дарга нарын нэрийг нууцлах шаардлага байхгүй,иргэдэд учирсан хохиролыг тэр луйварчид хариуцах учиртай.

Avatar

Зочин 2018-04-10 66.181.176.29

ЯГ ҮНЭН!!! Дандаа нэр усгүй, эзэнгүй юм ярьдаг, улс нийгэм, төр засаг, байгаль дэлхий өөрөө л ингээд баларцсан юм шиг балай юм ярьдаг улс шүү дээ, наадуул чинь!!! Тэгэхээр яаж хариуцлага мэдрэгдэх вэ дээ!!!

Avatar

Зочин 2018-04-10 182.160.38.79

батүүлийн хүүхэд туул голд тулгаад эрдэнийн өргөө хотхон барьсаныг нураа.

Avatar

Zochin 2018-04-10 202.179.24.128

Zuv neg 2 hunii eth ashig bish ireiduigee hsrah heregtei

Avatar

21 2018-04-10 202.55.191.130

TGD TER ERKH UGUUD BAIGAA HUNIIG SHOROND HIIHGUIMUU UGUI BOL YAMAR HEREG BAINA

Avatar

бодлын хулгайч 2018-04-10 43.228.129.65

зүйтэй. төртэй, хуультай тусгаар улс биз дээ бид чинь. аль эрт ингэх байсан. гэвч хатан туулаа хайрга болохоос нь өмнө аврах хэрэгтэй. дэмжиж байна

NewsMN Гар утасны хувилбар Татах
NEWS.mn

Мэдээллийн эх сурвалж