Япон харилцаагаа сайжруулна | News.MN

Япон харилцаагаа сайжруулна

Хуучирсан мэдээ: 2018.04.02-нд нийтлэгдсэн

Япон харилцаагаа сайжруулна

Япон харилцаагаа сайжруулна

АНУ–ын үзүүлж буй дарамт шахалтын улмаас Ази–Номхон далайн бүс нутгийн эдийн засгийн салбарт тэргүүлэгч орнууд ОХУ–ын эсрэг дайсагнасан барууны орнуудын ажиллагаанд оролцохгүй байхаар шийдвэрлэжээ. Тухайлбал, БНХАУ, ОХУ–ын харилцаа сайжирснаас хойш Вашингтоны холбоотон Токио нь Москватай харилцаагаа таслахгүй байхыг хичээх болсон байна.

БНХАУ–ААС АЙХ ИХ АЙДАС

Японы БНХАУ руу чиглэсэн байр суурийг удаан хугацаагаар өөрчлөлгүй тууштай хандаж ирсэн хэвээр байна. Энэ нь Японы геополитикийн үр дагавар болон түүний XX зууны түүх нь БНХАУ–тай хутгалдсантай холбоотой юм. Дэлхийн II дайнаас хойш Бээжин, Токио нь нэг нэгэндээ үл итгэх болсон. Мөн ерөнхийлөгч Си Жиньпин, Японы ерөнхий сайд Шинзо Абэ ч хоёр орныг зааглаж тусгаарласан энэ нөхцөл байдлыг засах бодолгүй байсаар байгаа юм. Тэдний хоорондоо хийсэн уулзалт,хурал хуруу дарам цөөхөн. Харин БНХАУ, ОХУ–ын харилцаа жирийн хамтын ажиллагаагаар хязгаарлагдаагүйгээс гадна Японд огтхон ч анхаарал хандуулаагүй аж. Энэ талаар Игорь Гашков “Спутник” сэтгүүлд нийтэлсэн нийтлэлдээ дурдсан байна. Алс Дорнод дахь Япон судлал хүрээлэнгийн төвийн захирал Валерий Кистанов “Хэрэв ОХУ, БНХАУ нь Японы эсрэг нэгдвэл Токиогийн хувьд тэдний хамгийн муу байж болох айдас биелсний баталгаа болно” гэж “Спутник” сэтгүүлд онцлон тэмдэглэжээ. Тэрээр “ Хоёр орны хооронд үүссэн хурцалдмал байдал нь тэдний харилцааг хутгаар огтолж болно. Си ЖиньпинШинзо Абэтэй уулзах талаар сонсох, ярихыг ч хүсэхгүй байна” гэв. Мөн тэд хоорондоо зөвхөн дээд хэмжээний төвшний уулзалтад оролцохоос өөр аргагүй болсон үед л уулзалдана. Түүнээс өөр ямар ч учир шалтгаан байхгүй” гэсэн байна. Валерий Кистанов би хоёр орны хоорондын харилцааг тодорхойлохдоо энэ зүйрлэлийгашиглана. “Япон, БНХАУ–ын харилцаа одоогоор хөлдөөгчинд байна” гэж онцлон тэмдэглэжээ.

Тэрээр барууны орнуудын авсан хориг арга хэмжээ ОХУ, БНХАУ–тай эдийн засгийн хамтын ажиллагааг бэхжүүлэхээс өөр зүйлд хүргэсэнгүй. Тухайлбал, энэ хоёр орон байгалийн хийн салбарт 400 сая ам.доллар зарцуулах гэрээг 2014 онд байгуулж, гарын үсэг зуржээ. Харин Токиод Сибирь, Алс Дорнодоос олборлосон түлшийг БНХАУ– руу ачуулахаа болихыг хэн ч хүсээгүй аж. Ингэснээр Японы ОХУ–д тавьсан хориг арга хэмжээ нь билэг тэмдэг болж үлдсэн гэжээ.

