Монголын эрэгтэй бөхчүүд дэлхийн цомд 10 дахь удаагаа зодоглоно | News.MN

Монголын эрэгтэй бөхчүүд дэлхийн цомд 10 дахь удаагаа зодоглоно

Хуучирсан мэдээ: 2018.04.03-нд нийтлэгдсэн

Монголын эрэгтэй бөхчүүд дэлхийн цомд 10 дахь удаагаа зодоглоно

Монголын эрэгтэй бөхчүүд дэлхийн цомд 10 дахь удаагаа зодоглоно

Чөлөөт бөхийн эрэгтэйчүүдийн 2018 оны Дэлхийн цомын тэмцээн дөрөвдүгээр сарын 7-8-нд АНУ-ын Айова хотод болно. Дэлхийн цомын найман удаагийн түрүүтэй Ираны шигшээ баг оролцохоос татгалзсан билээ. Бөхийн орон Ираны бөхчүүд “А” хэсэгт зохион байгуулагч орон АНУ, 2016 оны тус тэмцээний хүрэл медальт Гүрж, Ази тивийн төлөөлөл Японы шигшээ багтай “А” хэсэгт багтсан юм. Тэгвэл тэдний оронд ДБНХ (UWW)-ноос өнгөрсөн жилийн Парисын ДАШТ-д багийн дүнгээр 11 дүгээр байрт орсон Монгол Улсын шигшээ багийг оролцохыг урьсан. Ингэснээр эрчүүд маань сүүлийн таван жил дараалан Дэлхийн цомд зодоглохоор болж байна. Монголын багийн бүрэлдэхүүнд 57 кг-ын жинд гавьяат тамирчин Э.Бэхбаяр, 61 кг-д ОУХМ Т.Түвшинтулга, 65 кг-д Б.Батмагнай, 70 кг-д С.Ганбаяр, 74 кг-д гавьяат тамирчин Г.Мандахнаран, 79 кг-д ОУХМ Г.Идэрхүү, 86 кг-д О.Үйтүмэн, 92 кг-д Л.Төртогтох, 97 кг-д Ө.Батзул, 125 кг-д Н.Золбоо нар хүч үзэхээр болсон. Эднээс 70 кг-ын жинд АНУ-ын Мэриландын их сургуульд дасгалжуулагчаар ажилдаг, спортын мастер С.Ганбаяр, хэдхэн хоногийн өмнө Билл Фарреллийн ОУТ-д 79 кг-д зодоглосон ОУХМ Г.Идэрхүү нар тэндээсээ багийнхантайгаа нэгдэх юм.

Багийн ахлагчаар МЧБХ-ны удирдах зөвлөлийн гишүүн П.Гансүх, албаны хүнээр П.Буяндэлгэр, дасгалжуулагчаар Б.Баттулга, шүүгчээр Ц.Сэрээтэр нар ажиллах бөгөөд Монголын эрэгтэйчүүдийн шигшээ баг тамирчид маргааш эх орноосоо мордоно.

Манай эрэгтэй бөхчүүд Дэлхийн цомын тэмцээнд 10 дахь удаагаа оролцох гэж байгаа бөгөөд 1975, 1987 онд мөнгө, 1981 онд хүрэл медаль хүртэж, 1986, 2002 онд дөрөв, 2014 онд тав, 2015, 2016, 2017 онд зургадугаар байрт шалгарч байв.

Эх сурвалж: Монголын чөлөөт бөхийн холбоо

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2018-04-03 64.119.21.28

Jargahnaran gej neg shivshig bas yahnav dee, meddeg uls ni yamar temtseen bolohiig ni medeed yavahgui baihad tend ochij shal archij l baidag hulduu tolgoinuud

Avatar

Монгол 2018-04-03 64.119.24.249

МОНГОЛ бөх монгол хүнээ хайрлаж явдаг.Оросууд, Иран ороогүй бол яая гэхэв.Түүхэнд орсон гэдэг нь л үлдэнэ.

Avatar

зочин 2018-04-03 66.181.166.196

орос, иран хоёр хасагдаад л орж байгаагаас сайндаа ч орж байгаа юм биш, нөхөөсөнд явж байж юун хөөрүү олон долоон юм ярьдаг юм

Avatar

мэдээж ш дээ 2018-04-03

оросоос айгаад виз гаргаагүй тэгээд иран бас асуудалтай болоод лам олдохгүй болохоор монголыг залсан болж байгаа нь өөрийн нутагтаа оросод хожигдож шившиг болохгүй гэсэн а**с санаа

NewsMN Гар утасны хувилбар Татах
NEWS.mn

Мэдээллийн эх сурвалж