Махны хомсдол үнэ нэмэгдэх шалтгаан болов уу? | News.MN

Махны хомсдол үнэ нэмэгдэх шалтгаан болов уу?

Хуучирсан мэдээ: 2018.04.09-нд нийтлэгдсэн

Махны хомсдол үнэ нэмэгдэх шалтгаан болов уу?

Махны хомсдол үнэ нэмэгдэх шалтгаан болов уу?

Мах ачсан тэргэндээ дийлдэх шахам арай ядан явах залуу “Зам тавь” хэмээн өндөр дуугаар хашгирах… Лангууных нь дэргэдүүр өнгөрөх хүн бүрт “Амттай шинэ мах байна шүү, аваарай” хэмээн уриалгахан дуудах худалдагчид ч олон. Энэ бол түм түжигнэж, бум бужигнадаг “Хүчит шонхор” захын дүр төрх.

Биднийг захын үүдээр ороход 40 гаруй насны эмэгтэй “Зөвшөөрөл авч байж сурвалжлага хий. Хэвлэл мэдээллийнхэн махны үнэ нэмэгдлээ гэж хөөрөгддөг тал бий. Уг нь махны үнэ бага багаар бууж байгаа. Одоо ч урин цаг ирсэн болохоор үнэ нэмэгдэхгүй” хэмээн ундууцсан байдалтай угтлаа. Захын захиргаанаас зөвшөөрөл авсны дагуу махны үнийн талаарх дараах сурвалжлагыг бэлтгэсэн юм. Тус захад өчигдөр 13.00 цагийн үед очиход үйлчлүүлэгч сийрэг байв. Ажлын өдөр болоод ч тэр үү худалдан авагч цөөтэй байгааг махны худалдагчид хэлж байлаа.

Худалдааны төвийн урд хэсэгт байрлах хонь, ямааны мах зардаг заал руу орлоо. Хувь хувьдаа багахан мах цагаан торонд хийж барьсан хэдэн хүн харагдана. Энд хонины гулууз мах худалдаалах бөгөөд нэг кг нь 5600 төгрөгийн үнэтэй аж.

махны олдоц ховор болсон 

Худалдагч Э.Мөнхзул “Өнөөдөр өглөө ирсэн шинэ нойтон мах нэг кг-ыг нь 6800 төгрөгөөр зарж байна. Шинэ мах худалдан авалт сайн байдаг. Аймгуудад шүлхий гарч байгаа учир мах ховордсон. Ер нь бол махны олдоц ховор болсон гэж болно. Зургаан хоногийн өмнөөс махны үнэ нэмэгдэж эхэлсэн. Өнөөдрөөс харин гайгүй үнээр зарагдаж байна”

Сарын эхээр худалдан авалт сайн байдаг

Худалдагч Д.Чимгээ “Хонины шулсан мах нэг кг нь 5800-6000 төгрөгийн хооронд зарагдаж байна. Сарын эхээр тэтгэвэр буудаг болохоор худалдан авалт сайн байдаг. Ихэнхдээ зоорины мах зарагдаж байгаа. Шинэ мах гэж бараг байхгүй дээ. Захын халаалт зогссон учир мах гэсэхгүй хэцүү юм”

Махны үнэ өссөн нь үнэн 

Үхрийн  махны худалдагч  М.Нарантуяа  “Үхрийн цул мах 1 кг-ыг нь 8000 төгрөгөөр зарж байна.Махны үнэ өссөн нь үнэн. Урьд нь үхрийн цул махыг 1 кг-ыг нь 6500 төгрөгөөр зарж байсан бол одоо 8000 төгрөг болсон. Үнэ өссөн шалтгаан нь махны  олдоц бага байна. Дээр нь нөөцийн мах худалдаанд гарч эхлээгүй. Нөөцийн мах зараад эхэлбэл махны үнэд өөрчлөлт ордоггүй. Гэхдээ нөөцийн мах худалдаанд гарч эхлэхээр шинэ махны үнэ нэмэгддэг”

