Зүүн Азийн хөлбөмбөгийн АШТ Монголд болно | News.MN

Зүүн Азийн хөлбөмбөгийн АШТ Монголд болно

Хуучирсан мэдээ: 2018.04.02-нд нийтлэгдсэн

Зүүн Азийн хөлбөмбөгийн АШТ Монголд болно

Зүүн Азийн хөлбөмбөгийн АШТ Монголд болно

БНСУ-ын Пусан хотод Зүүн Азийн хөлбөмбөгийн холбооны есдүгээр конгресс болон Гүйцэтгэх хорооны 55, 56 дахь их хурал өнгөрөгч гуравдугаар сарын 30-ны өдөр боллоо. Хуралд Монголын хөлбөмбөгийн холбооны Ерөнхийлөгч А.Ганбаатар, Ерөнхий нарийн бичгийн дарга Ө.Шижир нар оролцсон байна.

Зүүн Азийн хөлбөмбөгийн холбоо цаашид бүс нутгийн нягт хамтын ажиллагаа, хөгжилд ихээхэн анхаарч ажиллахаар санал нэгдэж, үүнд чухал ач холбогдолтой E 1 буюу бүсийн аварга шалгаруулах тэмцээн, өсвөрийн U15 насны тэмцээнүүдийн энэ оны хуваарийг баталжээ.

Энэ үеэр бүсийн аварга шалгаруулах тэмцээнийг Монгол Улсад зохион байгуулах саналыг хэлэлцсэн. Ингээд Монгол Улс олонхийн санал авснаар бүсийн аварга шалгаруулах тэмцээний нэгдүгээр шатны тоглолтуудыг зохион байгуулахаар болсон юм. Энэхүү тэмцээн ирэх есдүгээр сард Улаанбаатар хотод зохион байгуулагдахаар болж, Монголын хөлбөмбөг сонирхогчид Ази тив, бүс нутгийн хөлбөмбөгийн өрсөлдөөнийг харах томоохон боломж нээгдлээ. Уг тэмцээнд хэчнээн орон оролцох зэрэг дэлгэрэнгүй мэдээлэл удахгүй гарах аж.

МХБХ-ны Ерөнхийлөгч А.Ганбаатар Зүүн Азийн хөлбөмбөгийн холбооны Удирдах зөвлөлийн гишүүнээр улиран сонгогджээ. Мөн энэхүү хурлаар Зүүн Азийн ХБХ-ны Ерөнхийлөгчийн сонгууль болж, БНСУ-ын хөлбөмбөгийн холбооны ероөнхийлөгч Мон Гю Чун сонгогдон ажиллахаар болсон байна. Тэрбээр 2018-2020 онд Зүүн Азийн хөлбөмбөгийг тэргүүлэн ажиллах юм.

 

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Чук 2018-04-02 112.72.11.105

Одоо эрхбиш энэ 3 г нухах байлгүй дэ. Герман дасгалжуулагчтай бас саяхан дажгүй тоглосон.. 9сард нутагтаа эднийг хожиж чадахгүй бол тэгээд болий дөө. Хөлбөмбөгийн талбайд нь чаддагаараа сайхан барилдаж байя тэр нь амар. Тэнд бөхийн ордон барьчих.

Avatar

Зочин 2018-04-02 103.10.23.5

Монгол, Гуам, Макао, Марианна арал 3ыг яаж ийж байгаад хожих хэрэгтэй. Амжилт хүсье. Сайн бэлдээрэй

Avatar

khuyag 2018-04-02 202.131.243.190

Монгол зохион байгуулагч орны хувиар шууд оролцох эрх авна. Маш сайн байна. Одоо цэнгэлдэхээ янзлах хэрэгтэй байна.

Avatar

Зочин 2018-04-02 202.21.106.103

Зүүн Азийн АШТ-ийн эхний шат гэхээр Монгол, Гуам, Макао, Марианна арал гэсэн 4 улс хоорондоо үзнэ. Эндээс түрүүлсэн нь 1 сарын дараа Хойд Солонгос, Тайван, Хонконгтой шатарчилж тоглоод түрүүлсэн нь оны сүүлээр Япон, Өмнөд Солонгос, Хятадын багуудтай тулгарна

Avatar

Od 2018-04-02 27.123.212.134

Sain bn. Хөлбөмбөгийн клубуудээ сайн дэмжих хэрэгтэй бна. Улсаас клубын 3 дасгалжууланчын цалин зал талбай хувцас дэмжлэг өгдөг болох хэрэгтэй бна, бодлогоор дэмжих зөвөө, амжилт сайн баг дасгалжуулагчид зэрэглэл олгож нэмүү цалин өгөх хэрэгтэй штээ. Эргээд улсад ашгаа 10 жилийн дараачаас өгөөд эхэлнэ. Алсыгхарах хэрэгтэй бнаа, солонгосууд өндөр цалинтай англи европд тоглоод удаж бна.

Avatar

Od 2018-04-02 27.123.212.134

Sain bn. Хөлбөмбөгийн клубуудээ сайн дэмжих хэрэгтэй бна. Улсаас клубын 3 дасгалжууланчын цалин зал талбай хувцас дэмжлэг өгдөг болох хэрэгтэй бна, бодлогоор дэмжих зөвөө, амжилт сайн баг дасгалжуулагчид зэрэглэл олгож нэмүү цалин өгөх хэрэгтэй штээ. Эргээд улсад ашгаа 10 жилийн дараачаас өгөөд эхэлнэ. Алсыгхарах хэрэгтэй бнаа, солонгосууд өндөр цалинтай англи европд тоглоод удаж бна.

NewsMN Гар утасны хувилбар Татах
NEWS.mn

Мэдээллийн эх сурвалж