Цаазын ялыг сэргээх “даалгаврыг” УИХ-д шилжүүлэх үү | News.MN

Цаазын ялыг сэргээх “даалгаврыг” УИХ-д шилжүүлэх үү

Хуучирсан мэдээ: 2018.04.02-нд нийтлэгдсэн

Цаазын ялыг сэргээх “даалгаврыг” УИХ-д шилжүүлэх үү

Цаазын ялыг сэргээх “даалгаврыг” УИХ-д шилжүүлэх үү

Монгол Улсын Ерөнхийлөгч Х.Баттулга хүчирхийллийн эсрэг санаачилга гаргаж, Эрүүгийн хуульд нэмэлт өөрчлөлт оруулах хуулийн төслийг УИХ-ын хаврын чуулганд өргөн барьж хэлэлцүүлэхээр боллоо. Энэ өөрчлөлт нь хүүхдийг хүчирхийлэх гэмт хэрэгт оноох ялыг чангатгаж, энэ төрлийн гэмт хэрэгт цаазаар авах ялыг оноох тухай нэмэлт өөрчлөлт юм. Тэрбээр өнгөрсөн оны арваннэгдүгээр сард бага насны хүүхдийг хүчирхийлсэн тохиолдолд хэрэгтэнд цаазын ял оноох, энэхүү ялыг сэргээх талаар ХЗДХЯ-нд хүргүүлсэн ч өнөөдрийг хүртэл хариу ирүүлээгүй байна. Иймд Ерөнхийлөгч хууль санаачлах бүрэн эрхийнхээ дагуу хуулийн төсөл санаачилж, Хууль тогтоомжийн тухай хуулийн дагуу Монгол Улсын Ерөнхийлөгчийн Тамгын газрын president.mn цахим хуудсаар иргэдийн саналыг сарын турш албан ёсоор авч, мөн уг асуудлаар хэлэлцүүлэг зохион байгуулж, төсөл боловсруулжээ. Ерөнхийлөгчийн Тамгын газарт ирдэг олон тооны санал хүсэлт, шүүмжлэлийн тодорхой хувийг цаазын ялыг сэргээхтэй холбоотой иргэдийн санал хүсэлт, шүүмжлэл эзэлдэг учраас ийнхүү хуулийн төсөл санаачлахаар болжээ.

Ерөнхийлөгч Х.Баттулгын зөвлөх Г.Уянга өчигдөр хэвлэлийн бага хурал хийлгэж “Цаазын ял сэргээх саналыг Ерөнхийлөгч Эрүүгийн хуульд оруулахаар болж, өнөөдрөөс санал асуулга явуулж эхэлж байна” хэмээн мэдэгдлээ. Тэрбээр энэ үеэр ‘Монгол Улсын Ерөнхийлөгч 2017 онд Хууль зүй, дотоод хэргийн яаманд хүсэлт гаргасан. Бага насны хүүхдийг хүчирхийлсэн хэрэгт цаазын ял оноох, эсвэл хөнгөлөх зэрэг өөр арга хэмжээг авч, судлах үүрэг өгсөн боловч одоо болтол хариу өгөөгүй байна. Өнгөрсөн долоо хоногт ХЗДХЯ-наас цаазын ялыг сэргээх боломжгүй гэсэн дүгнэлт гаргасан тухай хэвлэлээс олж мэдлээ. Монгол Улсын Үндсэн хуулийг зөрчсөн бол олон улсын конвенцид нэгдэн орохгүй. Тиймээс цаазын ялыг сэргээх шаардлага үүсч байна. Тиймээс бага насны хүүхдийг хүчирхийлсэн хэрэгт цаазын ял оноох саналыг Ерөнхийлөгч гаргаж, Эрүүгийн хуульд нэмэлт, өөрчлөлт оруулах төслийг боловсруулж, өнөөдрөөс санал асуулга явуулж эхэлж байна. Эрүүгийн хуульд цаазаар авах ялыг бага насны хүүхдийг хүчиндсэн, амь насыг нь хөнөөсөн хэрэгт оноохоор төсөлд нэмэлт, өөрчлөлт оруулна. Монгол Улс цаазаар авах ялыг хоёр ч удаа халж, харамсалтай нь буцааж хэрэглэхээс өөр аргагүй нөхцөл байдалд орж байсан юм билээ. Ерөнхийлөгч тодорхой гэмт хэргүүд дээр энэ ялыг хэрэглэх гэж байгаа. Бага насны хүүхдийг хүчирхийлнэ, амь насыг нь хорооно гэдэг тодорхой, тодруулж болдог хэрэг. Тийм учраас улс төрийн хэрэгтэнд хамаарахгүй. Ямар ч хэлмэгдэх боломжгүй нөхцөлөөр энэ ялыг оруулж байгаа юм. Энэ асуудлыг батлах эсэх нь парламентын асуудал’ гэв.

