Бавари Мюнхен 5 тойргийн өмнө аваргын болзлоо хангалаа

Хуучирсан мэдээ: 2018.04.09-нд нийтлэгдсэн

Бавари Мюнхен 5 тойргийн өмнө аваргын болзлоо хангалаа

Бавари Мюнхен 5 тойргийн өмнө аваргын болзлоо хангалаа

Европын улсуудын хөлбөмбөгийн лигийн 2017-2018 оны улирал өндөрлөх шатандаа орлоо.Өнгөрсөн бямба гаригт Бавари Мюнхен клуб Аусбург клубын талбайд зочлон дерби тоглолтондоо талбайн эздийг 4-1 харьцаатай хожсон. Ингэснээр Германы Бавари Мюнхен клуб Бундеслигийн 2017-2018 оны улирал өндөрлөхөөс 5 тойргийн өмнө лигийн аваргын болзлоо хангалаа.

Баварийн дерби тоглолтын эхний гоолыг зочин баг Бавари Мюнхен клубын хамгаалагч Н.Зюль эхний үеийн 18 дахь минутанд өөрийн хаалганд хийж талбайн эзэд тоглолтыг тэргүүлж эхэлсэн. Гэхдээ талбайн эзэн Аусбург клубын давамгайлал ердөө 14 минут үргэлжилж зочдоос К.Толиско, Х.Родригез нар гоол оруулснаар тоглолтын 1-р үе зочдын давамгайлал дор өндөрлөсөн. 2-р үед мөн зочдоос А.Роббен, С.Вагнер нар гоол оруулж зочид 4-1 харьцаатай талбайн эздийг буулгаж авсан. Бавари Мюнхен клубын энэхүү ялалт нь тэдний энэ улирлын 23 дахь ялалт байсан бөгөөд 72 оноотой болж хүснэгтийн 2-р байранд яваа багаас 20 оноогоор тасарсан. Ингэснээр үлдсэн 5 тоглолтын үр дүнгээс үл хамааран Бавари Мюнхен клуб Германы Бундеслигийн 2017-2018 оны аварга болж байна.

Сүүлийн 6 улирал Германы лигийн аваргаар тодорч буй Бавари Мюнхен клуб Бундеслигт 28 дахь удаагаа торгон жолоо өргүүлж байна.

Б.БЯМБАБАЯР

NewsMN Гар утасны хувилбар Татах
NEWS.mn

Мэдээллийн эх сурвалж