Монголын бизнесийн зөвлөлийн мэдэгдэл | News.MN

Монголын бизнесийн зөвлөлийн мэдэгдэл

Хуучирсан мэдээ: 2018.04.04-нд нийтлэгдсэн

Монголын бизнесийн зөвлөлийн мэдэгдэл

Монголын бизнесийн зөвлөлийн мэдэгдэл

Оюутолгойн хөрөнгө оруулалтын гэрээ /2009/ болон Дубайн гэрээ /2015/ -тэй холбоотой

АТГ-ын мөрдлөгийн тухай

Монголын бизнесийн зөвлөл (МБЗ) нь тогтвортой, шударга, ил тод бизнесийн орчныг үргэлж дэмжин ажилладаг. Чухал үйл явдлуудыг цаг тухай бүрд мэдээлж байх нь манай гишүүдэд төдийгүй бизнесийн өргөн хүрээнд өндөр ач холбогдолтой билээ.

Өнгөрөгч Ням гарагт МБЗ-ийн Удирдах зөвлөлийн дарга Б.Бямбасайханыг баривчилж, АТГ-ын өргөдлийн дагуу Монгол Улсын шүүхийн шийдвэрээр цагдан хорих хугацааг 30 хоногоор сунгасан. Одоогийн байдлаар АТГ-ын мөрдөн байцаалт явагдаж байгаа тул тодорхой мэдээлэл гармагц бид гишүүд та бүхэндээ цаг тухайд нь мэдээлэх болно.

Швейцарын банкны асуудал болон Оюу толгойн Далд уурхайн бүтээн байгуулалт, санхүүжилтийн төлөвлөгөөг /Дубайн гэрээ/ АТГ-ын зүгээс хооронд нь холбоотой хэмээн хэвлэл мэдээллээр мэдэгдсэнд бид ихээр санаа зовж байна. Оюу толгойн Хөрөнгө оруулалтын гэрээ 2009 оны 10-р сард зурагдсан бөгөөд Б.Бямбасайхан нь 2010-р оны 8 сард буюу уг гэрээ байгуулагдсанаас хойш Монголд ирсэн гэдгийг мэдэгдье.

МБЗ-ийн Гүйцэтгэх хороо Б.Бямбасайханы ёс зүйт шударга занд бүрэн итгэж байгаа бөгөөд 2012 оноос хойш өнөөг хүртэл МБЗ-ийг удирдан ажиллаж байгаад талархалтай байдаг. Б.Бямбасайхан нь Монголын нийгэмд чухал хувь нэмэр оруулж байгаа манлайлагч төдийгүй хоёр намын удирдсан засгийн газруудад нэр төртэйгөөр зөвлөхөөр ажиллаж байсан.

Б.Бямбасайхан нь Эрдэнэс Монгол ХХК-ийн гүйцэтгэх захирлын үүрэг болон Оюу Толгойн маргааныг эцэслэн шийдвэрлэх тал дээр зүй ёсоор ажилласан гэдэгт бид бүрэн итгэж байна. Оюу толгойн далд уурхайн бүтээн байгуулалт, санхүүжилтийн төлөвлөгөө зурагдаагүй нөхцөлд 5 тэрбум ам.долларын төслийн санхүүжилт хийгдэхгүй, гүний уурхайн төслийг эхлүүлэхгүй байх байсан. Оюу толгойн хоёрдугаар шатны санхүүжилт, бүтээн байгуулалт эхэлснээр Монголын эдийн засаг сэргэх чухал тулгуур болсон гэж үзэж байна.

МБЗ-ийн гишүүд болон хамтрагч түншүүдээс Б.Бямбасайханд үзүүлж буй дэмжлэг мөн анхаарал тавьж буйд Гүйцэтгэх хорооны гишүүд Бид талархаж байгаагаа илэрхийлье.

Үүний зэрэгцээ гишүүн байгууллагууд болон нийгэм, эдийн засгийн эерэг үр дүнгийн төлөө МБЗ үйл ажиллагаагаа тогтвортой үргэлжлүүлж байгааг мэдэгдье. 

МБЗ-ИЙН ГҮЙЦЭТГЭХ ХОРОО

2018 ОНЫ 04-Р САРЫН 03

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-04 59.153.115.108

Дубайн гэрээг далд уурхайн зураг төсөл, өртөг зардал нь гараагүй байхад хэт өндөр өртөгтэй гэрээ хийсэн гэдэг үндэслэлээр барьсан юм биш үү

Avatar

Зочин 2018-04-04 78.54.72.43

Гомбожав одоо ямар намд яваа ч гэлээ дээ хуучин дарга байсан нөхдүүд л Дубайн гэрээг муулаад Ардын намын удирдлагад шахалт үзүүлээд байх шиг харагдсан. Мөн УИХ-ын гишүүн болсон Эрдэнэтийн Ганзоригийн хүү зэрэг нөхдүүд шүмжилдэг юм билээ. Тэдний санаа нь манай хууль тогтоомж, олон улсын практикт таардаг эсэх зэргийг сайн үзэж тайлбар өгмөөр санагдсан. Мэргэжлийн, үндэстэй шүүмжлэл мөн гэж харагдахгү байсан.

Avatar

Зочин 2018-04-04 66.181.160.97

Бямбасайхан өнөө үед ховорхон байгаа мундаг залуу шүү. Үнэн мөн нь удахгүй тайлгадана биздээ. Итгэж байна бас хүлээж байна

Avatar

Зочин 2018-04-04 202.21.112.106

Наад Бямбасайхан хулгайчийг чинь 2009 оны Оюутолгойн гэрээ биш 2015 оны Дубайн гэрээтэй холбоотой баривчилсан юм, за юу? ХАХАХА

NewsMN Гар утасны хувилбар Татах
NEWS.mn

Мэдээллийн эх сурвалж