Сувилагч нарын шаардлагыг биелүүлэхгүй бол ажил хаяна | News.MN

Сувилагч нарын шаардлагыг биелүүлэхгүй бол ажил хаяна

Хуучирсан мэдээ: 2018.04.06-нд нийтлэгдсэн

Сувилагч нарын шаардлагыг биелүүлэхгүй бол ажил хаяна

Сувилагч нарын шаардлагыг биелүүлэхгүй бол ажил хаяна

Монголын эрүүл мэндийн ажилтны үйлдвэрчний эвлэлийн холбооны сувилагч нар өнөөдөр /2018.04.06/ ажил хаялт зарлахаа мэдэгдлээ. Монголын эрүүл мэндийн ажилтны үйлдвэрчний эвлэлийн холбооноос зохион байгуулсан “Эрүүл мэндийн салбарын үйлдвэрчний эвлэлийн хороон дарга, идэвхтэн сонгуультнуудын улсын зөвлөгөөн”-д оролцогчид УИХ, Засгийн газарт найман заалт бүхий шаардлага хүргүүлэхээр болжээ. Тус зөвлөгөөнд 21 аймаг, нийслэлийн шатлал бүхий эрүүл мэндийн байгууллагын ҮЭ-ийн хороодын дарга, эрүүл мэндийн ажилтнууд зэрэг 120 орчим хүн оролцлоо. Зөвлөгөөний үеэр дээрх асуудлыг яаралтай шийдвэрлээгүй тохиолдолд хуулиар олгогдсон эрхийнхээ дагуу тавдугаар сарын 12-ны өдөр ажил хаялтыг эхлүүлж, тэмцлээ үргэлжлүүлнэ гэдгийг албан ёсоор мэдэгдлээ. 

Энэхүү  шаардлагад сувилагчийн орон тоог 9000-аар нэмэгдүүлэх, ангилал, зэрэглэл, доод жишгийн шинэчлэх, эрүүл мэндийн салбарын ажилтнуудын цалин хөлсийг 50 хувиас доошгүйгээр нэмэгдүүлэх ажлыг энэ сарын 12-ны дотор эхлүүлэх зэргийг шаарджээ. Хэрэв тэдний шаардлагад хариу өгөхгүй бол тавдугаар сарын 12-ноос эхлэн ажил хаялт эхлүүлж, эмч, бусад ажилтнуудыг нь тэмцэлдээ оруулахаа мэдэгдлээ.


Сувилагчдын цалин 420-560 мянган төгрөг байдаг

Монголын эрүүл мэндийн ажилтны үйлдвэрчний холбооны дарга Б.Мягмартай цөөн хором ярилцлаа. 

-Өнөөдрийн байдлаар Монгол улсад сувилагчийн хомсдол үүссэн гэж ярьж байна. Цаашид сувилагчийн орон тоог нэмэгдүүлэх чиглэлээр бодлогын түвшинд ямар ажил хийх хэрэгтэй вэ?

-Манай эрүүл мэндийн салбарын үйлдвэрчний эвлэлийн хороодын дарга нарын улсын гуравдугаар зөвлөгөөн өнөөдөр болж байна. Энэ зөвлөгөөнд оролцогчид нэлээдгүй удаан хугацаанд сувилагчдад тулгамдсан асуудлын талаар ярилцлаа. Өнөөдөр салбар бүрт л хүний нөөцийн хомсдол байгаа. Гэхдээ сувилагч нар дээр илүүтэй харагдаж байна. Өнөөгийн нийгэмд сувилагч нар мэргэжлээрээ ажиллах сонирхолгүй болчхож. Яагаад вэ гэхээр бага цалинтай, амьдралд нь хаана ч хүрдэггүй учраас тэр юм. Эрүүл мэндийн салбарын ажилтнуудын дунд мөрдөгддөг эмнэлгүүдийн стандарт хэрэгжихгүй байна. Жишээлбэл хүүхдийн сувилагч гэхэд өдөртөө долоон хүүхдэд хүрч ажиллах ёстой. Гэтэл бодит байдалд 50 гаруй хүнд тусламж үйлчилгээ үзүүлдэг. Одоогоор гурваас тав дахин ачаалалтай ажиллаж байна.

