Шинэ цэвэрлэх байгууламж барих тендерийг Хятадын компаниудын дунд зарлан явуулна | News.MN

Шинэ цэвэрлэх байгууламж барих тендерийг Хятадын компаниудын дунд зарлан явуулна

Хуучирсан мэдээ: 2018.03.27-нд нийтлэгдсэн

Шинэ цэвэрлэх байгууламж барих тендерийг Хятадын компаниудын дунд зарлан явуулна

Шинэ цэвэрлэх байгууламж барих тендерийг Хятадын компаниудын дунд зарлан явуулна

Нийслэл даяараа өнгөрсөн зуныг өмхий агаараар амьсгалж өнгөрөөлөө. Зөвхөн энэ зун ч гэлтгүй. Сүүлийн хэдэн жил Төв цэвэрлэх байгууламжийн  үнэр Улаанбаатарын өнцөг булан бүрээс ханхлах болоод удаж байна. Өвөлдөө утаатай зундаа өмхий үнэртэх энэ асуудлыг  бид улирлын чанартай мартаж санадаг гэхэд хилсдэхгүй.

Ерөнхий сайд У.Хүрэлсүх албаны хүмүүсийн хамт 2017 оны аравдугаар  сарын 24-ны өдөр төв цэвэрлэх байгууламжийн үйл ажиллагаатай танилцах үеэрээ "Төв цэвэрлэх байгууламж нэгэнт ачааллаа дийлэхээ больсон. Хэрвээ 350 орчим сая ам.долларын хөрөнгийг босгож чадвал шинэ цэвэрлэх байгууламжийн ажил ирэх хавар гэхэд эхлэх боломжтой”гэж байв. Тэрбээр төв цэвэрлэх байгууламжийн асуудлыг анхаарал хандуулах гол ажлын нэгээр нэрлэж, шинэ байгууламжийн ажлыг яаралтай эхлүүлэхийг Барилга Хот Байгуулалтын сайд Х.Баделханд даалгасан юм.

Харин Засгийн газрын гуравдугаар сарын 14-ны ээлжит хуралдаанаар төв цэвэрлэх байгууламжийн лагийг цэвэрлэж, үнэрийг дарах тухай шийдвэр гаргав. Хүнээр бол 54 настай цэвэрлэх байгууламжийг хэзээнээс нас залуужуулах талаар Барилга хот байгуулалтын яамны Нийтийн аж ахуй бодлогын хэрэгжилтийг зохицуулах газрын дарга О. О.Лхагвацэдэнгээс тодрууллаа.

-Шинэ цэвэрлэх байгууламжийг хэдий хэмжээний өртөг, зардлаар барихаар төлөвлөж байгаа вэ?

-БНХАУ-ын Засгийн газарт нийт 300 сая ам.долларын хүсэлт гаргасан байгаа. Анх 2015 онд Франц улсын “Артила” хэмээх компаниар техник,эдийн засгийн үндэслэлээ /ТЭЗҮ/ хийлгэсэн юм билээ. Тэдний тооцооллоор бол 320 сая ам.доллар зарцуулагдана гэсэн дүн гарсан байсан. Харин манай яамнаас дэд сайдаар ахлуулсан ажлын хэсэг гарч олон эрдэмтэн, судлаачид, мэргэжилтнүүд ажиллаж 300 сая ам.долларт багтах юм байна гэсэн дүгнэлт гаргасан.

-Хөрөнгө оруулалтын асуудлыг хэрхэн шийдэх вэ?

-БНХАУ-ын Засгийн газрын зээл тусламжаар шинэ цэвэрлэх байгууламж барих хүсэлт гаргасан. Хятадын талаас хэрэгжүүлэх боломжтой төсөл хэмээн үнэлж, хоёр улсын хөнгөлөлттэй зээлийн хүрээнд хийгддэг ерөнхий хэлэлцээрийн дагуу хаалттай тендерийг Хятадын компаниудын дунд зарлан явуулна.

