Х.Баттулга: Лиценз нэрээр баялгийг зардаг болсон | News.MN

Х.Баттулга: Лиценз нэрээр баялгийг зардаг болсон

Хуучирсан мэдээ: 2018.04.06-нд нийтлэгдсэн

Х.Баттулга: Лиценз нэрээр баялгийг зардаг болсон

Х.Баттулга: Лиценз нэрээр баялгийг зардаг болсон

Баялгийн асуудал нь зөвхөн Монголын асуудал биш. Баялаг ихтэй 50 улсын асуудал. Өөрөөр хэлбэл, дэлхийн нийт хүн амын 1.5 тэрбумынх нь амьдралтай холбоотойг Байгалийн баялгийн засаглалын хүрээлэнгийн менежер Н.Дорждарь ярив.

Монгол газрын доороо зэс, нүүрс, төмөр, алт, мөнгө, цайр, нефть гээд асар их баялагтай. Гэвч алтан дээр суусан гуйлгачин хэвээр байгаа шалтгаан нь дүрэмгүй тоглолт. Баялгаа зөв ашиглахын тулд  эхлээд дүрмээ зөв тогтоох. Харин дүрмийг хэн, яаж тогтоох вэ?. Энэ бол  Ерөнхийлөгчийн Тамгын газар, Хөгжил-Ардчилал клуб болон Конрад-Аденауэр  сангаас зохион байгуулсан “Баялгийн засаглал” чуулганы үеэр яригдсан гол сэдэв. Чуулганыг нээж Монгол Улсын Ерөнхийлөгч Х.Баттулга үг хэлэхдээ “ Монгол Улс 100 оноо авахаас 54 оноо авчээ. Төрийн өмчийн компанийн засаглалын тал дээр Монгол Улс 100 оноо авахаас 40, үндэсний баялгийн сан буюу Төсвийн тогтворжуулалтын сангийн хувьд 100 оноо авахаас 42 оноо авсан байна. Монгол баялгийн засаглал султай. Бодлого гаргаж хэрэгжүүлэхгүй бол иргэд баялгийнхаа үр шимийг хүртэх боломжгүй болж байна. Үндсэн хуульд байгалийн баялаг бүгд ард түмний гэсэн байдаг. Гэвч цөөн хэдэн хүнийх болж байна. Лиценз гэдэг нэрээр баялгийг худалддаг болсон. Лиценз өөрөө худалдагддаг болсон. Үр дүн бүх хүн өртэй болсон” талаар ярилаа.

Байгалийн баялгийн засаглалын хүрээлэнгийн менежер Н.Дорждарь баялгийн засаглалын гол үндсүүдийг танилцуулахдаа  нэгт, илрүүлэлт ашиглалт шийдвэр гаргах, хоёрт, сайн нөхцөлөөр олборлох, гуравт, орлогыг удирдах, дөрөвт, тогтвортой хөгжилд хөрөнгө оруулах болохыг дурдлаа. Түүний хэлж байгаагаар баялгийн засаглалыг бэхжүүлэхэд “Баялгийн менежмент ил тод байх явдлыг хангах, Албан тушаалтнуудад хариуцлага тооцох чадавхтай хяналтын албан институциудыг бий болгох, Албан тушаалтнуудад олон нийтийн зүгээс хариуцлага тооцох боломжийг хангах” нь чухал аж.

 Баялгийн олборлолт, баялгийн хараал, баялгийн  сан, баялгийн хуваарилалт, баялгийн засаглалын тухай, энэ таван сэдвээс алт нэгийг нь сонсоогүй хүн бараг байхгүй болсон. Тэгвэл сүүлийн үед Уул уурхайн, хүнд үйлдвэрийн яамнаас “Баялгийн сан”-гийн тухай ярих болсон. Энэ нь ч шинэ сэдэв биш.  “Байгалийн сан” байгуулах нь ямар ач холбогдолтой талаар Д.Сумъяабазарын зөвлөх Т.Цогтбаяр хэлэхдээ “Баялгийн үнийн хэлбэлзлээс нийт эдийн засаг болон төсвийг хамгаалах, ирээдүй хойч үеийнхэнд зориулж нөхөн сэргээгдэхгүй баялгийг санхүүгийн хөрөнгө оруулалтад хувиргаж хуримтлуулах”-д чиглэгдэж байгааг онцлоод Хуримтлал, хөгжлийн сан гэж юу болохыг Казакстаны жишээн дээр ярилаа. Үндэсний баялгийн сангийн тухай хууль батлахаас сан байгуулах ажил эхлэх юм байна. Хууль баталснаар  “Эрдэнэс Монгол” ХХК-ийн бүтцийг шинэчлэх аж. Мөн стратегийн зарим ордын төрийн эзэмшлийн хувьцааг эргэлтэд оруулж, өгөөжийг нэмэгдүүлэх зорилгоор “Эрдэнэс Монгол” ХХК-ийн охин хараат компаниудын үнэт цаасыг гадаад дотоодын хөрөнгийн зах зээлд гаргахаар төлөвлөж байгаа аж.  Дэд бүтцийн төслүүдийн санхүүжилтийг шийдвэрлэх, эдийн засгийн эргэлтэд оруулж, үр өгөөжийг нэмэгдүүлэх боломжтойг сайдын зөвлөх илтгэлдээ дурдсан юм.