-Энэ онд хэчнээн оюутан сувилагч мэргэжлээр төгссөн бэ? Өнөөдрийн байдлаар хөдөлмөрийн зах зээлд нийт хэчнээн сувилагч ажиллаж байгаа вэ?

-Энэ онд сувилагч мэргэжлээр 288 төгсөгч төгсөж байгаа. Энэ бол маш бага тоо. Цаашдаа ард иргэдэд сувилахуйн тусламж үйлчилгээ үзүүлэх сувилагч нар хомсдоод эхэлж байгаа гэдгийг харуулж байна. Өнөөдрийн байдлаар сувилагчдын цалин 420-560 мянган төгрөг байдаг. Үүнийг хамгийн багадаа сая төгрөгт хүргэх шаардлагатай. Эрүүл мэндийн салбарын ажилтнуудын цалингийн тогтолцоог шинэчлэх шаардлагатай байгаа. Тиймээс олон улсын сувилагч нарын өдөр буюу тавдугаар сарын 12-нд ажил хаялт, жагсаал цуглаан хийх саналтай байгаа. 

-Өнөөдрийн зөвлөгөөнөөс ямар шаардлага хүргүүлсэн бэ?

-Эрүүл мэндийн салбарын ажилтны хөдөлмөрийг шударгаар үнэлэх цаг болсон. Өнгөрсөн 2017 онд цалингаа нэмүүлэхийн тулд бид тэмцсэн. Гэтэл 300 мянган төгрөгөөр аргацаад “гал унтраасан”. 2018 оны хоёрдугаар улиралд цалингийн нэмэлт хэлэлцээр хийхээр болсон. Энэ хэлэлцээрийг яаралтай эхлүүлж төр засгийн зүгээс цалинг нэмэгдүүлэх хэлэлцээрийг эхлүүлэх шаардлагыг УИХ, Засгийн газарт хүргүүлж байна. Монгол улсад өнөөдрийн байдлаар 10 мянга гаруй сувилагч ажилладаг гэсэн тоо бий. Угтаа бол эрүүл мэндийн ажилтнуудын хийж байгаа тэмцэл бол ард иргэдэд чанартай тусламж, үйлчилгээ үзүүлэхийн төлөөх хийж байгаа тэмцэл гэж ойлгож болно.

Цалингийн зээлээр л амьдарч байна

Дорноговь аймгийн Замын-Үүд сумын мэс заслын сувилагч Т.Мөнхцэцэг

-Би Дорноговь аймгийн Замын-Үүд сумын мэс заслын сувилагчаар 30 дах жилдээ ажиллаж байна. Эрүүл мэндийн салбарт сувилагч хүний үүрэг маш чухал байдаг. Сувилагч бид нар яг л өвчтөнтэйгөө тулж ажиллаж хүмүүс байдаг. Тухайн хүнийг эдгээх, илааршуулах үйл явцыг хариуцан ажилладаг. Сувилагч хүний ажлын нөхцөл, цалин үнэхээр дутагдалтай байна. Анх сувилагч болоход 120 мянган төгрөгийн цалинтай  эхлүүлж 560 мянган төгрөг хүртэл ажиллаж байна. Бидний цалин өнөөдрийн нийгэмд хаана ч хүрэлцдэггүй. Цалингийн зээлээр л амьдарч байна. Цалингийнхаа 70 хувийг зээлдээ өгчихдөг тул үлдэгдлээр нь амьдрахад үнэхээр бэрхшээлтэй.