-Шинээр барих цэвэрлэх байгууламж цэвэрлэн гаргах усаа дахин ашиглах дамжлагатай байх ёстой гэсэн шаардлага тавьж байгаа гэсэн. Энэ асуудлыг хэрхэн шийдвэрлэсэн бэ?

-Шинэ цэвэрлэх байгууламж барих үед Мянганы сорилтын сангийнхан буцалтгүй тусламжаар цэвэрлэсэн усыг дахин боловсруулах тоног төхөөрөмж суурилуулж өгөхөөр болсон.

-Барилгын ажил хэзээнээс эхлэх бол?

-ТЭЗҮ-д шинэ байгууламжийг дөрвөн жил барихаар тусгасан. Хятадын талаас уг ажлыг 2.5-4 жилийн дотор гүйцэтгэх боломжтой гэсэн. Гүйцэтгэгч компанийг сонгочихвол ажил эхлэхэд бэлэн.

-Шинэ цэвэрлэх байгууламжаа хаана байгуулахаар төлөвлөж байгаа вэ?

-Одоо байгаа цэвэрлэх байгууламжийнхаа хажууд байгуулахаар төлөвлөсөн байгаа.

-Шинэ цэвэрлэх байгууламж ашиглалтанд орвол хуучин байгууламжаа ашиглах уу?

Шинэ цэвэрлэх байгууламжийн хувьд хоногт 250 метр кубын бохир ус хүлээн авах хүчин чадалтай байна. Одоохондоо бол манай хэрэгцээг бүрэн хангана. Гэхдээ хуучин цэвэрлэх байгууламжаасаа ашиглах боломжтой зүйлүүдийг нь ашиглана. Харин ашиглахааргүй болсон зүйлүүдийг нь дүгнэлт гаргаад тухайн үед нь яах вэ гэдгээ шийдвэрлэнэ.

Бид энэ асуудлаар Төв цэвэрлэх байгууламжийн албаны хүмүүстэй уулзах гэсэн боловч дээрээс зөвшөөрөл авдаг гээд нэвтрүүлээгүй юм. Одоогоос хоёр жилийн өмнө Мэргэжлийн хяналтын ерөнхий газар болон, Эрүүл мэндийн яам цэвэрлэх байгууламж орчмын 163 айлын иргэдийн дунд өмхий үнэр хүний эрүүл мэндэд хэрхэн нөлөөлж буй талаар судалгаа хийж байжээ.

Судалгаагаар 43 хувь нь элэгний, 47 хувь нь бөөрний үрэвсэл, 90 гаруй хувь нь харшлын өвчтэй гэсэн дүн гарсан байдаг. Мөн 2000 онд 10 мянган хүн тутмаас амьсгалын замын өвчнөөр 791 хүн өвчилдөг байсан бол 2014 онд 1579 болж нэмэгдсэн үзүүлэлттэй гарсан байна. Тиймээс Төв цэвэрлэх байгууламжийн үнэр тухайн орчинд амьдардаг буюу Сонгинохайрхан дүүргийн XX хорооны иргэдэд хэрхэн нөлөөлж байгаа талаар зарим иргэнтэй уулзсан юм

Хаалга үүдээ битүүлсэн байхад ч үнэртдэг

Иргэн Ж.Пүрэвсүх

Иргэн Ж.Пүрэвсүх ”Энэ хавиар ирсэн хүмүүс дотор нь муухайрч, огиулаад байж чаддаггүй.Нэлээн хортой болоод л хүн тэгж байгаа байх. Заримдаа их үнэртэхээр толгой өвдөж огиудас хүрдэг. Хаалга цонхоо битүүлсэн байхад ч үнэртдэг. Өвөлдөө бол цэвэрлэх байгууламжийн лаг нь хөлдчихдөг байх. Харин өдийд л хайлаад эхэлдэг. Чи үнэр танарыг нь  мэдэрч  байгаа биз дээ” гэв.

