“Гэмтэл согог судлалын үндэсний төвд хөл нь хугарсан хүүхэд ирж хэвтлээ” гэсэн дуудлага өнгөрөгч хоногт цагдаагийн байгууллагад иржээ. Хэргийг тодруулбал, Баянзүрх дүүргийн арванхоёрдугаар хороонд оршин суух хаягтай дөрвөн настай Н гэх хүүг төрсөн эцэг 27 настай Б зодож биед нь гэмтэл учруулсныг Баянзүрх дүүрэг дэх цагдаагийн гуравдугаар хэлтэст шалгаж байгаа аж. Мөн архидан согтуурсан үедээ эхнэрээ зодсон 29 настай, эрэгтэй Т-д холбогдох асуудлыг Хан-Уул дүүрэг дэх цагдаагийн хоёрдугаар хэлтэст, 73 настай ээжийгээ хэл амаар доромжлон, дарамталж гэр бүлийн хүчирхийлэл үйлдсэн 47 настай, эмэгтэй Т-г Чингэлтэй дүүрэг дэх цагдаагийн нэгдүгээр хэлтэст шалгаж байгаа аж. Өнгөрөгч хоногт ирсэн цагдаагийн байгууллагад гэр бүлийн хүчирхийллийн холбоотой нийтдээ 169 мэдээллийг ирсэн байна.

Э.Бурам