1994 оны нэгдүгээр сарын 8-ны өдөр. Ван Минчиний охин Ван Чифэн Чэндү хотын Жю Янь гүүрний ойролцоогоос алга болжээ. Тэр үеэс хойш тэрбээр охиноо хайж эхэлсэн ч олоогүй аж. Харин энэ жил Жилин мужийн Панши хотод амьдардаг Кан Ин интернэтээс хүн хайж байгаа зар болон өөртөөгөө маш адилхан зураг олж харжээ. Тэр зурган дээрх хүн бол Ван Минчин байж.

Кан Ин духан дээрээ сорвитой бөгөөд уйлахаараа дотор нь муухайрдаг зуршилтай гэнэ. Энэ мэт олон шинж нь Ван Минчиний олон жилийн өмнө алга болсон охины мэдээлэлтэй таарч байв. Ийн өнгөрсөн гуравдугаар сард Кан Ин эцэг тогтоох ДНХ-ийн шинжилгээ өгч, дөрөвдүгээр сарын 1-нд хариу нь гарахад тэрбээр Ван Минчиний алга болсон охин Ван Чифэн болох нь тогтоогдсон аж. Энэ сарын 3-нд Ван Минчин болон түүний эхнэр Лю Дэнин нар Сычуань мужийн Чэндү хотод байх гэртээ 24 жил цуцалтгүй эрсэн охинтойгоо уулзжээ.

Эх сурвалж: CCTV