Нийгмийн даатгалыг өвлүүлэх боломжгүй | News.MN

Нийгмийн даатгалыг өвлүүлэх боломжгүй

Хуучирсан мэдээ: 2018.03.29-нд нийтлэгдсэн

Нийгмийн даатгалыг өвлүүлэх боломжгүй

Нийгмийн даатгалыг өвлүүлэх боломжгүй

Нийгмийн даатгалын ерөнхий газрын дэд дарга Г.Сарантай ярилцаа.

– Монгол Улсад хэчнээн хүн нийгмийн даатгал төлж байна вэ?

– Албан журам болон сайн дурын даатгалтай нийлээд нэг сая гаруй хүн нийгмийн даатгал төлж байна. Сүүлийн үед сайн дурын даатгуулагчдын тоо өсөж байгаа ч малчдын нийгмийн даатгалд хамрагдалт багасч байгаа.

– Нийгмийн даатгалын сан жилд хэдэн төгрөг төвлөрүүлж байна вэ. Мөн зарлага нь хэд байдаг вэ?

– Нийгмийн даатгалын ерөнхий газар жилд 1.5 тэрбум төгрөгийн орлого цуглуулж, 1.9 тэрбум төгрөгийн зарлага гаргадаг. Нийгмийн даатгалын 30 гаруй төрлийн тэтгэвэр, тэтгэмжийг нийгмийн даатгалын сангаас олгодог нь зарлагад тооцогдож байгаа. Өнгөрсөн жил давхардсан тоогоор 6000 орчим хүнд нийгэм, эрүүл мэндийн даатгалын тусламж үйлчилгээ үзүүлсэн.

– ОУВС-гийн хүрээнд нийгмийн даатгалын шимтгэл нэмэгдсэн. Нийгмийн даатгалын шимтгэлийг нэмснээр аж ахуйн нэгжид хүндрэлтэй биш үү?

– Нийгмийн даатгалыг даатгуулагч, ажил олгогчоос авах шимтгэл гэж тооцдог. Энэ жилийн хувьд даатгуулагчаас авах шимтгэлийн хэмжээ нэг хувиар нэмэгдсэн. Нийгмийн даатгалын шимтгэл нэмэгдэхийг би эергээр хардаг. Тэтгэврээ хэдээр тогтоолгох нь тухайн хүний цалингаас шууд шалтгаалдаг. Тиймээс нийгмийн даатгалын шимтгэлийг ирээдүйн хөрөнгө оруулалт гэж ойлгох хэрэгтэй. Нийгмийн даатгалын шимтгэл нэг хувь нэмэгдэж байгаа нь тухайн хүнд эргээд хөрөнгө оруулалт болон очно.

 

– Нийгмийн даатгал төлөлтийг өвлүүлж болдоггүй юм уу?

– Өвлүүлэх асуудал одоогоор манайд байхгүй. Гэхдээ тодорхой хэмжээгээр өвлөгддөг гэж хэлэхэд буруудахгүй. Тухайлбал, 19 нас хүрээгүй иргэн хууль ёсны асран хамгаалагчаа алдсан бол тэжээгчээ алдсаны тэтгэмж авдаг. Нийгмийн даатгал нь эхийн хэвлийд бүрэлдээд, ертөнцийн мөнх бусыг үзэхэд эргээд үр хүүхдэд зарцуулагддаг ийм л тогтолцоо.

Р.РЕНЧИНДУЛАМ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-29 124.158.109.140

Хэрэв өвлүүлдэг болвол шунал нүүрлэсэн энэ нийгэмд хэн нэг нь зальтай юмтай үгсэн хуйвалдаад нөгөөдөхөө нудраад байх болно шүү дээ… Ялангуяа өндөр тэтгэвэртэй бол төдий чинээ эрсдэлтэй гэсэн үг.

Avatar

Зочин 2018-03-29 202.55.180.182

Тэтгэвэр, Тэтгэмж хоёрыг салгаж болдоггүй юм уу? Тэтгэмжийг нь улс хариуцаад, тэтгэвэрийг нь Тэтгэвэрийн банк байгуулж мөнгийг нь өсгөж өгөөд тэтгэвэрийн насанд хүрхэд нь даатгуулагч өөрсдөө зарцуулах эрхтэй болмоор юм. Яг л банк-нд мөнгөө хадглуулж байгаа юм шиг. Улс-д ч амар санаа зоволтгүй ажилаа хийцгээгэээд. Тэгэхгүй болхоор сонгуулиар тэтгэвэр нэмнэ гэж худлаа амалцгаагаад байх юм.

Avatar

Зочин 2018-03-29 27.123.212.134

Yamr ainii avgai ve.Er umuu em umu

Avatar

Дорж 2018-03-29 182.160.35.51

Тасралтгүй 7жилээр тэтгэвэрийн дундажииг тогтоохоор оруулсан төслөө татаж аваач. Иргэдийг яаж хохироох тухай л бодож байдгаа болимоор юм.Хэрэв татахгүй бол тэмцэнэ шүү

Avatar

Зочин 2018-03-29 27.123.212.134

Demjij bna

NewsMN Гар утасны хувилбар Татах
NEWS.mn

Мэдээллийн эх сурвалж