Тэгвэл Хууль зүй, дотоод хэргийн яамнаас Ерөнхийлөгчийн гаргасан хүсэлтэд ямар хариу өгснийг харцгаая. Хэдийгээр энэ хариултыг албан ёсоор яамныхаа вэб сайт болон бусад хэвлэл мэдээллийн хэрэгслээр зарлаагүй ч дэд сайд Б.Энхбаяр 2018 оны гуравдугаар сарын 30-нд Монгол Улс дахь Европын холбооны төлөөлөгчийн газрыг түр хамаарагч Макро Ферриг хүлээн авч уулзах үеэрээ “Ажлын хэсэгт орж ажилласан бүх байгууллагын төлөөлөл 100 хувь санал нэгтэйгээр цаазаар авах ялыг Монгол Улсын тухайд нэмэлт протоколоос гаргах боломжгүй буюу дахин сэргээх хууль зүйн үндэслэл байхгүй” гэсэн дүгнэлт гаргасныг дурджээ. Уг ажлын хэсэгт Улсын Дээд шүүх, Улсын Ерөнхий Прокурорын газар, Хуульчдын холбоо, Хүний эрхийн үндэсний комисс, Гадаад харилцааны яам, МУИС-ийн эрдэмтэн, багш нарын төлөөлөл орж ажилласан бөгөөд “дээрх дүгнэлт нь ажлын хэсэгт орж ажилласан байгууллагуудын нэгдсэн байр суурь гэж ойлгож болно” гэсэн байна. Тэгэхээр ажлын хэсгийн энэ дүгнэлт Ерөнхийлөгчийн саналын хариу болон ирэх бололтой.

Өнгөрсөн хугацаанд иргэдийн дунд явуулсан судалгаа, санал асуулга гэх мэт барьцгүй жишээнүүдээр “зэвсэглэх” гэж удаа дараагийн оролдлого гарч байсан ч монголчууд нийтээрээ  “Цаазын ялыг эгүүлэн авчрахаар” дуу хоолойгоо нэгтгэхэд хүрээгүй байна.

Монгол Улсын хувьд өмнөх Ерөнхийлөгч Ц.Элбэгдорж 2010 оны нэгдүгээр сарын 14-нд цаазаар авах ялыг хэрэгжүүлэхийг түдгэлзүүлж байгаагаа УИХ-ын чуулганы нэгдсэн хуралдаан дээр албан ёсоор мэдэгдсэн юм. Энэ мэдэгдэл Ази тивд ч томоохон дэвшил авчирсан гэдгийг НҮБ-аас үнэлээд буй. Монгол Улс сүүлийн хоёр жилд цаазын ял гүйцэтгээгүй гэдгээрээ тивдээ дээгүүр үнэлгээ аваад байна. Үүнийг баталгаажуулах мэт дөрөв хоногийн өмнө Хууль зүйн Дэд сайдтай уулзсан дахь Европын холбооны төлөөлөгчийн газрыг түр хамаарагч Макро Ферри “Европын холбоо өөрийн гишүүн 28 орны өмнөөс танай Засгийн газарт цаазын ялыг сэргээх асуудлаар байр сууриа мэдэгдсэн. Уг мэдэгдэлд “цаазын ялыг сэргээх нь НҮБ-ын Ерөнхий Ассамблейн тодорхой тогтоолууд болон Европын холбоотой байгуулсан хөтөлбөртэй зөрчилдсөн арга хэмжээ болохыг дурдсан” гэжээ. Ингээд Засгийн газраас хариу авсан нь “Цаазын ялыг сэргээх хууль зүйн үндэслэлгүй” гэсэн байтал Ерөнхийлөгч нь дахиад л цаазын ял нэхсэн хуулийн төслөө зүтгүүлж эхэлж байна.

