Энэтхэгт эсэргүүцлийн жагсаалын үеэр найман хүн амиа алджээ | News.MN

Энэтхэгт эсэргүүцлийн жагсаалын үеэр найман хүн амиа алджээ

Хуучирсан мэдээ: 2018.04.03-нд нийтлэгдсэн

Энэтхэгт эсэргүүцлийн жагсаалын үеэр найман хүн амиа алджээ

Энэтхэгт эсэргүүцлийн жагсаалын үеэр найман хүн амиа алджээ

Энэтхэгт хүний амийг хөнөөсөн дээд давхаргын иргэнийг баривчлахыг хориглосон Дээд шүүхийн шийдвэрийг эсэргүүцсэн хөдөлгөөний үеэр найман хүн амиа алдсан хэрэг гарчээ.

Энэтхэгт олон мянган жилийн өмнөөс тогтсон кастын тогтолцоо буюу ангийн тогтолцооноос үүдэлтэй ялгаварлан гадуурхах явдал одоо хүртэл хаа сайгүй байдаг ажээ.  Харин Энэтхэгийн Дээд шүүхийн шийдвэр доод давхаргын Хинду шашинтнуудын эсэргүүцэлтэй тулгарсан  байна.

Энэтхэгийн төв болон хойд мужийн Хинду шашинт олон мянган иргэн эсэргүүцлээ илэрхийлэн авто болон төмөр замын хөдөлгөөнийг хааж, машин шатаан, цагдаа нар руу чулуу нүүлгэжээ. Эсэргүүцлийн хөдөлгөөний улмаас зарим хот, сууринд зах, сургуулиуд хаагдсан байна. Нийслэл Дели хотод олон мянган иргэн эсэргүүцлийн лоозон барьж жагсчээ.

Цагдаа нарын мэдэгдсэнээр амиа алдсан найман хүний дийлэнх нь төв Мадяпрадеш мужид гарсан эсэргүүцлийн жагсаалын үеэр амь үрэгдсэн гэнэ. Зарим хотуудад эсэргүүцлийн хөдөлгөөнийг дэврээхгүйн тулд интернет сүлжээг тасалсан байна. Өнгөрсөн долоо хоногт Энэтхэгийн Гужарат мужийн нэгэн тосгонд нийгмийн доод давхаргын нэгэн эрийг морь унаж явсны төлөө дээд давхаргын гэгдэх оршин суугчид зодож, амь насыг нь хөнөөсөн хэрэг гарсан ажээ. Энэхүү хэрцгий балмад хэргийг Энэтхэгийн ангийн давхаргаас үүдэлтэй ялгаварлан гадуурхалтын нэг жишээ гэж иргэд үзэж байгаа юм. Энэтхэгийн 1.2 тэрбум хүн амын 200 сая орчим нь нийгмийн доод давхаргад багтдаг ажээ.

Сүүлийн хорь гаруй жилд бий болсон нийгмийн өөрчлөлтийн дүнд доод давхаргынханд дундаж давхаргад дэвшиж, амьдралаа өөрчлөх боломжууд нээгдсэн. Гэвч  Энэтхэгт олон зуун жилийн өмнө тогтсон ангийн тогтолцооны улмаас доод давхаргынхан жорлон цэвэрлэх, хог түүх ажил эрхэлж ирсэн бөгөөд тэдэнд дээд давхаргынхны гэрт орох бүү хэл тэдний жорлонд орох эрх байдаггүй ажээ.

Эх сурвалж: voanews

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-03 202.21.106.103

7 сарын нэгэн болж

Avatar

123123 2018-04-03

manaihtai adilhan l boloh gj bgn bna. enetheg ylna

Avatar

98888171 2018-04-03 49.0.137.118

"ENTER" ДУУДЛАГЫН КОМПЬЮТЕР ЗАСВАР
Ажлын байран дээр болон хаягаар компьютерийн техник хангамж болон программ хангамжийн бүх төрлийн гэмтэлийг оношлож чанартай засварлана, форматлана. Мэргэжлийн болон бусад бүх төрлийн программ, тоглоом гэх мэт бүх төрлийн зүйлс суулгана. Оригнал вирусны програмуудаас компьютерийн үзүүлэлтэнд нь тохируулан суулгана, вирус арилгана.
– Принтер таниулна:,
– Wifi-Switch тохируулна.
– Устсан файл сэргээнэ.
– Гэрээр компьютерийн анхан, дунд, гүнзгий шатны хичээл заана.
Албан байгууллага, айл өрх, интернэт кафетай хамтран ажиллана.
Mанай засвар үйлчилгээний давуу тал нь оригнал программаар үйлчлэхээс гадна компьютерт шаардагдах бүхий л зүйлсээр чанартай үйлчилдэгт оршино.Баталгаа өгнө.
Холбоо барих утас:98-888-171

NewsMN Гар утасны хувилбар Татах
NEWS.mn

Мэдээллийн эх сурвалж