Монгол Улсын Ерөнхий сайдын урилгаар Бүгд найрамдах Турк улсын  Ерөнхий сайд Бинала Йылдырымын Монгол Улсад хийх айлчлал өнөөдөр /2018.04.06/-өөс эхэлж байна.  Айлчлал дөрөвдүгээр сарын  6-8-ны өдрүүдэд үргэлжлэх юм.Түүнийг Монгол Улсын Ерөнхий сайд У.Хүрэлсүх 09.55 цагт угтаж, Чингис хаан хөшөөнд хүндэтгэл үзүүлсний дараа албан ёсны хэлэлцээр эхлэх юм.

Туркийн Ерөнхий сайдын айлчлалын хөтөлбөр

• 09.55 цагт Монгол Улсын Ерөнхий сайд У.Хүрэлсүх БНТУ-ын Ерөнхий сайд Бинали Йылдырымыг албан ёсоор угтах ёслол болно

• 10.00 цагт Монгол Улсын Ерөнхий сайд У.Хүрэлсүх, БНТУ-ын Ерөнхий сайд Бинали Йылдырымын нар Их Эзэн Чингис хааны хөшөөнд хүндэтгэл үзүүлнэ

• 10.05 цагт БНТУ-ын Ерөнхий сайд Бинали Йылдырым ‘Хүндэт зочны дэвтэр’-т гарын үсэг зурна /Баганат танхим/

• 10.30 цагт Монгол Улсын Ерөнхий сайд У.Хүрэлсүх, БНТУ-ын Ерөнхий сайд Бинали Йылдырым нар албан ёсны хэлэлцээ хийнэ /Их жанжин Д.Сүхбаатар танхим/

• 11.30 цагт Монгол Улсын Ерөнхий сайд У.Хүрэлсүх, БНТУ-ын Ерөнхий сайд Бинали Йылдырым нар баримт бичигт гарын үсэг зурах ёслолд оролцоно. /Есөн хөлт туг/