Зөвлөлтийн үеийн алдартай хүүхэлдэйн цуврал кино болох “Простоквашино”- гийн үргэлжлэл болгон “Возвращение в Простоквашино”-гийн шинэ ангийг дөрөвдүгээр сарын 3-нд олон нийтийн “Одноклассники” болон “ВКонтакте” сүлжээ мөн киноны төрөлжсөн Кино Mail.Ru сайтаар цацжээ. Эхний өдөр “ВКонтакте” сүлжээнд 7,8 сая удаа, “Одноклассники”-д 5,7 сая удаа үзсэн байна.

Эхний анги зургаан минут үргэлжилжээ. Хүүхэлдэйг хийсэн “Союзмультфильм” ийм өндөр хандалт авна гэж тооцоолоогүй байсан гэжээ.

Өмнө ангиудыг, тухайлбал, “Трое из Простоквашино”-г 1978 онд, “Каникулы в Простоквашино”-г 1980 онд, “Зима в Простоквашино”-г 1984 онд хийжээ. Шинэ цувралыг 2020 он хүртэл 30 ангитай хийхээр төлөвлөсөн байна.

Эх сурвалж: РИА НОВОСТИ