Бүр хоол унданд хүртэл амтагддаг

Иргэн С.Балжинням

Иргэн С.Балжинням “Цэвэрлэх байгууламжийн хор нөлөө бий. Одоо харин дасаад байгаа юм уу үнэр нь ч гайгүй болоод байх шиг санагддаг болсон. Урин дулааны цагт хаалга үүдээ нээнэ гэсэн ойлголт байхгүй. Гэр орон, хувцсанд үнэр нь шингэж, автобус унаанд суухад хүмүүс хамар, амаа дардаг. Бүр хоол унданд хүртэл амтагддаг. Цэвэрлэх байгууламжаас гадна ойр орчимд өлөнгийн цех олон бий. Түүний үнэр илүү их үнэртдэг. Манай хашаанд үйл ажиллагаа явуулж байгаа юм шиг л байдаг. Нийслэлийн сая гаруй иргэн бохирын үнэрийг үнэртэж байгаа юм чинь бидний эрүүл мэнд ямар болж байгаа нь хэнд ч ойлгомжтой’гэв.

Наад зах нь толгой өвдөж давчиддаг

Иргэн Х.Цэрэнцогзолмаа

Иргэн Х.Цэрэнцогзолмаа “Хотын бүх бохирыг амьсгалж байгаа хүмүүсийн эрүүл мэнд ямар байх нь ойлгомжтой шүү дээ. Наад зах нь толгой өвдөж, амьсгал давчиддаг. Шинэ цэвэрлэх байгууламж барина гэж яриад л байсан. Хэзээ барих гэж байгаа нь мэдэгдэхгүй удлаа. Хурдхан шинэ байгууламжтай болж, энэ өмхий үнэрээс салахыг л хүсч байна. Бүр Москва хороололд хүртэл үнэртдэг гээд боддоо” гэв.

Уг нь шинэ цэвэрлэх байгууламж ашиглалтад орчихвол дээрх асуудлууд аяндаа шийдэгдэнэ. Учир нь шинэ цэвэрлэх байгууламж нь иж бүрэн автомат ажиллагаатай үнэр, дуу чимээ гаргахгүй аж. Шинэ цэвэрлэх байгууламжтай болтол хуучнаа ашиглаж тэсэхээс өөр зам байхгүй нь үнэн.

24 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-27 124.158.126.215

Хятад муу биш л дээ гэхдээ манайхан ихэнхдээ муу бүтээгдэхүүнийг нь оруулж ирэх гээд байдаг. Энэ байгууламжийн хувьд ашиг сонирхлоо хойш нь тавиад чанартай юм хийгээсэй. Уг нь боло олон улсад л тендерээ зардах хэрэгтэй. Хятад гэхээр л цаана нь хэн нэгний компани байдаг талтай.

Avatar

Зочин 2018-03-27 27.123.212.142

МАНАН аажмаар уусгаж байгаа нь энэ лдээ гэртээ овоолсон тэр их Юаньдаа дарагдаж үхээрэй хоол архины хордлогоор

Avatar

Чук 2018-03-27 112.72.11.119

Францууд зураг төсөл гаргаад хятадууд хийнэ шүү дэ.. Бид ч манай сайхан ялгадсыг хятадууд яах гээд байна органик бүтээгдэхүүн шүү гээд харамлаад гацааж мэдэх нөхдүүд шүү…

Avatar

Mn 2018-03-27 115.31.125.233

Япон, Герман гэх мэт өөр орнуудын компаниудаар хийлгэж болдоггүй юм уу.

Avatar

zochin 2018-03-27 106.130.205.231

buur etsest ni tulgaj baij shiideh uhaanii ym yarij baidag ….huuchin system.s sainiig ni avaad solimoor baisan zuilee solih bsan ….tegtel eedgui muu humuus bugdiig ni hemred hayachihsan ni buur alham tutamd l batlagdaad baihiinmaa ….ajil hiij chadahgui bol shuud ajilaas ni halaad arga hemjee door ni avaad chaddag humuus ni hiiged yavdag bsan ….