Харин УИХ-ын гишүүн, Хууль зүй, дотоод хэргийн сайд Ц.Нямдорж Ерөнхийлөгчийн саналд байр сууриа илэрхийлэхдээ “НҮБ-ын хүний эрхийн конвецид манай улс 2012 онд цаазын ялгүй байна гээд нэгдсэн. Тэр үед би цаг нь болоогүй байна гэж дуугарч байсан. Шинэ Ерөнхийлөгч цаазаар авах ялыг халсан нь буруу байна гээд ажлын хэсэг байгуулчихлаа. 2002 оны Эрүүгийн хуулийг хэдий би бичсэн ч Монголын төр баталсан хууль юм. Аливаа улсын Эрүүгийн хууль гэдэг бол тухайн улсын тусгаар тогтносон байдлыг хамгаалдаг сүүлчийн галт тэрэг байдаг. Тиймдээ ч өнгөрсөн болоод одоо, ирээдүйг тооцсон байх ёстой. Гурван цагийн хэлхээг холбож хууль бичдэг юм. Хүчингийн хэрэг гэхэд л энэ хуулиар хатуу ялтай байлаа. Гэтэл одоо болохоо байлаа гээд л шуугиад эхэлж байгаа биз дээ. Гэхдээ нэгэнт батлагдсан хуулийг хэрэг­жүүлээд үзье. Болохгүй бол засъя гэсэн байр суурьтай байна” гэжээ. Мөн олон улсын эрх зүйч Б.Гүнбилэг “2012 онд Монгол Улс Иргэний болон Улс төрийн пактын II протоколд нэгдэж орсноор цаазын ялыг халсан. Энэ пакт нь хүний үндсэн эрхийг хамгаалах конвенц учир гарах заалт байхгүй. Тухайн улс нэгдэн орсон л бол бандан тас гэсэн үг. Орохоосоо өмнө сайн судал гэсэн утгатай хатуу гэрээ” гэжээ.

Одоо дахин санал асуулга, судалгаа эхлүүлэх нь. “Монгол Улсын Үндсэн хуульд тунхагласнаар хүний эрхэм эрхийн дээд нь амьд явах эрх тул цаазаар авах ялыг цуцлах нь зүйтэй байсан уу”. “Төрийн нэрийн өмнөөс иргэнийхээ амийг егүүтгэхгүй байх боломж Монгол Улсад бий юү”. “Олон нийтийн шахалтаар цаазаар авах ялаас татгалзсан орон дэлхийд байдаг гэж үү” гэхчлэн олон асуулт хариу нэхэж байна.

Гэвч цаазын ялыг хэрэглэхээс татгалзсан орны тоо жилээс жилд нэмэгдсээр байна. Цаазаар авах ялыг халснаар гэмт хэрэг тухайн оронд өссөн, эсвэл буурсан гэх үзэгдэл нэг ч судалгаагаар нотлогдоогүй байна. Жишээ болгож хамгийн сүүлийн нэг үзүүлэлтийг эш татахад Монгол Улс цаазаар авах ялыг 2012 оноос халсан. Цаазын ял хэрэгжиж байх үед буюу 2007-2011 оны хооронд жилд дунджаар 350 хүчингийн хэрэг гарч байсан байна. Харин цаазын ялгүй болсон үе буюу  2012-2016 онуудад жилд дунджаар 287.4  хүчингийн хэрэг гарсан нь буурсан үзүүлэлт аж. Хүнийг санаатай алах гэмт хэрэг 2007-2011 оны хооронд жилд дунджаар 245.6 байсан бол 2012-2016 онд 204.8 болжээ.