Сонгинохайрхан нэгдсэн эмнэлгийн үйлдвэрчний хорооны дарга С.Энхцэцэг

Өнөөдөр эрүүл мэндийн салбарын хүний нөөцийн асуудал яригдаж байна. Тэр дундаа сувилагч нарын асуудал тулгамдсан асуудлын нэг болоод байгаа. Нийт сувилагчдын стандартад долоон хүнд нэг сувилагч оногдох ёстой. Тэгтэл өдөрт 40-45 үйлчлүүлэгч оногдож байна. Эдгээр хүмүүсээс сувилахуйн чанарыг шаардах хэцүү. Ингэж ажиллаж байгааг ард иргэд сайн ойлгодоггүй. Бодлогын түвшинд төр засаг шийдвэрлэх ёстой. Саяхан АШУҮИС -ийн ажлын байрны уулзалтад очиход сувилагчаар ажиллах сонирхолтой хүн цөөхөн байсан. Тиймээс яаралтай арга хэмжээ авахгүй бол ажил хаялт хийнэ. 2014 оноос хойш цалин нэмэгдүүлнэ гэж ярьсан.

Э.АРИУН

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-06 202.21.106.162

АН-ын ёс зүйн хорооны дарга гэгдэж байгаад Байгаль орчны яаманд ирж байсан бага гарын [Хориотой Үг] Бямбаа гэгч үсээ хусуулаад сууж байх юм Энэ хэзээ сувилагч болчихов

Avatar

Зочин 2018-04-06 202.21.106.162

АН-ын ёс зүйн хорооны дарга гэгдэж байгаад Байгаль орчны яаманд ирж байсан бага гарын [Хориотой Үг] Бямбаа гэгч үсээ хусуулаад сууж байх юм

Avatar

Иргэн 2018-04-06 203.91.115.42

Улсын ажлыг хийдүүлж хийдэг байж болиоочээ олон хүн ажилгүй цаана нь байж л байгаа өглөө 08:30ээс уурлан барин байж хүн тарина орой 16:30гээд хаалгаа саваад яваад өгнө харьцаа бүүр тэг шөнийн ээлжийнхэн нь тариагаа хийгээд дуудая гэхээр хаана унтаж бгаань мэдэгдэхгүй алга болно тэгээд өглөө их ядарсан амьтад болно та нарыг ойлгож байна гэхдээ ажлын цагаа баримталж хүн ардаа гэсэн тангаргаа биелүүлээсэй

Avatar

Зочин 2018-04-06 66.181.160.101

Дэмжиж байна

Avatar

zochin 2018-04-06 122.201.22.33

er ni shvvgch nariin tsalin xed ch baisan ylgaagvi l ym bna.emch suvilagch bagsh nar shvvgch nar shig tsalin avaad tiim bairtai mashintai. xadgalamjtai baij chadax bolov uu.esvel ervvl mendiin salbariig chuluulux xeregtei.xeden jil ingej yvax uls ve.Ene xvmvvs ch bas ard tvmnii neg xeseg ym shvv

Avatar

Зочин 2018-04-06 66.181.160.7

Дэмжиж байна. Сувилагч бэлтгэх сургалтын төлбөрийг ч багасгах хэрэгтэй.600-800 зуун мянган төгрөгийг 3 жил төлж сураад яах вэ дээ.Цалин бага ирээдүйгүй шүү дээ. Түүний оронд хүүхдээ төрүүлж өсгөөд явах нь бараг хэрэгтэй байх.Сувилагч бэлтэгдэг олон сургуулийг цөөлж сурах хугацааг нь богино болгох хэрэгтэй.Гадаад орныг дуурайгаад байх юм. Тэнд чинь орон тоо ихтэй цалин нь эмч нараасаа бараг илүү байдаг юм шүү дээ.Иймээс энэ тал дээр бодох хэрэгтэй дээ.Сувилагч нарын ажил даанч их байдаг юм билээ.цалинг нь 100 дээш хувиар нэмбэл тааарна.

Avatar

Дэмжинэ 2018-04-06 103.57.93.47

Нойр хоолгуй ажилладаг эмнэлгийн ажилчдын цалинг нэмээ. Нэн ялангуяа мэс засал, хулээн авах, эрчимд ажилладаг ажлагсдын цалинг 100% дээш нэмэх естой. Гол хийгддэг хунд мэс ажилбаруудыг унэтэй болгох хэрэгтэй, бас эруул мэндийн даатгалаа нэмэх естой. Татвараас идсэн, улсын херенгийг идсэн этгээдуудээс хураасан менгийг эруул мэндийн салбарт оруулах нь зев