Avatar

Дорж 2018-03-27 122.201.22.195

Хятад, Герман гэж худлаа мэдэмхийрээд хэрэггүй ажил хийж чаддаг хүмүүсээр л хийлгэх хэрэгтэй. Германууд, Японууд тэндер аваад хятадуудаар л бариулна. Технологийн хувьд их онцгой хийцтэй чанар их шаардсан ажил учир манай инженерүүд барахгүй. өөрсдийнхнийгээ доош нь хийж байгаа юм биш. Мэдэхгүй чадахгүй юм гэдэг чинь мэдэхгүй чадахгүй л юм байдаг. Яг үнэндээ манайхан зам ч тавьж чадахгүй байна шүү дээ. Мэргэжлээрээ удаан ажилласан барилгын ажилчид хуруу дарам цөөхөн, удирддаг ИТА-нууд нь мэргэжилдээ базаахгүй хүүхдүүд байна.

Avatar

ARD 2018-03-27 202.131.243.162

Мөнгө өгье гэсэн нь Хятадууд!!! Өөр нэг ч орон яг энэ чиглэлд буцалтгүй болон хөнгөлөлттэй зээл өгөхгүй байна!!! Хүн болгоныг [Хориотой Үг] гэж харааж зүхэх оркуудаар Монгол улс дүүрлээ!!! Жинхэнэ [Хориотой Үг] төвд санаа тээсэн жанхуу ухна мэтийн нөхөд л ард түмнийг хооронд нь хагаралдуулж байна !!! Оркуудын бөөс жанхуу гэхэд л цэвэр ориг төвд гаралтай ш дээ!!! Бид харин ч 2 рх хөрштэйгээ ухаалаг харилцан ашигтай харилцаж хөгжмөөр байна!!! Өөр гадны техник технологи авлаа ч гэсэн тоног төхөөрөмж нь бүгд л made in china байгаа ш дээ!!! Одоо бид харин хяналтаа сайн тавиад хамгийн сүүлийн үеийн тоног төхөөрөмж бүхий төь цэвэрлэх байгууламж барихыг л шаардах хэрэгтэй!!!

Avatar

Амгаа 2018-03-27 202.21.116.90

Одоо хоосон цээжний эх орончид маань хужаагаар бариулахаар боллоо гээд л асаж өгнө биз дээ. Улс оронд ганц төгрөгний нэмэргүй байж.

Avatar

Зочин 2018-03-27 119.40.99.2

Яагаад дандаа хятад вэ????? Адилхан банзан жорлонтонгууд байж. Япон герман гэх мэт арай улаан цайм дээрэмдэхгүй хүмүүсийг ашиглаач дээ. Ядаж л хэдэн жилийн настай юм хийнэ биз дээ.

Avatar

Зочин 2018-03-27 202.9.47.177

400 сая доллараар барина гэж баигаа. мөнгө зээл аваад манайх өөрөө барьчих жижиг зүйл шүү дээ. ямарч чадваргүй засаг . бүх ажлаа хятадад өгөөд сууж баина.

Avatar

Зочин 2018-03-27 80.83.235.34

Монгол сөнөж байна харин эх орныг минь сүйрүүлсэн новшнууд зүгээр явж байна тиймээс "өшөө авагчдын нэгдсэн арми" байгуулж тэд нарын хамсаатангуудтайн агная!!!

Avatar

Зочин 2018-03-27 124.158.79.169

ЖОРЛОНГЫН ҮНЭР Ч ДҮҮРЧ !!! ХРОМЫН ХОРООР ХОРДОЖ ДУУСЛАА !!! ҮР ХҮҮХЭД , ХОЙЧИС Л ЯАНА ДАА !!!

Avatar

2018-03-27 202.9.40.63

Франц хийгээд өгье гэхэд гацаасан. Тэгээд одоо хятaдaд өгч байгаа юм. 5-р цахилгаан станцыг ч гэсэн гацааж байгаад эцэст нь хятaдaд өгсөн. Ингээд биднийг аажмаар хятa дын эрхшээлд оруулах МАНАН-ийн бодлого явагдаж байна.