Ерөнхийлөгчид бүх насаар нь хорих ялыг уучлах л эрх байдаг болохоос цаазаар авах ял бий болгох эрхгүй нь ойлгомжтой. Тиймээс ч Ерөнхийлөгчийн санаачилга энэ удаад Засгийн газраар дэмжигдээгүй тул УИХ, эсвэл өөрөө санаачлан УИХ-аар хуулийн төсөл батлуулахаас өөр гарц үлдсэнгүй. Ажлын хэсэгт дүгнэлт гаргасан байгууллагууд хоёр үзүүртэй шийдвэр гаргах боломжгүй учраас УИХ эцсийн шийдвэрийг гаргах, үүний өмнө аймшигт хэргүүд гарах бүрт УИХ-д “сануулах”, буруутгах, бухимдлыг УИХ руу чиглүүлэх “махинац” өрнөж мэдэхээр байна. Хэрэв УИХ Ерөнхийлөгчийн популист санаачлагыг дэмжвэл юуны өмнө “Үндсэн хуулийг зөрчсөн” гэх үндэслэлээр Үндсэн хуулийн Цэцэд очно. Монгол Улс олон улсын протоколд нэгдэж ороод үүрэг хүлээсэн. Мөн  Үндсэн хуулийн 10 дугаар зүйлд зааснаар олон улсын гэрээгээр хүлээсэн үүргээсээ татгалзсан хэрэг болно. Цаашлаад Үндсэн хуульд заасан хүний амьд явах, эрхэм чанар /нэр төр, алдар хүнд/-ыг хүндэтгэх, эрүүдэн шүүхийн эсрэг суурь зарчмуудыг зөрчсөн хэрэг болно. Энэ бол тун хүнд бас эмзэг сэдэв.

Тиймээс ч улс төрийн санаачилгаар халах нь ховор байдаг аж. Учир нь, хууль зүйн бүх үндэслэлийг иргэн бүр ухаарах нь ховор учраас аймшигтай хэргүүдийн тухай сонсоод амь насыг нь хөнөөсөн бол цаазаар авхуулах ёстой гэж шууд бодох нь олонтаа.

Гэтэл цаазын ялаас болж золиослогдсон амь хэчнээн билээ. Засч болохгүй алдаа гэж тэр. Нөгөөтэйгүүр ял бол өс авах хэрэгсэл биш. Өнөөдөр иргэд төрөөс шударга ёсыг нэхэж байна уу, цаазын ялыг нэхээд байна уу гэдгээ төдийлөн зааглаж чадахгүй л байна.

Төгсгөлд нь хэлэхэд нийгмийн аливаа эмгэг, олон нийтийг цочроосон ноцтой гэмт хэргүүд, авлига зэргийн үүр уурхай нь ядуурлаас эхтэй гэдгийг Ерөнхийлөгч хэлж байсан. Нийгмийн өвчнөө ийнхүү зөв оношилчихоод буруугаар эмчлэх гээд байгаа нь харамсалтай. “Хэрэв Монгол Улс цаазын ялыг сэргээвэл…” гэдэг талаас нь төсөөлөөд үзэхэд л ямар том ухралт, хэр бачим, ухамсар мөчид алхам болох нь илүү тод харагдах биз ээ.

39 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-02 150.129.142.187

Тайган болгоод хэдэн жил хар ажил хийлгэж улсад ажлуул. Ямар ч л байсан хоосон тэжээхгүй.

Avatar

Зочин 2018-04-02 66.181.186.253

Цаазын ялыг хүчиндэгч нар дээр сэргээх гэж байгаа юм бол хар тамхи татсан борлуулсан гэртээ хүүхдүүд авчирч мансуурсан нөхдөд ч гэсэн цаазын ялаа оноох хэрэгтэй.

Avatar

Зочин 2018-04-02 122.201.21.222

Цаазын ял ухралт. Ийм цагдаа, прокурор, шүүхтэй байхад хилсээр цаазлуулах боломж байна аа. Нэг хүнийг хилсээр цаазалснаас зуун хэрэгтнийг өршөөсөн нь дээр.

Avatar

Зочин 2018-04-02 64.119.21.35

Агуу Ерөнхийлөгч маань санаачлаад УИХ харин батлах хэрэгтэй. Тэгээд Цэцэд очиг. Тэр болтол харж л байя.

Avatar

Зочин 2018-04-02 217.46.77.122

Цаазын ялыг дахин сэргээх хэрэгтэй. Баттулга ерөнхийлөгч өө, ерөнхийлөгч болохоосоо өмнө амласан нэг том амлалт чинь шүү!.