Avatar

Зочин 2018-04-06 103.9.90.98

дэмжиж байна сайн тэмц

Avatar

Зочин 2018-04-06 202.21.100.211

За уучлаарай та нарыг төр засаг яг боол шиг үл тоомсорлодог цалингаа нэмэгдүүлэхийн төлөө тэмцэлийг 100 % дэмжиж байна. Та нарт эмч нар шиг орлого байхгүй

Avatar

Зочин 2018-04-06 64.119.23.180

Би хувиараа худалдаа эрхэлдэг.Манай эрүүл
мэндийн байгууллагад ажиллаж буй сувилагч
нарын цалин хөлс бага дээр нь банкны зээлтэй
яаж ар гэр хүүхэд байр гэрлийн мөнгө хувцас
хунар гээд яаж амьдарч байна гэж бодож байна.
Төрийн мөнгө идэгч хар шар феодалууд аа!
НОЁН ЕРӨНХИЙЛӨГЧ ӨӨ ТА МӨН ТӨСВИЙН
БАЙГУУЛЛАГА ЭРҮҮЛ МЭНДИЙН САЛБАРТ
АЖИЛЛАЖ БУЙ ОЛОН МЯНГАН СУВИЛАГЧ
АЖИЛЧИД ЫН САНАЛЫГ ЗЭЭЛИЙН ЧӨЛӨӨЛЖ
ӨГНӨ ГЭЖ САНАЛ ХУДАЛДАЖ АВСАН ДАГЗ
ШҮҮ ДЭЭ. БИД ДЭМЖИЖ БАЙНА.
ЭРҮҮЛ МЭНДИЙН САЛБАРТ АЖИЛЛАЖ БАЙГАА
СУВИЛАГЧ НАРТАА АМЖИЛТ .ХҮСЬЕ!
МОНГОЛЧУУД АА СОЛОНГОС ШИГ ТЭМЦЭЖ
СУРЬЯ.

Avatar

Зочин 2018-04-06 124.158.112.3

шууд л ажилаа хая ……гонгинолдоод л хаяна маяна гэвэл эрх баригч нар эхлээд хаяг л даа дараа нь аргалаад хэлэлцээр энэ тэрхэнээр аргалаад п байлгаад л байна ш дээ…….харин одоо тэмцэж сур эвлэлдэн нэгд,бүх сувилагч нар нэгэн зэрэг ажилаа хая….дээр нь үйлчилгээний ажилчид,инженер техникийн ажилтнууд,цахим, дүн бүртгэгч нараа оролцуул…….тэгвэл үр дүнд хүрнэ..сувилагч нарыг хүн гэж үнэлдэг болно…….наад эрх баригч нар засгийн газар чинь төсөв,төрд мөнгө байхгүй гэж хэлнэ……тэгвэл төрийн мөнгө гэж хэзээ ч байдаггүй харин татварын мөнгө гэж л байдаг гэж М.ТЕТЧЕР хэлсэн бид татварт өгсөн мөнгөө л шударгаар авах тухай тэмцэж байна гэж тэмцээрэй БОСЦГОО СУВИЛАГЧИДАА

Avatar

bolor 2018-04-06 122.201.19.99

demjij bn suwilagch nariig uneguiduulj bn adilhan deed mergejil ezemsheed ajilhad tsalin gj ineedtei ym ogoh ymaa arai2

Avatar

mgl 2018-04-06 202.179.11.230

demjij baina.

Avatar

Зочин 2018-04-06 43.242.242.59

Багш нарын оронд эд нарт хэдэн төгрөг нэмэхэд болноо

Avatar

Зочин 2018-04-06 27.123.214.102

Хөөрхий та нар минь хэцүү юм билээ. Ингэж байж л жаахан ч гэсэн юманд хүрнэ дээ.

Avatar

би 2018-04-06 122.201.26.172

2 гараа өргөн дэмжиж байна. Хамт шүү.

Avatar

Зочин 2018-04-06 66.181.178.17

ДЭМЖИЖ БАЙНА СУВИЛАГЧИД АА

NewsMN Гар утасны хувилбар Татах
NEWS.mn

Мэдээллийн эх сурвалж