“Баялгаа зөв, хүртээмжтэй, тэгш ашиглахын тулд нэгдүгээрт, эрдэс баялгийн салбарын ил тод байдлыг дээд зэргээр хангах, тухайлбал төр засаг, компаниудын хооронд байгуулдаг үндсэн гэрээнүүд, компанийн жинхэнэ эздийн мэдээллийг ил болгоход онцгой анхаарах хэрэгтэй гэдэгт оролцогчид санал нэгдэв. Цаашдаа уул уурхайн салбарын зохицуулалтгүй, далд явагдаж байгаа үйл ажиллагааны нэг болох түүхий эдийн худалдаа, экспортын асуудал, үүнд ялангуяа төрийн өмчит компаниудын бүтээгдэхүүнийг ямар компани худалдан авдаг, зуучилдаг, тэднийг хэрхэн сонгон шалгаруулдаг болохыг ил болгох асуудлыг ярилцсан юм.

Эцэст нь энэ уулзалтаас “Баялгийн сан” гэдэг бас нэг үлгэртэй үлдэхгүйн тулд 2013 оноос ярьж эхэлсэн санаагаа ажил хэрэг болгох нь гол асуудал нь болжээ.

Б.БАТ

 

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-06 112.72.14.147

Лицензи гэдэг алгын чиний цаасаар эх орноо худалдах болсон цагаас эхлэн Монгол улсад Монголын ард түмэнд ямар ч ашиг тус авчраагүй.Харин ч эсрэгээрээ өрэнд орж байгалаа сүйтгүүлахиц үр дүнд хэдэн МАНАН болон гадныханы олигархиуд л баяжсанаа илүү юу ч бүтсэнгүй.Одоо энэ Лицензи гэгчээ зогсоогоод хураагаад цуцлаад өгөөч ээээээ.

Avatar

Ss 2018-04-06 178.89.175.49

Uuruu jinhene naimachin baij hudlaa naagaad baihiin

Avatar

Баярмагнай 2018-04-06 202.179.8.210

Жишээ нь Алтан гэх эмэгтэй /Алтжин байх магадлалтай/ Дундговь аймагт маш том жонжны ордын лиценз нэр дээрээ олон жил байлгаж байна. Бодвол боломж гарахаар үнэ хүргэж зарах гээд хүлээж байгаа байхдаа. Иймд том ордуудыг төрийн мэдэлд буцааж аваад яг ашиглалт явуулахаар бэлдээд хувийн хэвшилд тендэр зарлаж зарах хэрэгтэй, ашиглалтыг улс хийх огт хэрэггүй Эрдэнэт шиг болно.

Avatar

Зочин 2018-04-06 64.119.19.175

Өөрт бга байгаа болоод илэхчихвиы гээд бусдыг муулаад бга юм бишүү

Avatar

Зочин 2018-04-06 182.160.2.102

Үг хэлэх болгондоо олон нийтийг хагалан бутаргах юм

Avatar

Зочин 2018-04-06 50.226.17.98

АНы хэдэн дебилууд гадаадын ЭЗ алуурчидтайгаа хамт цугларцан байна ш дээ

Avatar

Ор тэглэх яасан мангар бохоо 2018-04-06 50.226.17.98

Монголын газар шороог зарж Лим гэдэг Сингагийн луухан тэр бумтан болсон нь Баттулга голгийн хийсэн ажил. Ер нь олон юм х у цалгуй ор тэглээдэх дэ [Хориотой Үг] бохоо

Avatar

Ev 2018-04-06 67.81.182.161

Evtei baitsgaa,esvel gadniihand bugdiig aldna

Avatar

зочин 2018-04-06 66.181.179.33

цаазын ялыг сэргээвэл нийгмийн ухамсар дээшилж гэмт хэрэг гарахгүй болно офшорт байгаа мөнгийг оруулж ирээд хураагаад бүх хүнд хувааж өгвөл эдийн засаг сэргэнэ задгамж үе боловсрол мэдлэгтэй залуусаа боловсролгүй эрх мэдэлдтнүүд замаасаа зайлуулвал улс төр тогтворжино гэж манай нэгдүгээр хүн бидэндээ ойлгууллаа зөв үү

