Үндэсний статистикийн хорооноос 2018 оны хоёрдугаар сард гаргасан судалгаагаар бүртгэлтэй ажилгүй иргэдийн тоо 24 588-д хүрчээ. Ажилгүй байгаа иргэдийн дийлэнх нь ид хөдөлмөрийн насны 25-34 насны залуучууд байна. Гэтэл хөдөлмөрийн бирж дээр 35 мянган ажлын байр зарлагдсан байна. Мөн энэ жил хувийн хэвшлийнхэн 74 мянган ажлын байр шинээр бий болгох зорилттой ажиллаж байна. Тэгвэл залуучууд яагаад ажил хийхгүй байна вэ? Тэд ажлын байр, цалингаа голоод гэртээ хэвтэж байна уу? эсвэл тэдний эзэмшсэн мэргэжил сул байгаа ажлын байртай нийцэхгүй байна уу?