Хятадын юань ноён долларын ноёрхолд цэг тавихаар зэхэж байна | News.MN

Хятадын юань ноён долларын ноёрхолд цэг тавихаар зэхэж байна

Хуучирсан мэдээ: 2018.03.27-нд нийтлэгдсэн

Хятадын юань ноён долларын ноёрхолд цэг тавихаар зэхэж байна

Хятадын юань ноён долларын ноёрхолд цэг тавихаар зэхэж байна

Хятад Улс Шанхайн олон улсын эрчим хүчний бирж дээр удаан хүлээсний эцэст юаниар газрын тосны гэрээт худалдаа хийлээ. Дэлхийн газрын тосны хамгийн том хэрэглэгч Хятад Улс Брент болон WTI маркийн түүхий нефть болон АНУ-ын мөнгөн тэмдэгттэй өрсөлдөх эхний алхмаа хийж буй нь энэ юм.

Хятадын өдөр тутмын “The South China Morning Post”-д мэдээлснээр ирэх есдүгээр сард нийлүүлэх нөхцөлтэйгээр нэг баррель газрын тос худалдах ханш Шанхайн олон улсын эрчим хүчний бирж дээр 440.20 юань (69.70 ам.доллар)-аас эхэлжээ. Одоогийн байдлаар 18,540 арилжаа хийгдсэн байна.

Хятадын удаан хүлээсэн энэ алхмын ачаар Брент маркийн түүхий нефтийн үнэ дэлхийн зах зээл дээр 2015 оноос хойш анх удаа нэг баррель нь 71 ам.доллараар нэмэгдсэн байна.

Мөн АНУ-ын WTI маркийн түүхий нефть нэг баррель нь сүүлийн гурван жилийн хугацаанд анх удаа 66.55 ам.доллараас давжээ.

Шинжээчид эрчим хүчний бирж дээрх нефтийн гэрээт худалдааг юаниар хийх болсныг Хятадын түүхий эдийн зах зээлд хөрөнгө оруулагчид оролцох түүхэн боломж гэж үзэж байгаа юм.

Хятад Улс 1993 онд үнэт цаас гаргах эхний оролдлого хийсэн боловч олон жил хойшлуулсны эцэст ийнхүү юань давамгайлсан арилжааг явуулж байгаа ажээ.

Хятад газрын тосны худалдааг юаниар явуулах болсон нь сүүлийн хэдэн сарын турш ханш нь суларч байгаа ам.долларт том цохилт болж байгаа юм.

Эрчим хүчний зах зээл дээрх газрын тосны арилжаанд ам.доллар тэргүүлэх үүрэг гүйцэтгэж ирсэн. Даваа гаригт /2018.03.26/ ноён ам.долларын ханш япон иенийн эсрэг суларч, 16 сарын хамгийн доод түвшинд хүрсэн боловч өөр зургаан мөнгөн тэмдэгттэй харьцуулахад тогтвортой байв.

Ням гаригт Шанхайн эрчим хүчний олон улсын бирж дээр есдүгээр сард нийлүүлэх нөхцөлтэй газрын тосны арилжааг юаниар явуулсны дараа дэлхийн зах зээл дээр газрын тосны үнэ сүүлийн гурван жилийн хамгийн дээд ханшид хүрч өсчээ.

Хятадын эрх баригчид түүхий нефтийн импорт нэмэгдэж буйтай холбогдуулан газрын тосны юанийн худалдааг түргэвчлүүлэх арга хэмжээ авсан байна.

Өнгөрсөн жил Хятад Улс дэлхийн газрын тосны хамгийн том импортлогч АНУ-ыг ардаа орхиж чадсан юм.

Тиймээс Хятадын дээрх алхам олон улсын томоохон бенчмаркуудын ханшийг хяналтандаа оруулаад зогсохгүй олон улсын худалдаанд юанийн хэрэглээг нэмэгдүүлэх сурталчилгаа болж байгаа ажээ.

