Монголын үндэсний бөхийн холбооноос энэ сард болох барилдааны хуваарийг гаргасан байна. Энэ сарын эхний барилдаан өнгөрөгч долоо хоногт Ардчилсан намын 28 жилийн ойн барилдаанаар эхэлсэн. Тэгвэл энэ сарын 14-нд Нийтийн Монгол шандастан болон өсвөр бөхийн хаврын улирлын барилдаантай. Дараагийн барилдаан дөрөвдүгээр сарын 15-ны өдөр “Сонгинохайрханы хишиг” Улс, аймгийн алдар цолтой чансаа өндөр бөхчүүдийн барилдаан  болох юм байнай. 

Улмаар дөрөвдүгээр сарын 21-нд Улсын начин Ө.Сумъяагийн нэрэмжит барилдаан, Хөвсгөл аймгаас төрөн гарсан аварга цолтнуудад хүндэтгэл үзүүлэх улс, аймгийн алдар цолтой хүчит 256 бөхийн барилдаан, сумын цолтой болон залуу бөхчүүдийн ээлжит барилдаанууд болох аж. Харин энэ сарын 29-нд Монгол Улсын гарьд цолны хүндэтгэлд зориулсан улс, аймгийн алдар цолтой 256 бөхийн барилдаан болсноор дөрөвдүгээр сарын барилдаан өндөрлөнө.

ХУВААРЬ:

• 4 дүгээр сарын 14-нд 12 цагаас: Нийтийн монгол, шандастан болон өсвөр бөхийн хаврын улирлын барилдаан,
• 4 дүгээр сарын 15-нд 14 цагаас ‘Сонгинохайрханы хишиг’ Улс аймгийн алдар цолтой чансаа өндөр 128 бөхийн барилдаан,
• 4 дүгээр сарын 21-нд 14 цагаас: Улсын начин Ө.Сумъяагийн нэрэмжит Аймаг, цэргийн цолтой болон залуу 256 бөхийн барилдаан,
• 4 дүгээр сарын 22-нд 14 цагаас Хөвсгөл аймгаас төрөн гарсан аварга цолтнуудад хүндэтгэл үзүүлэх Улс, аймгийн алдар цолтой хүчит 256 бөхийн барилдаан,
• 4 дүгээр сарын 28-нд Сумын цолтой болон залуу бөхчүүдийн ээлжит барилдаан,
• 4 дүгээр сарын 29-нд Монгол улсын гарьд цолны хүндэтгэлд зориулсан Улс, аймгийн алдар цолтой 256 бөхийн барилдаан тус тус болно.

Ч.БОЛОР