Бүтэн хонь авдаг байсан айл өрөөл  мах  авч байна

Харин гадаа зогсох худалдагч ийн ярилаа. Түүний хувьд нэрээ хэлэхийг хүссэнгүй. Харин яриа өгч болно гэсний үндсэн дээр бяцхан тохироо хийв. Тэрбээр “Одоо бол мах үнэтэй зарагддаг үе. Шинэ махны үнэ тийм ч амархан буухгүй. Хонины махны бөөний үнэ нэг кг нь 3600-4000 төгрөгийн хооронд байна. Шинээр орж ирж байгаа нойтон мах л 5500 төгрөгөөр зарагдаж байгаа. Энэ жил өмнөх жилүүдийг бодвол махны үнэ хямд байгаа. Гэсэн хэдий ч жил ирэх тусам худалдан авалт муудаад байна. Ард түмний амьдрал доройтож  байгаагийн шинж  л дээ. Бүтэн хонь авдаг байсан айл өрөөл  мах  авч, 5 кг мах авдаг айл 3 кг-ыг авдаг болж. Бид намар өөрсдийнхөө зооринд хадгалсан махыг одоо гаргаж зарж байгаа. Яг үнэндээ нөөцийн мах бэлтгэж байгаа компаниуд нөөц бэлтгэл гэж ярьдаг ч зах дээрээс ирээд л бэлдчихдэг шүү дээ. Хөдөө орон нутаг руу яваад бэлтгэж ирсэн компаниуд хямд өртгөөр  зарж магадгүй л юм. Хямд өртгөөр гаргаж ирээд зарвал  ард иргэдэд хэрэгтэй” 

‘Хүчит шонхор’-ынхон Шүлхийтэй аймгаас мах авдаггүй

Өнгөрсөн өвөл олон аймагт шүлхий өвчин гарсан тул тус захын шинжээч, эмч Б.Өлзийсүрэнгээс  махны эрүүл ахуйн чиглэлээр ямар шаардлага тавьж байгаа талаар сонирхлоо. Тэрбээр “Манай зах өглөө 04.00 цагт нээгддэг. Ингэхдээ хөдөө орон нутгаас орж ирж байгаа махнуудын гарал үүслийг нь баталгаажуулах тэмдэгтэй эсэхийг нь шалгаад зах руу оруулдаг. Харин мах худалдаанд гарахаас өмнө урьтаж бүх махнаас дээж авдаг. Дээж аваад лабораторийн шинжилгээний хүрээнд өвчтэй, үхсэн, вакцин, антибиотик үлдэгдэлтэй эсэхийг нь шинжилнэ. Шинжлээд эрүүл махаа хүнсэнд тэнцэнэ гээд худалдаанд зарах зөвшөөрлийг нь олгодог. Тэнцэхгүйг нь буцаан таталтад хурааж аваад устагдаг юм. Бидэнд шүлхийтэй аймгаас мэдээлэл ирж байгаа учир шүлхийтэй аймгаас мах авдаггүй” гэв.

Харин махны үнийн талаар иргэд ийн ярьж байна.

Иргэн Б.Батхуяг “Хонины мах нэг килограмм нь 5500 төгрөгийн үнэтэй байна. Ах нь арван килограмм мах авсан. Өмнөх долоо хоногтой харьцуулахад махны үнэ илт өссөн байна”

Иргэн Б.Сэр-Бат “Махны үнэ өссөн юм шиг л санагдлаа. Ихэвчлэн зоорины мах зарагдаж байна. Өнгөрсөн долоо хоногт 1 кг мах 4000 төгрөгөөр зарагдаж байсан бол өнөөдөр  5000 төгрөгөөр зарагдаж байна”

Иргэн О.Уранчимэг  “Махны үнэ нэмэгдсэн байна. Хонины шинэ мах 6800-7000 зарагдаж байна. Зарим нь дотроо аягүй их өөхтэй амт муутай л байдаг юм. Өмнө хонины мах  шинэ гэлтгүй 1 кг нь 5300-5600 зарагдаж байсан  чинь 6000 төгрөг болсон байна. Дулаарахаар махны үнэ буурах байлгүй дээ”

Агаарын температур нэмэх хэм рүүгээ орж, хавар болохтой зэрэгцэн махны үнэ өсчээ. Зэргэлдээ хоёр лангуун дээр байрлах хонины шинэ мах 1 кг нь 6500,  хажуугийн лангууны шинэ  мах 1 кг нь  6800 гэхчлэн үнийн зөрүүтэй байв.