Avatar

Зочин 2018-04-02 45.117.35.2

Хэрвээ ял гэсгээл гэмтэнд хийсэн хэргийг нь өөрт нь мэдрүүлэх зорилготой юм бол хүчиндэгчийг хүнээр хүчиндүүлээд, хулгайчаас юмыг нь хулгайлаад хүн алсаныг нь алаад тэр хэдхэн хоромд хийсэн гэмийг нь өөрт нь хэдхэн хоромд үзүүлээл шудрага шийтгэл болохуу? Ингэж шийтгэнэ гэвэл ямар ч тэнэг ялтан олон жил [Хориотой Үг] хатсанаас энэ тэнэг логиктой шийтгэлийг чинь сонгоно доо.

Avatar

Zochin 2018-04-02 66.181.190.67

Eronhiilogch tenegtej ogohiimaa.bolioochee. Uls ornoo hogjuul ,tegvel gemt hereg dagaad buurna. Huchirhiileed gemt hereg ulam ihesne.

Avatar

Zochin 2018-04-02 27.123.214.116

Hytad shig uiluulj baigaad tsaazlaach

Avatar

Zochin 2018-04-02 27.123.214.116

Tsaaz heregtei baina unendee.

Avatar

Zochin 2018-04-02 27.123.214.116

Tsaaz heregtei baina unendee.

Avatar

Zochin 2018-04-02 66.181.190.67

Ergej butsahdaa mongolchuud amarhan ium .huulia oorchilbol evropiin holboo , amerik zereg uls tuslamjaa zogsoon. Arduchilaas uharsan asuudal uusne .Ene teneg asuudalaa eronhiilogch boliood ard tumnee ajiltai ,tsalin ondor avdag bolbol gemt hereg dagaad buurna. Arihdalt bagsana. Oiunii hoosrol bagsana.

Avatar

Bbb 2018-04-02 217.172.229.74

Hulgaich bolovsrolgui eronhiilegchees salja

Avatar

цэцэн хүмүүст зориулав 2018-04-02 182.160.36.203

миний бодлоор өөрийнхөө балчир үрээ зэрлэг араатанд хүчиндүүлчихээд ухаантай юм ярь ,тэнэгүүд минь

Avatar

Anu 2018-04-02 172.56.3.81

Zerlegt zerleg huuli heregtei
Olnii omno tsaazaar abaachih ni zob

Avatar

иргэн 2018-04-02 66.181.176.29

Цаазын ял байснаар гэмт хэргийн гаралт буурсан түүх байдаггүй! Маньякууд бага насны хүүхэд хүчирхийлбэл цаазлуулна шүү гэж бодоод хэрэг үйлдэхээс татгалзана гэж хэзээ ч байдаггүйг гадны өндөр хөгжилтэй улсын криминологийн судалгаа аль хэдийн нотолсон!! Хамгийн гол нь тийм бузар гэмт хэрэгт өртөх эрсдэлтэй хүүхэд буюу хүний хамгаалалтыг сайжруулах нь илүү үр дүнтэй арга гэдэг. Маньякуудыг эртнээс судалж олж хяналтад авдаг. Тэд бол сэтгэцийн эмгэгтэй өвчтэй хүмүүс байдаг! Тэд ял шийтгүүлнэ гэдгээс айж хэрэг үйлдэхээ болино гэж байдаггүй, араатан амьтан шиг юмнууд байдаг юм!! Манай улсын хувьд хамгийн аюултай нь: хилс хэргээр хүн цаазлах магадлал маш өндөр!!! Шүүх, хуулийн байгууллагынхаа байж байгаа царайг хар та нар!!! Саяхны жишээ – С.Зоригийн хэргийг мөрдсөн, шүүн тасалсан ажиллагааг харсан биз дээ??!!

