Томуугийн өвчлөл нэмэгджээ | News.MN

Томуугийн өвчлөл нэмэгджээ

Хуучирсан мэдээ: 2018.03.28-нд нийтлэгдсэн

Томуугийн өвчлөл нэмэгджээ

Томуугийн өвчлөл нэмэгджээ

Нийслэлийн хэмжээнд энэ сарын 26-ны байдлаар, амбулаторийн 74.079 үзлэг хийгдсэнээс томуу, томуу төст өвчтэй 2921 тохиолдол оношлогджээ. Энэ нь нийт үзлэгийн 3.9 хувийг эзэлж байгаа бөгөөд өнгөрсөн 7 хоногийн дундаж түвшнээс 0.1 хувь, өнгөрсөн оны мөн үеэс 0.4 хувиар тус, тус их байна.

Нийт өвчлөгсдийн 35.9 хувийг 0-1 нас, 30.7 хувийг 2-4 нас, 19.0 хувийг 5-9 насны хүүхдүүд эзэлж байгаа юм. Хүүхдийн түргэн тусламжийн 1155 дуудлага ирснээс 30.0 хувь нь томуу, томуу төст өвчний тусламж, үйлчилгээг авчээ.

Нийслэлийн эмнэлгүүдийн хувьд энэ сарын 27-ны байдлаар, 2134 орон дээр 2372 хүн хэвтэн эмчлүүлж байгаа бөгөөд нийт орны ачаалал 11.2 хувь, хүүхдийн орны ачаалал 34.6 хувиар тус, тус нэмэгдсэн байна. Шинээр хэвтсэн өвчтөний 223 буюу 40.0 хувийг нь томуу, томуу төст өвчтэй өвчтөнүүд эзэлж байгаа аж.

Томуу, томуу төст өвчин буюу амьсгалын замын цочмог халдварын үед эцэг эхчүүд бага насны хүүхдэдээ тавих анхаарал халамжаа сайжруулж, илчлэг сайтай хоол ундаар дархлааг нь дэмжих, дулаан хувцаслах, олон нийтийн газраар дагуулж явахгүй байх, амны хаалт тогтмол зүүлгэх хэвших, өвчилсөн тохиолдолд дур мэдэн эмчлэхгүй байх, ариун цэврийн дэглэм сайтар сахиж, шаардлагатай тохиолдолд эмнэлгийн байгууллагад хандахыг Нийслэлийн эрүүл мэндийн газраас зөвлөж байна.

НИЙСЛЭЛИЙН ЭРҮҮЛ МЭНДИЙН ГАЗАР

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-28 66.181.184.124

нийслэлийн эрүүл мэндийн газар гэж бөөн шахааны хүмүүсээр дүүүрсэн дээ

Avatar

Зочин 2018-03-28 103.9.89.194

niisleliin emnelguudiig sain udirdlagatai bolgooch

Avatar

эмч 2018-03-28 27.123.215.222

хүүхдийг асарч байгаа эцэг эхчүүд асран хамгаалагч нарын эрүүл мэндийн боловсрол хүүхдийн ханиад томуугаас сэргийлэр эхний шинж тэмдэг илэрсэн үед гэртээ ямар арга хэмжээ авах бага насны хүүхдийг чийрэгжүүлэх тухай мэдлэг хандлага муу байна. Энэ чиглэлээр ядаж хүүхдийн өвчний цогц менежментээр эцэг эхийн сургалт хийгдэхээ больж. Эрүүл мэндийнхэн чгэсэн үүнд ач холбогдол өгч сургалт зөвлөгөөнөө идэвхижүүлэх хэрэгтэй. Төр засаг чгэсэн ханиадаар реклам хийж ингэж ор эмнэлэг нэмлээ гэж маш их үргүй зардал үрж байхаар урьдчилан сэргийлэх арга хэмжээг нь дэмжмээр юм. Намжсан улс төр хүртэл хүүхдийн эрүүл мэндэд сөрөг нөлөөлж байгаа шүү энгийн арга уламжлалт арга гэж байдагдаа эцэг эхчүүд ч гэсэн эмнэлгийн орчин ямар байдгийг мэдэрч хүүхдүүдээ аль болох эмнэлэгт очуулахгүйгээр сэргийлдэг чийрэгжүүлдэг, энгийн уламжлалт аргаар эмчилж сувилж сурах хэрэгтэй туршлагатай хөгшчүүд нь залуучуудад заагаач жор мэдэхгүй эмчээс зовлон үзсэн чавганц гэдэгдээ

NewsMN Гар утасны хувилбар Татах
NEWS.mn

Мэдээллийн эх сурвалж