Туркийн тэмцээнээс хоёр хүрэл медаль хүртээд байна | News.MN

Туркийн тэмцээнээс хоёр хүрэл медаль хүртээд байна

Хуучирсан мэдээ: 2018.04.08-нд нийтлэгдсэн

Туркийн тэмцээнээс хоёр хүрэл медаль хүртээд байна

Туркийн тэмцээнээс хоёр хүрэл медаль хүртээд байна

Олон улсын жүдо бөхийн холбооноос зохион байгуулдаг ээлжит гранпри тэмцээн өнгөрөгч баасан гаригт /2018.04.06/ Туркийн Анталья хотод эхэлсэн. Тэмцээнд 52 орны эрэгтэй, эмэгтэй 344 жүдоч оролцож байгаагаас манай улсаас “Чингис хаан” одонт, Хөдөлмөрийн баатар, гавъяат тамирчин Н.Түвшинбаяр тэргүүтэй найман жүдочид өрсөлдөж байна.

Тэмцээний хоёр өдрийн дараа манай жүдочдоос 60 кг-ын жинд Ж.Амарболд, 66 кг-д Г.Хэрлэн нар хүрэл медаль хүртлээ.

60 кг-ын жинд барилдсан ДАШТ-ий мөнгөн медальт Д.Амартүвшин, ОУХМ Ж.Амарболд нар шөвгийн наймд оноолт таарсан. Энэ барилдаанд Ж.Амарболд ялалт авсан ч хагас шигшээд Гүржийн Папинашивилид ялагдан хүрэл медалий төлөө барилдах эрхтэй болсон юм. Манай бөх Тайваны бөх Юн Вейг хоёр минут 33 секундэд цэвэр ялж, гранпри тэмцээнээс анхны медалиа хүртлээ. Ж.Амарболд залуучуудын ДАШТ-ийн хүрэл медальт жүдоч юм.

66 кг-ын жингийн бөхчүүдийг тэргүүлэн барилдсан Г.Хэрлэн эхний тойрогт гоц мөргөж, Монтенегро, Бразил, Францын жүдочдыг цэвэр ялан хагас шигшээд Молдавын Денис Виеруд дийлдсэн. Манай бөх хүрэл медалийн төлөөх барилдаанд Казахстаны жүдоч Зумакановыг вазари үнэлгээгээр ялж, медалийн тавцанд зогссон юм.

73 кг-ын жинд барилдсан Ц.Цогтбаатар, Н.Хадбаатар нар хоёрдугаар тойргоос тэмцээнээ өндөрлүүлсэн.

Өнөөдөр тэмцээний сүүлийн өдөр бөгөөд 90 кг-д Г.Алтанбагана, 100 кг-д Л.Отгонбаатар, +100 кг-д Н.Түвшинбаяр барилдана.

Хөдөлмөрийн баатар, гавьяат тамирчин Н.Түвшинбаяр өнгөрсөн оны ДАШТ-ээс хүрэл медаль хүртсэнээс хойш олон улсын тэмцээнд оролцоогүй байсан бөгөөд Туркийн гранпри тэмцээнээс эхлэлээ тавилаа.

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2018-04-08 182.160.35.6

цогтбаатар дэлхийн томцуултай барилдах хүртлээ тэсэж, унахгүй явж чадахгүй байна.доогуур даваанд унаад байхаар яаж хүрч барилдах билээ.

