Санал асуулга энэ сарын 13-нд дуусна | News.MN

Санал асуулга энэ сарын 13-нд дуусна

Хуучирсан мэдээ: 2018.04.04-нд нийтлэгдсэн

Санал асуулга энэ сарын 13-нд дуусна

Санал асуулга энэ сарын 13-нд дуусна

Нийслэлийн хаврын бүтээн байгуулалтын ажил эхлэх гэж байгаатай холбогдуулан авто машины дугаарын хязгаарлалтыг 2 өдөр болгох асуудлаар санал асуулга явуулж байна. Санал асуулга энэ сарын 13-ны өдөр дуусч, 14-нд нийслэлийн Засаг дарга бөгөөд Улаанбаатар хотын Захирагч С.Батболд албан ёсны шийдвэрээ олон нийтэд танилцуулна. Гэтэл зарим мэдээллийн хэрэгслээр хүчээр шийдсэн, дугаарын хязгаарлалт хийхээр болсон мэтээр буруу ташаа мэдээлэл цацагдах болов. Санал асуулгын явагдаж дуусаагүй байтал иргэдийг санаатайгаар төөрөгдүүлэх мэдээлэл тарааж, зарим талаар улс төржүүлж буйд харамсч байна.

Автомашины дугаарын хязгаарлалттай холбоотой санал асуулгад оролцохыг хүсвэл та доорх хаяг холбоосоор хандаж оролцох боломжтой.

Санал авч буй онлайн хаягууд:

  1. Замын цагдаагийн алба https://www.facebook.com/events/1072974452841686/permalink/1072975689508229/ (Та энэхүү линк дээр дарснаар Замын цагдаагийн албаны албан ёсны Фэйсбүүк хуудаст нийтлэгдсэн санал авч буй посттой шууд холбогдох болно)
  2. www.ikon.mn мэдээллийн сайтын тэргүүн нүүр хуудас дахь санал асуулгын булан
  3. www.zaluu.com мэдээллийн сайтын тэргүүн нүүр хуудас дахь санал асуулгын булан
  4. www.medee.mn мэдээллийн тэргүүн нүүр хуудас дахь санал асуулгын булан
  5. www.news.gogo.mn мэдээллийн сайтын тэргүүн нүүр хуудас дахь санал асуулгын булан

Нийслэл хотод маань зөвхөн ганц гүүрэн гарц барихын тулд дугаарын хязгаарлалт хийхээр санал асуулга явуулаагүй гэдгийг албаны эх сурвалжууд тайлбарлан танилцуулж байгаа. Автозам, гүүрнээс гадна автозам дагуух инженерийн шугам сүлжээний томоохон бүтээн байгуулалтууд ч өрнөнө.

Улаанбаатар хотод 2018 онд гадаадын зээл тусламж, нийслэлийн төсөв, нийслэлийн авто замын сан, улсын төсөв, орон нутгийн хөгжлийн сангийн санхүүжилт гэсэн 5 эх үүсвэрээр нийт 63 төсөл, арга хэмжээ хэрэгжүүлж, нийт 33.8 км авто зам, 3185 урт метр гүүр барина. Мөн нийслэлийн замын сангийн хөрөнгөөр 24 төсөл арга хэмжээг хэрэгжүүлнэ. Сонсголон, Туулын гүүрийн ажил дөрөвдүгээр сарын 5-наас эхлэх бол Яармагийн замын ажлыг энэ оны 11 дүгээр сарын 30-нд дуусгах юм байна. Замын цагдаагийн уулзварын өмнөх гүүрэн гарцын ажлыг дөрөвдүгээр сарын 15-нд эхлүүлэхээр төлөвлөөд байгаа бөгөөд үүнтэй холбогдуулан 7 байршилд түр зам гаргаж байгаа билээ.

Нийслэлийн хэмжээнд 2018 онд инженерийн дэд бүтцийн засвар шинэчлэлийн 118 ажил хийгдэнэ. Үүнээс дулааны шугамын 32 ажил, ус хангамжийн 15, ариутгах татуургын 11, харилцаа холбооны 41, үерийн далан суваг ус зайлуулах системийн 19 ажил хийгдэх юм.

2018 онд УСУГ-ын төлөвлөгөөнд 13 ажил багтсан. Автозамын нөхөн сэргээлт болоод автозамын хөдөлгөөнтэй холбоотой ажлууд хийгдэнэ. Үүнээс онцгойлж хэлбэл 3.5 километр урттай цэвэр усны шугам доторлогооны ажлын төсөл тавдугаар сараас хийгдэж эхлэх юм. Баянгол дүүргийн 19-р хороо Чингүнжавын гудамж, Сүхбаатар дүүргийн 1, 4, 5-р хороо Сөүлийн гудамж, Чингэлтэй дүүргийн 3-р хороо буюу баруун Сэлбийн гудамж зэрэг газарт 17-20 хоногийн хугацаанд автозам хааж, өргөтгөл, шинэчлэлийн ажил хийгдэнэ.

Санал асуулгад идэвхтэй оролцож буй иргэддээ баярлалаа.

Эх сурвалж: НЗДТГ-ын Хэвлэл мэдээлэл, олон нийттэй харилцах хэлтэс

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ИРГЭН 2018-04-04 122.201.24.216

Нийтийн эрх ашигтай холбоотой зүйл дээр амин хувийн эрх ашгаа бодсон оркууд дугаарын хязгаарлалтыг эсэргүүцэж байгаа……

Avatar

Билэг 2018-04-04

олон юм ярилгүй ажлаа шууд эхлүүл.иргэдээс асууна барина гэж юу байдаг юм. Хотын хөгжлийн төлөө хийгдэж байгаа ажил шүү дээ.

Avatar

zochin 2018-04-04 106.130.205.135

demjij bna…gol ni chanartai togtson hugatsaandaa hiih.g shaardaj bna …hoyor.n hoorond guraviin dund ym hiih.g irged huleen zevsheerehgui

Avatar

pkxny 2018-04-04 122.201.27.244

Санал асуулга хэрэггүйвбүгд эсэргүүцнэ.ажлаа түргэн эхлүүл.

Avatar

Зочин 2018-04-04 43.228.131.110

Дэмжихгүй. Ганц гүүр барихын тулд хоёр одоо ажлаа алдана гэж байхгүй за.

Avatar

Зочин 2018-04-04

Бүтээн байгуулалт, бас нийтийн хэрэгцээ шүү дээ АСУУГААД БАЙХ юу байна. Харин хурдан шурхай, бүрэн дүүрэн 24 цагаар ажиллах хүчийг нь шийдээд өг тэгээд болоо вм бишүү

Avatar

ЗОЧИН 2018-04-04 202.9.40.108

САНАЛ АСУУЛГАНЫ ХЭРЭГ БАЙХГҮЙ. ЗҮГЭЭР Л АЖЛАА ЯАРАЛТАЙ ХИЙ, БҮТЭЭН БАЙГУУЛАЛТАА ӨРНҮҮЛ. ЗАМ БАРЬЖ БОЛОХ УУ ГЭЖ ИРГЭДЭЭСЭЭ АСУУДАГ ТӨР БАЙЖ ТААРАХГҮЙ. ЭНЭ БОЛ АРЧААГЙ ТӨРИЙН ШИНЖ МӨН.

NewsMN Гар утасны хувилбар Татах
NEWS.mn

Мэдээллийн эх сурвалж