Хотын хог хаягдлын менежментийг сайжруулахад ШУА хамтран ажиллана | News.MN

Хотын хог хаягдлын менежментийг сайжруулахад ШУА хамтран ажиллана

Хуучирсан мэдээ: 2018.03.28-нд нийтлэгдсэн

Хотын хог хаягдлын менежментийг сайжруулахад ШУА хамтран ажиллана

Хотын хог хаягдлын менежментийг сайжруулахад ШУА хамтран ажиллана

Улаанбаатар хотын хог хаягдлыг сэргээн ашиглан цахилгаан станц байгуулах асуудлаар БНХАУ-ын “Чайна Тиан Ин” компанийн төлөөлөл гуравдугаар сарын эхээр Монгол улсад ажиллах үеэрээ Шинжлэх ухааны академид зочилж, өөрийн технологио монгол эрдэмтдэд танилцуулж, санал солилцож байсан.

Тэгвэл тус компанийн урилгаар  Шинжлэх ухааны академийн ерөнхийлөгч Д.Рэгдэл зарим судлаач эрдэмтдийнхээ хамтаар  энэ сарын 19-23-ны өдрүүдэд  БНХАУ-д айчлаад иржээ.  Энэ үеэрээ  ШУА-ийн ерөнхийлөгч Д.Рэгдэл, БНХАУ-ын “Чайна Тиан Ин” компанийн  ерөнхий захирал Цао Дэвяо нар хамтран ажиллах санамж бичигт гарын үсэг зурсан байна.

Санамж бичгийн хүрээнд  Улаанбаатар хотын ахуйн хог хаягдлын өнөөгийн хэмжээ, бүтэц, тархалт, ойрын жилүүдийн чиг хандлагыг судлан тогтоож, орчны бохирдолд хог хаягдлаас үзүүлэх нөлөөлөлд үнэлгээ хийх, хог хаягдлын менежментийг боловсронгуй болгоход инноваци нэвтрүүлэх зэрэг ажлыг хамтран хэрэгжүүлэхээр болсон байна.

Энэ үеэр хөндөгдсөн нэг  чухал асуудал бол Улаанбаатар хотын цэвэрлэх байгууламжийн  лагийг тус компанийн шатаах технологиор устгах боломжтой гэж үзсэн явдал. Тодруулбал, ASEM-ийн  чуулганы үеэр цэвэрлэх байгууламжийн үнэрийг ШУА-ийн ХХТХ-ийн боловсруулсан бүтээгдэхүүнээр нь дарж байсан нь зөвхөн түр зуурын арга хэмжээ байсан. Цэвэрлэх байгууламжийн лагаас хүхэрлэг хий ялгардаг учраас хүний эрүүл мэнд байгаль орчинд хортой бөгөөд одоо хуримтлагдчихаад  байгаа 200 гаруй тонн лагийг “Чайна Тиан Ин” компанийн шатаах  технологиор устгах  бүрэн боломжтой гэж 2 талын судлаачид үзжээ.  Мөн хог хаягдлыг дахин сэргээж, эрчим хүч үйлдвэрлэдэг үйлдвэр нь Улаанбаатар хотын хог хаягдлын менежментийг сайжруулаад зогсохгүй олон жилийн туршид тулгамдсан асуудал болоод байгаа агаарын бохирдол, цаашлаад ус, хөрс, орчны бохирдлыг бууруулж, сэргээгдэх эрчим хүчийг дэмжсэн олон талын ач холбогдолтой чухал төсөл болохыг  онцлов.

БНХАУ  XIII-р 5 жилд  хог хаягдлынхаа  50 хувь, зүүн өмнөд бүсдээ 60 хувийг нь шатааж эрчим хүч үйлдвэрлэх зорилт дэвшүүлсэн юм байна. “Чайна Тиан Ин”  компанийн технологи нь энэхүү зорилтод бүрэн нийцдэг, Хятад улсын болон олон улсын байгаль орчны шаардлага, стандартуудыг өндөр түвшинд ханган ажилладаг төдийгүй дотоодын  болон бусад орнуудад 40 гаруй төсөл хэрэгжүүлсэн туршлагатай компани юм байна.

ШУА-ийн ерөнхийлөгч Д.Рэгдэл айлчлалынхаа хүрээнд  Монгол улсаас БНХАУ-д суугаа Элчин сайд Д.Ганхуягтай  уулзаж  “Чайна Тиан Ин” компанийн хог хаягдал боловсруулдаг үйлдвэрүүд, судалгааны хүрээлэн, Улаанбаатар хотын утаа, агаарын бохирдол, хог хаягдал, цэвэрлэх байгууламжийн талаар санал солилцсон юм.

Б.БАТ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-28 66.181.189.191

ONDOR TEHNOLOGIIIN YU BILEEDEE

Avatar

Зочин 2018-03-28 66.181.187.193

Хятадын далбаан дор манай ШУА-ийн нэрээ гаргаж болох ганц ажил бол "хог хаягдал" мөнөөс мөн дөө:

NewsMN Гар утасны хувилбар Татах
NEWS.mn

Мэдээллийн эх сурвалж