Өчигдөр тогтоосон үнэ цаашид өсөх, эсвэл буурахыг хэн ч мэдэхгүй. Тухайн өдрийн өглөө ченжүүд махаа хэр хэмжээгээр оруулж ирснээс шалтгаалж  худалдаалах  үнэд өөрчлөлт ордог аж. “Баянзүрх”, “Бөмбөгөр”, “Меркури”, “Далай ээж” зэрэг томоохон худалдааны төвүүдэд ‘Хүчит шонхор’ захын үнээс даруй 1000 төгрөгөөр ахиу худалдаалдаг гэж худалдагчид хэлж байв.

Хамгийн сүүлд гаргасан махны үнийн статистик мэдээллийг сонирхвол, “Дөрөвдүгээр  сарын 4-ний өдөр хонины ястай махны үнэ өмнөх долоо хоногтой харьцуулахад 38 төгрөгөөр, хонины цул махны үнэ 40 төгрөгөөр өссөн байна. Харин үхрийн ястай махны үнэ өмнөх долоо хоногтой харьцуулахад 20 төгрөгөөр, үхрийн цул мах нэг килограмм мах дунджаар 9,600 төгрөг байна. Адууны ястай махны үнэ өмнөх долоо хоногтой харьцуулахад 200 төгрөгөөр, ямааны ястай махны үнэ өмнөх долоо хоногтой харьцуулахад 133 төгрөгөөр өссөн’ байна.

Жил бүрийн хавар нийслэлийнхний хүнсний хэрэгцээнд зориулж, нөөцийн мах худалдаанд гаргадаг болоод нэлээд хэдэн жилийн хугацааг үдсэн ч өнөө жилийн хувьд оройтох шинжтэй байна. Албаныхны хэлж буйгаар ‘Нөөцийн мах өнөөдрөөс эхэлж зах зээл дэх махны үнээс 10-30 хувь хямд үнээр хэрэглэгчдэд хүрнэ” гэсэн тайлбар өгсөн. Гэвч оройтож худалдаанд гарч буй нөөцийн мах үнийг бууруулахад нөлөөлж чадах уу гэдэг эргэлзээтэй байна. 

 

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2018-04-09

huduunuus malchid malaa avchruul zardal garna.
chenjuud avchrahaar zardal garahgui yu.
bodit amidral deer hen ch hudaldaalah baraandaa zardalaa oruulna shuudee.
hotiin darga teneglelee zogsoo…
bi hiamd gazraas l songoltoo hiine.
mah chanaj bolgoj iddeg uchraas hamgiin ayulgui huns shuu..batboldoo..

Avatar

zochin 2018-04-09

huchit shonhoriig haaana gej yarij bgaa hotiin darga mah iddeggui hun uu. mongol er hun mun uu.
mahiig gar argaar beldej ideh durtai ard tumen shuu.
tansag yum yarij busdiin hudaldan avah erh chuluund b** hald…hotoos mah garguul buh delguur zah garah bno doo.
ta ard irgediinhee amidraliig yu ch medehguigee haruulj bgaadaa ichuul yasiin bee.
mahnii hudaldaanaasaa iluu utaa..ahuin hog hayagdal dulaanii holbolt zam gereltuuleg geed olon ajil bna shuu.
bor zurheeree uuriinhee bolomjooroo amidarch bgaa ard irged ruu gee dairch..busdiin songoltiig doromjlohoo zogsoovol deer shuu.
ard irged olon udaa doromjluulahgui gedgiig anhaarsan ni deer shuu.