Avatar

зочин 2018-04-08 182.160.35.6

косовод ганц келменди байсан бол одоо 4-5 келмендитэй болжээ,харин манайх улам уруудсаар,косовогийн дэргэд ичих хэрэгтэй,3-алт ,нэг мөнгө авчээ,гэтэл манайх бүхэл бүтэн үндэсний шигшээгээ явуулаад бардаггүй

Avatar

зочин 2018-04-08 182.160.35.6

сая цогтбаатар ямарч мэхгүй африкийн бөх шиг барилдсан,талалж давуулж бариад дугтарсаар байгаад 3 торгуулиар хөөгдсөн,ямарч мэх хийхгүй байгаа юм чинь аргагүй шүү дээ

Avatar

зочин 2018-04-08 182.160.35.6

энэ төр засаг ухаантай бол чингис хаан гранприг сэргээхгүй юу,тэгвэл 56 тамирчин байнга гранприд орж бага зардлаар их оноо цуглуулах байсан юм,

Avatar

зочин 2018-04-08 182.160.35.6

халаа маш сайн байгаа даанч ядахдаа залуучуудыг гранприд оруулах зардал мөнгө хэцүү байна ,тбилисийн гранприд эрэгтэй,эмэгтэй баг орж чадаагүй,сая туркд эмэгтэйчүүд явж чадсангүй,одоо хөх хотын гранприд ойрхон учраас эрх биш 28 тамирчин явуулах биз

Avatar

зочин 2018-04-08 182.160.35.6

хэрлэн манай ирээдүй,дэндүү тайван гэхэд тайван хүүхэд баяр хүргэе,бас отгонбаатар хүрэл авлаа шинэ жинд тэгээс оноо цуглуулж эхэлсэн ,дэлхийн аваргаас хойш оноо цуглуулж 39-р байранд хүрсэн,сая хүрэл авснаар эхний 30-д дэвших байх ,отгонбаатарыг тэмцээн алгасуулж болохгүй ядахдаа эхний 16-д ортол байнга тэмцээнд явуулах хэрэгтэй,тэгвэл мастерст орох эрх нээгдэнэ

Avatar

Үзэгч 2018-04-08 64.119.16.209

66кгд барилдсан Хэрлэнг дахиж тэмцээн уралдаанд явуулах хэрэг байна уу? Маш аймхай барьц авахгүй хүлээж зогсоно!!! Нодилон дэлхийн аврагаар яалаа бараг Сумо шиг юм болоод хөөгдсөн!!! Жудо бөх уналтад орлоо залгамж халаа маш муу байна!!

Avatar

зочин 2018-04-08 182.160.35.6

азийн тоглолт,дэлхийн аваргаар яана даа

Avatar

зочин 2018-04-08 182.160.35.6

үндсэндээ манай эрэгтэй шигшээ яваад 2 хүрэлтэй байна ,одоо отгонбаатар авбал 3 болох биз,ядахдаа ганц алт битгий хэл ганц мөнгө зулгааж чадахгүй байна ,эрчүүд эмэгтэйчүүдийнхээ далбаан доор яваад байна,саяын тэмцээнд хүүхнүүд орсонгүй тэгээд алт,мөнгө алга даа

Avatar

зочин 2018-04-08 182.160.35.6

манайхан хүчний бэлтгэл ноль юм билээ,үндсэндээ бярдуулаад дууссан,бас өрсөлдөгчөө үл тоох маягтай,энэ бол цогтбаатарын алдаа,амарболд,хадбаатар хоёр бяр муутай юм билээ,манайх хүрлийн төлөө барилдаанд арай чүү хүрч байна

Avatar

Зочин 2018-04-08 66.181.186.225

Манайхан бэлтгэл сургуулилтаа л сайжруулахгүй бол цааш явахгүй нь дээ

Avatar

Зочин 2018-04-08 202.9.43.226

Ц. Цогтбаатар сая их муу барилдлаа. Гурван торгуулиар хөөгдсөн. Хожсон Бразил нь хүрлийн төлөө гарч ирээд л Иранд хожигдсон. Уг нь энэ удаад медиалын төлөө гарч ирээд Солонгосын AИ Changrin-тай барилдсан бол зүгээр байсан юм. Ер нь 73 кг-ын дэлхийн томчуудтай барилдаагүй байгаа шүү Цогтоо

NewsMN Гар утасны хувилбар Татах
NEWS.mn

Мэдээллийн эх сурвалж