Avatar

98888171 2018-04-02 49.0.137.118

"ENTER" ДУУДЛАГЫН КОМПЬЮТЕР ЗАСВАР
Ажлын байран дээр болон хаягаар компьютерийн техник хангамж болон программ хангамжийн бүх төрлийн гэмтэлийг оношлож чанартай засварлана, форматлана. Мэргэжлийн болон бусад бүх төрлийн программ, тоглоом гэх мэт бүх төрлийн зүйлс суулгана. Оригнал вирусны програмуудаас компьютерийн үзүүлэлтэнд нь тохируулан суулгана, вирус арилгана.
– Принтер таниулна:,
– Wifi-Switch тохируулна.
– Устсан файл сэргээнэ.
– Гэрээр компьютерийн анхан, дунд, гүнзгий шатны хичээл заана.
Албан байгууллага, айл өрх, интернэт кафетай хамтран ажиллана.
Mанай засвар үйлчилгээний давуу тал нь оригнал программаар үйлчлэхээс гадна компьютерт шаардагдах бүхий л зүйлсээр чанартай үйлчилдэгт оршино.Баталгаа өгнө.
Холбоо барих утас:98-888-171

Avatar

Цааз 2018-04-02 94.248.79.73

ЦААЗ БАЙЛГҮЙ ЯАХАВ ЭЭ.[Хориотой Үг] ӨРШӨӨХИЙГ ХОХИРОГЧИЙН АР ГЭРИЙНХНИЙ МЭДЭЛД МЭДЭЛД ӨГӨХ ХЭРЭГТЭЙ .

Avatar

Zochin 2018-04-02 103.9.88.210

Shees ni goijih nee Ha ha ha. Хятадын хөгжлийн нууц нь хатуу чанга хариуцлагатаа байдаг гэсэн.

Avatar

Zochin 2018-04-02 103.9.88.210

Цаазыг сэргээ сэргээ. Тэгэж байж нийгэмд зочироо үүснэ. Монголын мөнгийг дураараа хулгайлж идсэн хүмүүс [Хориотой Үг] нь гойжих гэж байна. Мөн гэмт хэрэгтэнүүд.

Avatar

Зочин 2018-04-02 64.119.21.35

Цочироо гэдэг байлгүй дээ.

Avatar

Зочин 2018-04-02 64.119.21.35

Гоожих гэдэг байлгүй дээ.

Avatar

хэлмэгдүүлэлт 2018-04-02 66.181.165.169

Одоо тэгээд бүгд сэтгэл хөөрлөөр цаазын ялыг сэргээдэг нөгөө оффшорчид авилгалчид чинь бүр амар хүссэн хүндээ буруу тохож хэлмэгдүүлж алж амрана ш дээ. Үхсэн хүн үг хэлэх биш…. Бодолтой хандаж бүх насаар нь албадан хүнд хөдөлмөр эрхлүүлж өөрөө үхэе гэж гуйтал нь хашрааж тамлах хэрэгтэй байх.

Avatar

Зочин 2018-04-02 124.158.126.145

Odoo huuhdiin huchirhiilel bolhoon bailaa gedeg pop neren dor tsaaziin yaliig sergeej Orosuudad hereggui humuusiig tsaazlah beltgelee hiigeed ehellee. Deer ni erunhiilugchiin zasalglaltai usl bolgoj Orosiin buren hyanaltand oruulah gesen dald sanaag uls oron dayaar yavaj surtalchilj bna. Shanghain niigemlegt oruulj Mongolchuudaar huseegui zuilsiig ni hucheer hiilgej, eldeviin dain dajindaa tatan oruulah, baruunii esreg bolgoh gesen surtal uhuulga hiiseer bna. Mongolchuud ter ayaaraa Americiig uzen yadaj, Putiniig tahin shutej bgaa meteer sanagduulahiin tuld mash olon buleg commentchidoor handalt ihtei buh website, niigmiin suljeegeer negen utga sanaatai communtuudaar duurgej bna. Orosiig, Putiniig shuumjilsen humuusiig Hujaa, danjaataa mantuugaa id gesen negen heviin doromj ugeer buldag bolj.

Avatar

AЯА 2018-04-02 103.229.121.76

Ажилгүйдэл- ядуурал- архидалт АЯА нийгэмийг өвчлүүлсэн бололтой.