ДЭЛХИЙН ОРНУУДЫН ХАМГИЙН ХӨНГӨН ШИЙТГЭЛ

Япон барууны орнуудын үлгэр жишээг дагахыг хүссэн байна. Тэрээр Крымийн арлаас нийлүүлдэг бараа бүтээгдэхүүний импортыг хязгаарлажээ. Ингэснээр тэр хар жагсаалтад нэр нь орсон ОХУ–ын санхүүгийн хөрөнгийг царцаана хэмээн амласан байна. Гэвч Крым, Японы хоорондын бараа солилцоо бараг байгаагүй бөгөөд оросууд нөөц бараагаа эх орондоо хадгалдаггүйтэй холбоотой ажээ. Мөн Японд ОХУ–тай харилцах харилцаанд хатуу чанга, тууштай хүн дутагджээ. Ялангуяа, Алс дорнодод хоёр орны эдийн засгийн салбар болон Москватай тогтоох харилцааг хөгжүүлэхээр төлөвлөсөн төлөвлөгөөг өөрийн аргаар хийх сайд хэрэгтэй болсон байна. Энэ хүн нь ерөнхий сайд Шинзо Абэ байсан бөгөөд тэрээр 2014 оны өвлийн Сочи олимпод Вашингтоны үгийг хайхралгүйгээр оролцох хэрэгтэй гэж үзсэн. Үүний дараа ОХУ–тай харилцах харилцаандаа Японы баримтлахбайр суурь тодорхой болсон байдаг.

ЯПОНД АРЛЫГ БИТГИЙ ӨГ

Валерий Кистанов “ОХУ-тай тогтоосон найрамдалт харилцаанаасаа гарахгүй гэсэн Шинзо Абэгийн хандлага гурван нөхцөл байдлаас хамаарна” гэв. Энэ БНХАУ-ын үйл ажиллагаанд хязгаарлалт хийхийг оролдох, Хойд Солонгост дарамт шахалт үзүүлэх, Курилын аралтай холбоотой маргааныг шийдвэрлэх гэсэн шалтгаан аж. Япон ОХУ-ыг газар нутгийн холбоотой асуудал дээр буулт хийнэ гэж үзэж байна. Гэвч Токио энэ нь хоёр орны хоорондын харилцааг хөгжүүлэхээр төлөвлөсөн урьдчилсан нөхцөл байдал гэж үзэхгүй байгаа юм. Мөн Валерий Кистанов “Вашингтон Японыг ОХУ-тай харилцах тал дээр тоглоомыг дагахгүй байгаад сэтгэл дундуур байгаагаа илэрхийлсэн. Үүнээс гадна ерөнхийлөгч асан Барак Обама ерөнхий сайд Шинзо Абэд одоо ОХУ-тай уулзалт хийхэд тохиромжтой цаг үе биш гэж хэлсэн байна. Харин Шинзо Абэ “Курилын аралтай холбоотой асуудлыг шийдсэн хүний нэрийг түүхэнд үлдээж магадгүй гэж найдаж байна” гэж хариулсныг Валерий Кистанов санууллаа. Ерөнхий сайд Шинзо Абэ төлөвлөгөө хэрэгжүүлэхийн тулд Японд ирэх дарамт шахалт тэвчихэд бэлэн байна. Мөн Япон их долоогийн бүлэгт багтдаг бусад орнуудаас ялгаатай нь одоогоор тагнуулч асан Сергей Скрипальтай холбоотой асуудлаар ОХУ-ын гадаад албаны ажилтнуудыг газар нутгаасаа албадан гаргах шийдвэр гаргаагүй байна гэж Валерий Кистанов хэллээ.

Эх сурвалж: “Зууны мэдээ” сонин

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-04-02 202.170.72.3

Япончууд хятадаас айхгүй л дээ бүх талаараа. Эдийн засгийн чадавх, хүн ам, техник, технологийн үндэстний характер нтр гээд. Түүхээс харвал харин ч хятадыг байтугай оросыг ч буулгаж авч байсан. Хүчирхэг АНУ ч гэсэн 2-р дайны үед Номхон далайд байлдаан бүрт асар их хохирол амсаж байсан болохоор Солонгосын хойгоор тохиролцоо хийж оросуудыг дайнд татан оролцуулж арайхийн амжилт олж эхэлсэн байдаг. Худлаа дүгнэлтүүдийг сэтгүүлч хийгээд байна уу, оросууд гаргаад байна уу.

Avatar

Chi geopolitik oilogdogui hvn bna 2018-04-02 202.55.191.42

Hyataduud yponiig ediin zasagiin hubid ali hediin gvitsen deer ni tsomiin zebseg tei tom armitai bol yponuud ooriin armi baihgui zvgeer l ooriigoo hamgaalah hvchin nertei armitai. Amerikiin tseregiin baaziig nutagdaa baiguulsan.amerik tai batlan hamgaalah gereetei sh dee. Hyatadiin svr hvch odor bvr osoj yponiig ard tvmenerei vzen ydaj bgaa yponiig ailgaj bna.ypon uls jijeghen araliin uls tul dain bolbol hvn hvchinii asar ih hohirol vzeh magadgui dee.

NewsMN Гар утасны хувилбар Татах
NEWS.mn

Мэдээллийн эх сурвалж