Хөдөө аж ахуйн салбарыг хөгжүүлэхэд төр, хувийн хэвшил хүчээ нэгтгэнэ | News.MN

Хөдөө аж ахуйн салбарыг хөгжүүлэхэд төр, хувийн хэвшил хүчээ нэгтгэнэ

Хуучирсан мэдээ: 2018.03.29-нд нийтлэгдсэн

Хөдөө аж ахуйн салбарыг хөгжүүлэхэд төр, хувийн хэвшил хүчээ нэгтгэнэ

Хөдөө аж ахуйн салбарыг хөгжүүлэхэд төр, хувийн хэвшил хүчээ нэгтгэнэ

Төр, хувийн хэвшлийн зөвлөлдөх уулзалт (2018.03.28) Төрийн ордонд боллоо. Монголын эдийн засгийн чуулганы эхний шат болох энэ уулзалтаар Засгийн газар “Гурван тулгуурт хөгжлийн бодлого”, “Татварын хуулийн шинэчлэл” зэрэг хөгжлийн бодлого, шийдвэр, цаашдын чиг хандлага, хэрэгжүүлэхээр төлөвлөсөн ажлаа танилцуулсан юм. Зөвлөлдөх уулзалтын хүрээнд таван салбар хуралдаан болсноос ХХААХҮЯ-наас “Тогтвортой хөдөө аж ахуй, хөгжлийн тулгуур” сэдвээр салбар хуралдаан зохион байгууллаа.

Тус хуралдаанд төрийн болон төрийн бус байгууллага, их дээд сургууль, эрдэм шинжилгээний байгууллага, эрдэмтэн судлаачид, мэргэжлийн холбоод, гарааны компани, үйлдвэрлэл эрхлэгчдийн төлөөлөл бүхий нийт 160 гаруй төлөөлөгчид оролцсон. Салбар хуралдаанд оролцогчид хүнс, хөдөө аж ахуйн салбарын өнөөгийн байдал, тулгамдаж буй асуудал, цаашдын хамтын хөгжлийн талаар хэлэлцэн, санал бодлоо солилцлоо.  

Ийнхүү хүнс, хөдөө аж ахуйн салбарт мэдлэгт суурилсан, импортыг орлох экспортын чиг баримжаатай бүтээгдэхүүн үйлдвэрлэлийг нэмэгдүүлэх, улмаар Монгол Улсын эдийн засагт хувь нэмэр оруулах зорилгоор дараах Зөвлөмжийг гаргалаа.

“Эдийн засгийн чуулган-2018”

“Тогтвортой хөдөө аж ахуй, хөгжлийн тулгуур”

салбар хуралдааны дүгнэлт, зөвлөмж

  1. Уламжлалт бэлчээрийн мал аж ахуйг зонхилон эрхэлж, суурин газар орчмын болон тариалангийн бүс нутагт ашиг шимийн чиглэлээр төрөлжсөн эрчимжсэн аж ахуйг хөгжүүлэх;
  2. Уур амьсгалын эрсдэлийг бууруулах, дэвшилтэт технологид суурилсан тариалангийн үйлдвэрлэлийг нэмэгдүүлэх, нэгжээс авах ургацын хэмжээг нэмэгдүүлэх замаар бүтээмж өндөр салбар болгон хөгжүүлэх;
  3. Газар тариалангийн бүс нутгийн заагийг тодорхой болгох асуудлыг шийдвэрлэх
  4. Хөдөө аж ахуйн гаралтай түүхий эд бэлтгэлийн нэгдсэн тогтолцоог сэргээн шинэчлэн бүрдүүлэх,
  5. Хөдөө аж ахуйн гаралтай түүхий эдийг уламжлалт болон дэвшилтэт технологиор боловсруулж, хүнсний бүтээгдэхүүний аюулгүй байдлыг хангасан шим тэжээллэг, баталгаатай хүнсээр хүн амыг тогтвортой хангах;
  6. Хөдөө аж ахуйн үйлдвэрлэлийг шинжлэх ухааны үндэслэлтэй, мэдлэгт суурилсан тогтвортой хөгжлийн чиг баримжаатай хөгжүүлэх, инновацийг нэвтрүүлэх, бүтээмжийг нэмэгдүүлэх;
  7. Хөдөө аж ахуйн салбарт ажиллах хүний нөөцийг хөдөлмөрийн зах зээлийн эрэлтэд нийцүүлэн бэлтгэх, чадавхжуулах, тогтвор суурьшилтай ажиллах боломжийг хувийн хэвшлийнхэнтэй хамтран бүрдүүлэх;
  8. Салбарын нэгдсэн удирдлагын тогтолцоог шинэчлэн бүрдүүлэх, салбарын их дээд сургууль, эрдэм шинжилгээний байгууллагуудыг салбарын яам харьяандаа авах асуудлыг шийдвэрлэх;
  9. Шинжлэх ухаан, үйлдвэрлэлийн холбоог бэхжүүлэх, хамтын ажиллагааг нягтшуулах, гарааны компаниуд бойжих, хөгжих, тогтворжих үйл ажиллагаанд эрхзүйн болон бусад дэмжлэг үзүүлэх;
  10. Гадаад худалдааг нэмэгдүүлэх, гаалийн татвар хураамжийн төлөлтийг цахим хэлбэрт шилжүүлэх, гадаад, дотоодын хил, гаалийн байгууллага, хувь хүн хооронд мэдээлэл шууд солилцох боломжийг бүрдүүлэх зорилгоор цахим нэг цонхны систем хэрэгжүүлэх;
  11. Үндэсний үйлдвэрлэгчдийг тарифын болон тарифын бус хөнгөлөлтийн зохицуулалтаар дэмжих
  12. Хөдөө аж ахуйн салбараас гарч байгаа нэмүү өртөг шингэсэн бүтээгдэхүүнийг ижил төстэй импортын бүтээгдэхүүний зах зээлээс хамгаалах, үүний тулд  Үндэсний үйлдвэрлэгчдийг татвар, хууль эрхзүйн орчны зохицуулалтаар хамгаалах;
  13. Хөдөө аж ахуйн гаралтай бүтээгдэхүүний экспортод эзлэх хувь хэмжээг нэмэгдүүлэх үүний тулд бусад улс орнуудтай гааль, чөлөөт худалдааны таатай орчинг бүрдүүлж өгөхөд хамтран ажиллах;
  14. Эцэст нь Хүнс, хөдөө аж ахуй, хөнгөн үйлдвэрийн салбарыг хөгжүүлэхэд Монгол хүн бүрийн оролцоо маш чухал, тиймээс ИРГЭН БҮР ЭХ ОРОНЧ  сэтгэлгээгээр Үндэсний үйлдвэрлэгчдээ ХҮЧЭЭ НЭГТГЭН дэмжицгээхийг уриалж байна.