Avatar

Debiljilt 2018-04-02 103.229.121.76

Mongold debiljilt gazar avsan bololtoi, adguuslag uzegdel garah bolson ni olon tumnii sanaag zovooh boljee. Erdemted sudlaachiddaa daalgavar uch uchir shaltgaaniig togtoolgoj nen darui arga hemjee avah ni zuitei bolov uu.

Avatar

GEGEERLIIN YAAMtai boloh 2018-04-02 103.229.121.76

HUNEE JINKHENE HUN bolgoh BOLOVSROLIIN TOGTOLTSOOTOI – GEGEERLIIN YAAMTAI bolgoj, alsiig harsan SAIN BODLOGO heregtei bolov uu.Dan gants TSAAZIIN huuliar eruul niigem bui bolohgui baij medne!!!

Avatar

Зочин 2018-04-02 202.131.242.254

Ийм юмаар хөөцөлдөж байгаа Ерөнхийлөгчдөө үнэхээр гутаж байна. Гомдмоор. Дандаа хар бараан, нийгмийг талцуулсан, стресдүүлсэн, бужигнуулсан, хэрүүлч нохдын хооронд яс хаясан зүйл хийх юмдаа. Үүний оронд нийгэмд гэрэл гэгээ асаах, итгэл найдвар төрүүлэх, энэ их уур бухимдлыг зөөлрүүлэх, талцал хуваагдлыг багасгах ажил хиймээр дээ. Улс орны маань номер 1 шүү дээ.

Avatar

Ану 2018-04-02 202.70.34.70

МОНГОЛЫН ҮР ХҮҮХДҮҮД ХҮЧИНДҮҮЛЖ АЛУУЛЖ БАЙХ НЬ ДЭЭДЭСТ ХАМААГҮЙ ДЭЭ. ЦААЗЫН ЯЛЫГ СЭРГЭЭХГҮЙ, ХАРЖ Л БАЙГААРАЙ. НЭГ ИХ АРДЧИЛАЛ, ХҮНИЙ ЭРХ Л ЯРИАНД ӨНГӨРНӨ.

Avatar

zochin 2018-04-02 202.21.111.42

дээр дурдсан тоо буурах биш алга болох ёстой л доо. аль алийг нь хэрэглээд нэмэргүй гэдэг нь харагдаж байна. цаазын ялыг "бага насны хүүхэд" гэдэгтэй холбож сэргээх гээд байгаа юм биш үү. Хүний эрх байлгүй яахав. Хүн төрхтэй адгууслаг хүний эрх гэж хаа ч байхгүй. Аливааг зааглаж ойлгох хэрэгтэй. Хэн нэгнийг хэлмэгдүүлнэ гээд айж байгаа бол манай улс өөрийн бие даасан шүүхээсээ татгалз.

Avatar

АМАНДАА БАЙ Л ДАА. 2018-04-02 202.179.25.174

ЦААЗ СЭРГЭЭНЭ ГЭЖ ШҮДЭЭ ЗУУГААД Л ХӨМСӨГӨӨ ЗАНГИДААД Л СӨӨНГӨТӨӨД БАЙСАН ЧИНЬ БАС Л ШОУ. ИХ ХУРАЛД САНАЛ ОРУУЛАХ ЯМАР ЦААЗ СЭРГЭЭХ ЮМ УУ?

Avatar

Зочин 2018-04-02 202.21.106.103

Саяхан Оросын ТВ-ээр нэвтрүүлэг үзсэн. Тэнд бас цаазын ялгүй болоод бараг 20 жил болж байгаа. Хүнд гэмт хэрэгтнүүдийг бүх насаар нь маш хатуу дэглэмтэй гянданд хорьдог юм байна. 1х2 метер талбатай камерт байнга хорино, нойрын хасна, камераас гарахдаа байнга гавтай нуруугаа бөхийлгөж явна. Хэнтэй ч уулзахгүй. Зардалын гэр бүлээс нт гаргуулдаг гэсэн. Ихэнх хоригдол 5-10 жил болоод өөрсдөө талийдаг гэж байсан. Бүр цаазлаад өгөөч гэж гуйдаг гэсэн. Ер нь бол амьдын там гэж байна лээ. Алахгүйгээр ийм нөхцөлд хорих хэрэгтэй.

