Газын зурваст болсон мөргөлдөөний үеэр амь үрэгдсэн Палестин сэтгүүлчийн хэргийг мөрдөн шалгахаа Израйлийн арми мэдээлжээ. Израйлийн цэргүүд болон Палестины босогчдын хооронд гарсан мөргөлдөөний үеэр сэтгүүлчийг буудаж хөнөөсөн аж. 30 настай Яссер Муртажа нь Газын зурваст байрлах хэвлэлийн компанийн зурагчин бөгөөд хэвлэлийн таних тэмдэг бүхий хантааз өмссөн байжээ. Түүнийг эмнэлэгт хүргэсэн боловч шархаа даалгүй нас барсан аж. Мөргөлдөөний үеэр есөн палестин хүн амь үрэгдсэн байна. Зөрчил, мөргөлдөөний улмаас өнгөрсөн долоо хоногт нийтдээ 28 палестин хүн амь үрэгджээ.  

Сэтгүүлчийг ням гаригт оршуулж, Палестины төрийн далбааг барьсан олон зуун хүн ёслолд оролцсон байна.

Эх сурвалж: ВВС

Б.ТУЯА