БНСУ-д болсон “Пёнчан 2018” өвлийн олимпийн XXIII наадамд ажилласан гэрэл зурагчин Ч.Ганбат, Э.Харцага нар өчигдөр “Blue Mon Center”ийн Norphei Art Gallery-д үзэсгэлэнгээ нээлээ.

“Өвлийн XXIII ОЛИМПИЙН НААДАМ” гэрэл зургийн үзэсгэлэнд олимпийн наадмын торгон агшин, сэтгэл хөдлөм мөч, ялалт, ялагдлыг харуулсан фото зургууд дэлгэгджээ. Нийт 200 гаруй өвлийн олимпийн наадмын агшинг багтаасан зураг багтсан байна.

Үзэсгэлэн ирэх дөрөвдүгээр сарын 11-ий өдрийг хүртэл үргэлжилнэ.