Дэлхийн аварга С.Цэрэнчимэд дэвжээндээ эргэн ирлээ

Чөлөөт бөхийн 2018 оны оюутны улсын аварга шалгаруулах тэмцээний аваргууд өнгөрөгч долоо хоногт тодорсон. Энэхүү тэмцээнд түрүүлсэн болон амжилттай оролцсон тамирчид ирэх есдүгээр сард Бразилийн Гояна хотод болох оюутны ДАШТ-д оролцохоор болжээ.

23 их, дээд сургууль, коллежийн 200 гаруй тамирчид дунд нэгэн онцгой тамирчин байсан нь насанд хүрэгчдийн ДАШТ-ийн алт, мөнгөн медальт, залуучуудын дэлхийн аварга, Гавьяат тамирчин Сүхээгийн Цэрэнчимэд байсан юм. Тэрбээр үрийн зурай үнэрлээд жил гаруй хугацааны дараа дэвжээндээ дахин ирлээ.

С.Цэрэнчимэд оюутны УАШТ-д 62 кг-ын жинд барилдаж, хүрэл медаль хүртсэн юм. Түүний хамгийн хүчтэй өрсөлдөгч 18 настай залуу тамирчин Д.Түмэнхүслэн байсан бөгөөд түүнд хагас шигшээд ялагджээ.

2018 оны оюутны УАШТ-ийг багийн дүнгээр Ц.Баярсайхан, Ц.Гантөгс дасгалжуулагчтай ҮБТДС 51 оноогоор тэргүүлсэн бол Б.Эрдэнэболд дасгалжуулагчтай Монголын Үндэсний их сургууль, Л.Уриантай дасгалжуулагчтай “Аварга” биеийн тамирын дээд сургууль хоёр, гуравдугаар байрт орсон байна.

ДҮН: (2018.03.24-25)

Эрэгтэй:

57 кг: 1. Н.Насанбуян 2. А.Нэргүйбаатар 3. Н.Наранхүү (бүгд ҮБТДС), Ц.Ганбаатар (ҮБХИС)
65 кг: 1. Г.Ханбүргэд (МҮИС) 2. Г.Бэгзжав (ҮБХИС) 3. Х.Хишигбат (ҮБТДС), А.Эрдэнэсайхан (ШУТИС)
74 кг: 1. З.Сумъяабазар (МҮИС) 2. Б.Батсүх (ҮБХИС) 3. Б.Цогтгэрэл, П.Тэлмэн (хоёул ҮБТДС)
86 кг: 1. Г.Ганхуяг (Аварга) 2. Д.Оргилох 3. Б.Билгүүн (хоёул ҮБТДС), Б.Баянсүх (Аварга)
97 кг: 1. Ч.Алтангэрэл (Аварга) 2. М.Батмэнд (МУБИС) 3. Т.Мөнгөншагай (ҮБТДС), Б.Намхай (ШУТИС)
125 кг: 1. Д.Эрдэнэтулга (Аварга) 2. Б.Одсүрэн (Түшээ) 3. Э.Төгөлдөр (ҮБТДС), Э.Бат-Эрдэнэ (Аварга)

Эмэгтэй:

50 кг: 1. Б.Чимгээ (МҮИС) 2. Г.Пүрэвсүрэн 3. Ж.Загарсүрэн, Б.Бямбасүрэн (бүгд ҮБТДС)
53 кг: 1. С.Энхтунгалаг (Этүгэн) 2. Г.Мөнхцэцэг (Идэр) 3. Г.Энхсувд (ҮБХИС), Ц.Отгонхишиг (ҮБТДС)
57 кг: 1. Б.Болортуяа (МУБИС) 2. А.Жавзандулам (ҮБТДС) 3. Э.Одчимэг (ИЗИС), П.Отгонбаяр (Мон-Алтиус)
62 кг: 1. Д.Түмэнхүслэн (Мон-Алтиус) 2. Н.Энхтуяа (ҮБТДС) 3. О.Дашзэвэг (ҮБХИС), С.Цэрэнчимэд (ХААИС)
68 кг: 1. Э.Дэлгэрмаа 2. А.Сүрэн 3. Г.Пүрэвцэцэг (бүгд ҮБТДС), Э.Даваанасан (ҮБХИС)
76 кг: 1. П.Номин-Эрдэнэ (Мон-Алтиус) 2. М.Хишигмаа (ҮБТДС) 3. Г.Ариунжаргал (МУБИС), Г.Наранчимэг (МҮИС)