Avatar

Зочин 2018-04-09

Мах яагаад хомсдоод байгаа вэ гэвэл Улаанбаатар хотод гэхэд 20 гаруй хятад эзэнтэй мах чанаж гаргах эрхгүй компаниуд байгаа бөгөөд тэд намар их хэмжээгээр махыг худалдан авч түүнийгээ чанаж Хятад руу гаргаж байна. энэ оны 1сарын сүүлчээр хяттадын хорио цээрийн алба 9 компанид дулааны аргаар боловсруулсан мах гаргах зөвшөөрөл олгосоноос 6 хятад эзэнтэй монгол үйлдвэрлэл дөнгөж явуулж эхлэж байгаа зарим нь бүүр намар хятадын хорио цээрийн албаны эрсдэлийн үнэлгээнд ороогүй команиуд байгаа гэтэл Хятадын хорио цээрийн алба шууд зөвшөөрөл өгсөн ба эдгээр компаниуд одоо тэр зөвшөөрөлгүй газруудын махыг нэр дээрээ гаргаж эхлэх бэлтгэлдээ орсон . эдгээр бүртгэлгүй жижиг хятад эзэнтэй үйлдвэрүүд татвар төлдөггүй нууц байгаа ба эрүүл ахуй,ариун цэврийн наад захын шаардлага хангаагүй нөхцөлд үйлдвэрлэл явуулж байгаа. Гэтэл хятадын хорио цээрийн алба манай улсын монгол хэдхэн үйлдвэрт зөвшөөрөл өгсөн ба тэдний бараг л дотуур хувцасыг нь шалгахаас наагуур болж зөвшөөрсөн эндээс хархад манай улс өөрөө экспортонд ямар бүтээгдэхүүн гаргах мэдэлгүй байгаа юм . Гэтэл энэ зөвшөөрөл авсан хятад эзэнтнй комниуд нь эмээлт хотын төмөр замын дагуу сендвич байшин бариад хэдэн тогоо хятадаас авчираад үйл ажиллагаа явуулж байгаа даа Энэ асуудлаар МХЕГ,ТЕГ анхаарах хэрэгтэй болов уу

Avatar

Хотын иргэн 2018-04-09

АМЬДРАЛААС ТАСАРЧИХСАН ХОТДОО ГАНЦХАН АЗ ЖАРГАЛТАЙ ХҮН БОЛОХ ХОТЫН ДАРГА СУ.БАТБОЛД ХОТЫН ИРГЭДИЙН ГАНЦ АМЬ ЗУУЛГА БОЛДОГ ХҮЧИТ ШОНХОР ЗАХЫГ ХААХ НҮҮЛГЭХ УХААНЫ ЮМ ДОНГОДОЖ СУУНА ЛЭЭ !!! АМЬДРАЛААС ТАСАРЧИХСАН ШИЙДВЭР ГАРГАВАЛ ХОТЫН ИРГЭД БОСНО ШҮҮ !!! МАН- ЫН ТАВИУЛ ЦАГААЧ НОЁН ГУАЙ!!!!!

Avatar

Зочин 2018-04-09

Сосорбурам сэтгүүлч меркури орж асуухгүй яасан юм бэ? 1кг үхрийн цул 12000 төгрөгөөр зарж байгаа даа…

Avatar

Зочин 2018-04-09 150.129.143.220

Бүх юмны үнэ өсөж байхад үхэр хонь шиг дуугүйл.сууж байдаг бидний хохь доо. Машины үзлэгийн төлбөр хүртэл 1 дахин нэмсэн байхад жолроч нар чимээгүй мөнгөө төлөөл зогсох жишээний. Яана даа мал.шигээ болсон Монголчууд.минь

Avatar

Зочин 2018-04-09 202.70.47.134

Гарал үүсэл, үйлдвэрлэсэн хугацаа нь нүд хуурсан, эм тариагаар бөмбөгдсөн, хүйтэн сэтгэлээр хандсан, амт чанар муу бараа бүтээгдэхүүний худалдан авалт багасах нь ойлгомжтой, амьжиргаатай бага хамааралтай шүү, зөв ойлгох гэж хичээгээрэй!!!