Avatar

Зочин 2018-04-06 202.70.38.18

Мань хүн лиценз ихтэй хүн л дээ. Тавантолгойн лицензийг өөрийн болгож чадаагүйдээ хорсож Оросод сүнсээ худалдсан даа энэ хүн

Avatar

ЗОЧИН 2018-04-06 103.10.22.211

УЛСЫН ЕРӨНХИЙЛӨГЧ ҮҮ? УЛС ТӨРИЙН ҮЙМҮҮЛЭГЧ ҮҮ?

Avatar

Монголдоо сайхан амьдарцгаая 2018-04-06 66.181.187.56

Хотгор шанага хөшөөт цайрт минэралс тамсгийн нефть төмөртэй цагаан суварга олох овоот оюу толгой хармагтай гээд лиценз нэрээр гадныхны гарт орж монголчуудад хамаарахгүй болсон баялгууд зөндөө байна өө. Эдгээрт эзэн суусан гадна дотныхон хагартлаа баяжаад нийт иргэд улам ядуураад байгаа нь хурц асуудал болоод удаж бнаа. Үүнийг засах гэхээр бараг иргэний дайнд хүрэх юм шиг байгаан. Одоо энэ коммент бичигсдмйг харахгүй юу ?!! Хэнүүс юм вэ. ?? Монгол хүн монголдоо сайхан амьдрахыг хүсэж ч болохгүй болсон юм шиг л байхын ёстой сонин юмаа. Бүр барьж идэхнээ янз нь. Монгол хүн сайхан амьдрахыг хүсэх ч эрхгүй болсон юмуу эрх баригчдаас?!!!!

Avatar

БАТТУЛГА ГҮЛДИЙЧИХЭЭД ДАНДАА ЭНД ТЭНД ХУДЛАА ЯРИАД ЯВААД БАЙДАГ (ЭЛБЭГДОРЖ) 2018-04-06 202.179.25.167

МОНГОЛЫГ ШУЛЖ БАЙГАА 30 ГЭР БҮЛ ГЭЖ ХӨМСӨГ ЗАНГИДАЖ НЭРГҮЙ ЗҮСГҮЙ ЗАНАДАГ БАЙСНАА ШАХАЛТАНД ОРХООРОО 30 ЛИЦЕНЗ ЭЗЭМШИГЧ БОЛГОЖ БУЛТААД ДАРАА НЬ БҮҮР ӨӨРСДӨӨ ОЛ ГЭЖ МОНГОЛЧУУДЫГ ДААПААЛСАН ОРОС НАЦИСТ ОДОО ЛИЦЕНЗИЙН НАЙМАА ЯРЬЖ ЭХЭЛЖ БАЙХ ЧИНЬ.БАС Л МЭДЭЭЖ НЭРГҮЙ ЗҮСГҮЙ.

Avatar

mgl 2018-04-06 202.179.11.230

zuv yum hiij baina gej bodoj baina.

Avatar

zochin 2018-04-06 58.93.134.162

Ulsiin erunhiillugchiin yarij bgaa zuil gudamjnii nuhuriin yarij bgaa 2 yag adilhan bh yum Barimttai sudalgaatai dugnelttei yarij boldoggui yum bh daa

Avatar

Зочин 2018-04-06 182.160.1.232

Ингэж ярихыг бодоход Жэнкод лицэнз байхгүй юм байна. Тэгээд л бухимдаад бгаа юм болов уу.

Avatar

Зочин 2018-04-06 66.181.160.12

Лиценз зарж борлуулан мөнгийнхөө тоог мэдэхээ байсан 36 гэр бүл тэднийг хамгаалдаг 22 шүүгч гээд бүгд хэвлэлд гарчихсан байгаа ш дээ.

Avatar

Зочин 2018-04-06 99.203.143.104

Хаана байна эх сурвалжаа бичээдэх л дээ

Avatar

Зочин 2018-04-06 99.203.143.104

женкод өөрт нь ТТ-н лицензийг өгөөгүйд уур нь их хүрчээ дээ янз нь.Тэгээд тэр 30 гэр бүлээ нэр нэрээр нь хэлчихээч дээ

Avatar

zochin 2018-04-06 66.181.189.186

ard tumniig bitgii uimuul

NewsMN Гар утасны хувилбар Татах
NEWS.mn

Мэдээллийн эх сурвалж