“Ноён ам.долларын ханш хэдий чинээ суларна дэлхийн улс орнууд түүнийг орлох мөнгөн тэмдэгтийг гаргаж ирэх төдий чинээ боломжийг ашиглах болно “ хэмээн “Хятадаас бид юуг суралцах вэ?” номын зохиогч, Нью Йоркийн их сургуулийн эдийн засгийн ухааны профессор Энн Ли ярьж байна.

“Хэрэв ам.долларын ноёрхолд юань цэг тавьж, түүнийг орлохоор бол долларын хямрал үүсч болзошгүй. Хэрэв тийм зүйл болвол инфляц тогтворгүй болохоос гадна долларын үер болж ч магадгүй” гэжээ.

 

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

бобо 2018-03-27 202.9.40.249

BBC гээр нэг ийм байдалд америкууд шууд дайн хийнэ гэж байсаныг санаж байна .

Avatar

Зочин 2018-03-27 27.123.214.110

АНУ битгий хэл хятадын баячууд ч долларас салж юаньтай болно гэж үү ёстой инээдэм. юань бол юань тэгээд болоо. сармагчин хүн болоогүйтэй адил

Avatar

зочин 2018-03-27 66.181.160.81

Чамаас ,, төлбөрө ямар мөнгөөр авах вэ ? ,, гэж асуувал олон юм бодолгүй л ДОЛЛОР гэнэ шдээ..Ойрын 200 жилдээ тийм л байх биз.

Avatar

Зочин 2018-03-27 122.201.24.144

hudaldaanii dain ni ene um bhdaa

Avatar

Зочин 2018-03-27 202.21.105.13

АНУ бол эдийн засгийн давуу байдлаа ашиглаж өөрийн хүссэн тулгалтаа хийж өөртөө улам давуу байдлыг бий болгож ирсэн. Бусдад чөлөөт худалдааг тулгаж тунхагладаг боловч өөрсдөө хүссэн үедээ татвар, тарифаа нэмж, хориг тавих арга хэмжээг авдаг. Харин шинээр хөгжлөөрөө хүч түрэн орж ирж буй улсууд энэхүү монополь давамгай байдлыг аажмаар үгүй хийж эхэллээ. Хятад экспортоороо тэргүүлж, гадаад болон дотоод худалдан авах чадвараараа, эдийн засгийн хүчин чадлаараа бодит байдал дээр АНУ-г гүйцчихээд байна. Доллар ноёрхолоо алдах нь одоо цаг хугацааны л асуудал.

Avatar

Зочин 2018-03-27 66.181.188.173

Могой гурав тасаравч гүрвэлийн чинээ гэж. Доллар муужиртал 100 жилийн зай байнаа

Avatar

Зочин 2018-03-27 103.26.193.241

АНУ Америк доллар 21 зуунд үүрд бидний дээр байх болно.

Avatar

Зочин 2018-03-27 66.181.190.177

Америкийн хүчийг Путин барж байна даа. Түүнийг бурхан явуулсан байх оо

Avatar

Нямаа 2018-03-27 150.129.142.252

Манай хершууд луу юмаа. Улс гэрээ хегжуулнэ гэж уунийг хэлдэг байхдаа. Хэзээ манай тегрег олон улсад тонгочиж гарч ирэх юм бодоо хеерхий.

Avatar

Долларын үер айсуй 2018-03-27 202.9.42.115

Долларын үер бүү хэл цунамы ч болж магадгүй шүү

Avatar

zochin 2018-03-27

amjih uu kkkk

Avatar

Zochin 2018-03-27 103.9.88.210

Amerik ch huch ni sularsaar l baina daa

Avatar

Зочин 2018-03-27 27.123.214.109

за болио. аргаа барсан хэрэг. дэлхийн млрд-нуудын хөрөнгийг юаниар хэлэх үү. Билл Гейтс тэгээд хэдэн юаны хөрөнгөтэй вэ

NewsMN Гар утасны хувилбар Татах
NEWS.mn

Мэдээллийн эх сурвалж