AIBA буюу Олон улсын сонирхогчдын боксын холбоо “AIBA Мэргэжлийн бокс” хэмээх шинэ төсөл хэрэгжүүлэхээр болжээ. “AIBA Мэргэжлийн бокс” (буюу AIBA Professional Boxing-APB) төсөл нь Лондонгийн зуны олимпийн дараагаас буюу 2013 оны нэгдүгээр сараас хэрэгжиж эхэлнэ. AIBA-гийн гишүүн орнууд “APB”-ын аваргыг эхлээд улсынхаа хэмжээнд 10 жинд найман раундаар зохион явуулах бол тивийн “APB”-ын тэмцээн нь 10 раундаар, олон улсын “APB”-ын тэмцээн нь 12 раундаар аваргаа тодруулах аж. Эндээс шалгарсан шилдгүүд буюу “APB”-ын чансаагаар өнгөлсөн боксчид  2016 оны Рио-де-Жанейрогийн зуны олимпийн эрхээ авах гэнэ.