Avatar

Зочин 2018-04-02 202.170.72.3

Гэмтэнг дээд зэргээр хашраах гээд байгаа юм бол буудах хажууд нь хамаагүй энэрэнгүй. Ёстой замаг тачигнаад тас хийлээ, үхлээ тэгээд боллоо арай наснаасаа өмнө боловч хэн ч мөнх амьдардаггүй. Харин тэр насаар нь хүнд хөдөлмөрт нухлуулж өөрийнх нь хоолны мөнгө, харгалзагчийн цалинг гаргуулах, эс бөгөөс хөл гар нь тэнийх зайгүй жижиг мүглэн маягийн камерт хийчихвэл ялтан физиологийн хувьд өөрчлөлт ороод хүний сүг болж намайг алаад өгөөч гэж байнга гуйдаг тухай өмнө нь сонсож байсан юм байна. Хүн хашраамаар байгаа бол иймэрхүү юм сэдээ. Үгүй бол ядаж л хохирогч амьд үлдэх боломж ихсэж, олон улсад ч нэр нүүрээ барахгүй, зээл тусламжаа ч авах хаалга нь нээлттэй үлдэх байх.

Avatar

Zochin 2018-04-02 137.186.197.198

Niigem urashaa yavah estoi. Tsaaziin yal sergeehiig demjihgui.Ene bol hen negnii setgel hodloloor shiideh asuudal bish.Bid yahaaraa dandaa setgel hudluloorloo asuudal shiiddeg humuusiig songood bna.

Avatar

ш 2018-04-02 103.229.121.20

Цаазын ялаас өөр нийгэмд тулгамдсан олон асуудлаа эхлээд шийдэж болдоггүй юм уу. Жишээ нь Офшорчид-Баяцогт, Баяр, Эрдэнэтийн 49, 51 хувь, Оюутолгой- Дубайн гэрээ, Хөгжлийн банкны луйвар гм.

Avatar

Зочин 2018-04-02 124.158.126.215

Цаазаар авах бол гэмт хэрэгтэнд амархан гарц. Насаар нь албадан хөдөлмөрлүүлэх хэрэгтэй. Насаараа хохирогчид төлбөр төлөх хэрэгтэй. Хохирогчийн хувьд бол юу ч тэр хүний зовлонг нөхөхгүй.

Avatar

Зочин 2018-04-02 103.57.93.152

Би нэгзүйлийг ойлгодоггүй юм. Энэ бол Ардчилал нэртэй хүний эрхийг хамгаалдаг гэж нийгмийн гол зарчим. Гэмт хэрэгтэн хүний амьд явахыг эрхийг зөрчин хүндэж буудаж алсан хэдий ч шүүх гэмтэнг гэсгээх болохоороо Хүний эрх, Хүний амьд явах эрх энэ тэр гэж мөөрдөг явдал. Тэр а******н хүний амьд явах ганц гол эрхийг хэдийнээ уландаа гишгээд алчихсан байхад шүү. Энэ бол Ардчилал нэртэй Америкийн болон Европын Холбооны улсуудын шүүх засаглалын 100 хувийн алдаатай бодлого. Америкийн хэд хэдэн штатад цаазын ял хэвээрээ шүү дээ. Манайд цаазыг ялыг хэвээр нь байлгах байсан юм. Хүмүүсийн ухамсар амьдрал ахуй арай болоогүй үе шүү дээ. бусдад сайн болж харагдах гэж хичээсэн мулгуу Ерөнхийлөгчийн гажиг бодлого одоо хэрэггүй.

Avatar

Зочин 2018-04-02 64.119.21.35

Яг үнэн.

Avatar

Зочин 2018-04-02 202.9.41.55

Цаазаар авах нь насаар нь хорихоос харин ч амархан, Буудлаа,үхлээ,харин ч зовохгүй амар юм биш үү,Тэрний оронд биеэр нь зовлон гэдгийг амсуулж,тарчилж байгаад үхүүлэх нь хийсэн гэмт хэрэгт нь тохирох байх

Avatar

Зочин 2018-04-02 202.179.27.187

Даалгавар бишээ нийгмийн захиалга

NewsMN Гар утасны хувилбар Татах
NEWS.mn

Мэдээллийн эх сурвалж