САЛБАР ХУРАЛДААНД ОРОЛЦОГЧИД

Эх сурвалж: ХХААХҮЯам

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-29 103.26.194.1

Зөвлөлгөөнд оролцогчдыг харж байхад ХАА-н салбарыг булшилсан нөхөд байх юм.

Avatar

Ганхуяг 2018-03-29 66.181.189.124

Энэ хурал зөвлөгөөнд яаж оролцдог юм бэ.

Avatar

Burmaa 2018-03-29 66.181.161.25

Zuw zuitei gej vzej bna huduu aj ahuin salbarig hugjvvlmeer bna

Avatar

Зочин 2018-03-29 202.70.44.116

Хүрэлсүх Монгол хүнсний орон болох ёстой гэж маш зөв хэлсэн шүү. Үнэхээр ерөнхий сайдын амнаас гарах үг дээ.

Avatar

Bankhar Batzorig 2018-03-29 180.149.65.2

Энэ нөхөр эхлээд эх орноо гэсэн сэтгэлтэй болох хэрэгтэй. Яаж мөнгө цохих вэ л гэж арга саам хайж явпаг нөхөр байгаа юм. Банхар Батзоригоо гэж …

Avatar

Зочин 2018-03-29 202.9.41.118

Сум орон нутгийн малчдын хэрэгцээн дээр суурилж, жинхэнэ утгаараа хорших хамтрах үйл явцыг төрөөс бодлоготойгоор дэмжиж босгох, тэгж босгосон хоршооны бүтцэд түшиглэн түүхий эдийн нэгдсэн тогтолцоог буй болгох нь өнөөгийн чэнж системээс агуулга ач холбогдлын хувьд шал өөр зүйл шүү. Бид зорилго тавьж зорилт дэвшүүлэхийн өмнө хэрэгжүүлэх арга замаа л сайтар тунгаан бодсон байх учиртай. Тэгж чадсан бол үр дүн гарна. Чадаагүй бол хоосон лоозон болно шүү. Гэхдээ үргүй зардал зөндөө гарчихсан л байх болов уу?

Avatar

зочин 2018-03-29 64.119.26.96

Хөдөө аж ахуйгаа хөгжүүлье гэж бодож байгаа бол уул уурхайн лиценз энэ тэрдээ маш анхаарал болгоомжтой аль хэсэгт олгох аль хэсгийг олгохгүй ХАА хөгжүүлэх бүс нутагаа тодорхойлоод хэн бэ гуай ч гарсан оролдохгүй байдлаар хийх хэрэгтэй. Алдаагаа олж харсан бол баярлаж байна Монгол улс ХАА -даа анхаарч байж хөгжинө буянт малын дэлэн дээшээ гэж үгтэй.Ажлын амжилт хүсэн ерөөе сэтгэл байхад болохгүй зүйл гэж нэгэхээн ч үгүй.

Avatar

Зочин 2018-03-29 78.54.82.53

Өөрсдөдөө мөнгө унагаах талаар мэргэжлийн болсон нөхдүүд мөн дөө.

Avatar

Zochin 2018-03-29 27.123.214.102

Gadnaas orj irrj baigaa hunsni buteegdehuund hizgaarlalt tabij dotooddoo uildverlesen buteegdhuuniig heregleh.uund tur zasag anhaaraldaa avahgui bol tsuuhun mongolchuud maani havdar geech aimshigt tahal gazar avlaa.

NewsMN Гар утасны хувилбар Татах
NEWS.mn

Мэдээллийн эх сурвалж