Монголын нам бус иргэдийн нэгдсэн холбооноос улс төрийн намуудын хатуу гишүүнчлэлийг татан буулгах шаардлагыг Ерөнхийлөгч, УИХ-ын гишүүдэд хүргүүлж буй талаар мэдээлэл хийлээ. Хаврын чуулганаар улс төрийн тухай намын хуульд өөрчлөлт оруулж, намын хатуу гишүүнчлэлийг үгүй хийх шаардлагыг тус холбооноос тавьж байгаа бөгөөд  “Албан тушаал хатуу гишүүнчлэлийн дор эвлэлдэн нэгдэж Монгол Улсыг үгүй хийх гэж байгаа энэ байдлыг таслан зогсоохын төлөө Нам бус иргэдийн нэгдсэн холбоо 2011 оноос хойш зүтгэсэн. Тодорхой албан бичгүүдийг албаны хүмүүст хүргүүлж байсан. Тэд ямар ч хариу өгөөгүй.  Харин одоо бол бүх намуудыг татан буулгая. Гурван сая хүн амтай улсад 30 нам байх шаардлага байхгүй’ гэж Монголын нам бус иргэдийн нэгдсэн холбооны ерөнхий нарийн бичгийн дарга А.Эрдэнэбаяр хэлсэн юм.