Avatar

Бурхан өршөөг 2018-04-09 64.119.27.93

Бурхан өршөө гээд баярмагнай тоглодог киноны Цэрэндоржийн дүрийн хийдэг ажлын бодит хувилбар явагдаж байгаа байх.

Avatar

Зочин 2018-04-09 66.181.160.118

Уг нь бол зах зээл эрэлт нийлүүлэлтээрээ зохицуулагдаг хуультай. 60 мал байдаг 2 сая орчим худалдаг авагч байдаг. Ийм их махны нөөц байхад яагаад махны үнэ тэнгэрт хадаад Япон Америкийн үнэтэй ижил байна вэ. Төрийн эрх мэдэлтэй хүмүүс ард нь зогсчихсон хэдхэн тооны ченжүүд.Ийм ард түмний төр байдаг юм уу. Нийслэлд 110 хороо байна. Хөдөө 330 сум байна. 3 сум нэг хороог шууд махаар хангадаг болчихвол махны үнэ нам буурна. Манай төр үүнийг яагаад ч хийхгүй.

Avatar

Зочин 2018-04-09 202.170.72.3

Албан ёсны тооллого 70 сая, яг жинхнээрээ бол бараг 90-100 сая бол элбэг байгаа гэх юм билээ. Монголд хэдэн зуухан л өрх айл байгаа. Гэхдээ мах нь магнаг болчихсон. Асар их баялагтай хэрнээ, асар ядуу амьдралтай, асар их малтай хэрнээ асар их үнэтэй махтай. УБ гэсэн жаахан цэгт хүн амыг бодлогоор дээр дээр нь чихэн бөөгнүүлж, газар нутгийг эзэнгүйдүүлж байгаа төрийн галзуу гэхэд ч багадмаар бодлоготой.

Avatar

Ха 2018-04-09 202.131.244.53

Арай о арчаагүй төр юм аа болиул таарна

Avatar

Мундаг аа 2018-04-09 202.72.245.207

ШҮЛХИЙТЭЙ АЙМГААС ИРСЭН ГЭЖ ХАРААД Л МЭДДЭГ ГЭНЭ ЭЭ ДАЛДИЙГ ХАРДАГ ДАЛАЙ ЛАМ ЮМ БОЛОВ УУ

Avatar

Зочин 2018-04-09 103.57.94.14

Махны гарал үүслийн бичиг гэж байдаг, гэхдээ 100% үнэн гэхэд бас хэцүү

Avatar

Иргэн 2018-04-09 122.201.21.206

Э.Сосорбурам гуай та " … иргэн Батхуяг … 10 хэл мах авсан … " хэмээн бичсэн байна. Бичгийн хүмүүн мэргэн сурвалжлагч та мөхөс надад "… 10 хэл мах … " гэж юу болох тухай тайлбарлан өгч ажаам уу.

Avatar

Зочин 2018-04-09 202.131.236.170

Нөөцийн мах нэрээр хэдэн тэрбумаар нь цохидог компани Манай Ерөнхийлөгчийн МАХИМПЭКС мөн.

Avatar

Зочин 2018-04-09 64.119.25.241

МАН ТӨР БАРЬЖ БАЙГАА ЦАГТ МАХНЫ ҮНЭ ТЭНГЭРТ ГАРАХ НЬ МЭДЭЭЖ ШҮҮ ДЭЭ. МАН ЧИНЬ ДАНДАА МОНГОЛЫГ ӨРӨНД ОРУУЛЖ, ЮМНЫ ҮНИЙГ ӨСГӨЖ АРД ИРГЭДИЙГ ЯДУУ БАЙЛГАДАГ НАМ ШДЭЭ

Avatar

Зочин 2018-04-09 66.181.160.118

Махныхаа үнийг тогтоон барьж чаддаггүй манай өнөөгийн төрийнхөн ичиг ичиг. Хэдхэн ченжүүдийн гарт орчихсон 180 мянган ам бүлтэй төрийн аппарат хэний төлөө ажилладаг бэ. Ичиг ичиг.

NewsMN Гар утасны хувилбар Татах
NEWS.mn

Мэдээллийн эх сурвалж