Нэгэн сонирхолтой судалгааг статистикчид гаргажээ. Байнга төрөөс татаас авахын дээр алдагдалтай ажилладаг гэх нийтийн тээврээр өдөрт нийслэлийн тэн хагас нь буюу 552.8 мянган хүн зорчдог гэнэ. Тэгвэл нийтийн тээврээр зорчигчдын 50 гаруй хувь нь өдөрт дунджаар хоёроос дээш удаа үнэ төлбөргүй үйлчлүүлж байна гэх тооцоог гаргажээ. Харин зорчигчид тухайн чиглэлийн микро автобусны дараагийн ээлжийг дунджаар 7.5 минут хүлээдэг бол троллейбусыг 8.2 минут хүлээдэг аж.