Трамп Сирид хүчтэй хариу арга хэмжээ авахаа амлав

Сирийн Доума хотод химийн зэвсгийн халдлага гарч олон хүн амь үрэгдсэн хэрэгт АНУ-ын ерөнхийлөгч Дональд Трамп хүчтэй хариу арга хэмжээ авахаа амлажээ. Дональд Трамп “Бидэнд маш олон цэргийн сонголтууд бий. Хариу арга хэмжээг ойрын хугацаанд шийднэ. Хэн хариуцлага хүлээхийг нарийн тогтоох хэрэгтэй” гэж сэтгүүлчдэд мэдэгджээ. Тэрбээр Сирийн асуудлаар даваа гаригт Францын ерөнхийлөгч Эммануэл Макронтой хэлэлцсэн байна.

Барууны орнуудын зүгээс өнгөрсөн амралтын өдрөөр Сирид гарсан химийн зэвсгийн халдлагад хариу арга хэмжээ авахаар төлөвлөж байна. Сирийн химийн халдлагын асуудал НҮБ-ын Аюулгүйн зөвлөлийн яаралтай хурал зарлан хэлэлцсэн юм.