Avatar

Zochin 2018-03-27 103.57.92.230

Hyataduud uul ny odoo heel hahuul egeltsej chadahgui amar. manai baliar darga l dundaas ny idne dee

Avatar

Бат-Үүл 8 тэрбумыг яасан? 2018-03-27 103.14.38.130

Асем болох гээд энэ лагийн үнэрийг дарах гэж дотоодын 5 компаниудын дунд судалгаа хийсэн болж өөрийнхөө ард айдаг, 8 тэрбумаас хувь өгнө гэсэн урьдаас тохиролцсон кампаниар хийлгэсэн болж түр аргацаасан. Жинхэнээсээ эх оронч зангаар ажилласан бол тэр лаг өдийд маш сайн ялзарч үнэргүй болсон байх боломж байсан. Бат-Үүл мэтийн АН хан үнэхээр муухай хүмүүс. Сэтгэлгүй юм билээ. Энэ лагийг сайтар боловсруулаад бордоо болгох, экспортлох технологи бга ч эд нар зориуд хийхгүй мөнгө угаахаа л хүлээгээд бн.

Avatar

Zochin 2018-03-27 126.66.230.134

Улиралд иргэд мартахгүй л дээ, нийгэмд үйлчилж байгаа шийдвэр гаргачид мартаад байна

Avatar

Яана даа! 2018-03-27 98.213.255.68

Бас л Хятадаас зээл авч Хятад барина!!!!!!!!!!!! [Хориотой Үг] ийм юмыг 1-2 жилд л барьж чадна ш дээ, албаар удаан барьж баасанд нь живуулэх гэж байгаа биз….!!!!!!

Avatar

Дарга 2018-03-27 66.181.184.80

Утаа бол энэ хүний ялгадасны үнэрийн дэргэд арц хүжний үнэр л гэсэн үг. Өгөр толгой Бат- үүлийг олон тэрбумаар Хятад цэцэг авчирч суулгахын оронд ядахдаа знэр түр дарах бодис авчирч хийгээч гэж мөн ч их хэлсэн дээ ,

Avatar

Иргэн 2018-03-27 202.170.72.3

МАН гарснаас хойш даруй 2 жил өнгөрлөө. Энд тэнд очиж нэг л их ярьсан амласан нөхдүүд л байна. Нүдэнд өртөж гарт баригдах миний мэдэхийн нэг ч бүтээн байгуулалт явагдсангүй. Элдэв хууль журмаар оролдоно, тэгснээ удахгүй болино, иргэдийн янз үзэж байгаа юм шиг хармаа руу нь өнгийнө, гадагшаа явж шинэ зээл тавиад ирнэ, тэрнийгээ учиргүй том бүтээн байгуулалтад зарцуулна гэснээ тэгсгээд таг болно. Ийм нөхдүүдээр удирдуулж байгаа бид нэг хэсэг л нар үзэхгүйндээ.

Avatar

Зочин 2018-03-27 103.26.195.13

Хоёр юмыг хэлмээр санагддаг. Герман Японд явж байхад жорлонгийн өмхий үнэр хотын төвд гудамжинд үнэртэж байдаг. Нэг их сүйд болоод хэрэгггүй зүйл ээ.
Хоёрдугаарт орон сууцанд суугчид гэр хорооллынхноос илүүтэйгээр байгаль бохирдуулж байна. Бохир нь эцэстээ Туулын гол руу ордог. Гэр хорооллынхны жорлонг нэг их нүд үзүүрлээд байх хэрэггүй юмаа.

Avatar

ЗОЧИН 2018-03-27 59.153.113.86

ХОТЫН УДИРДЛАГАА ЯАРМАГ БИШ , ЦЭВЭРЛЭХ БАЙГУУЛАМЖИЙН ДЭРГЭД НҮҮЛГЭН БАЙРШУУЛ . ХОТЫН ДАРГА ЭРХЭЭ БИШ ӨМХИЙ ҮНЭРТ АРГА ХЭМЖЭЭ АВЧ АЖИЛЛАЖ БАЙХ БИЗ .

Avatar

Санал нэг байга 2018-03-27 203.91.115.45

Ерөөсөө төрийн бүх аппаратыг бүгдийг дэргэд нь шилжүүлэн байршуулбал маш богино хугацаанд асуудал шийдэгдэх бус уу

Avatar

Зочин 2018-03-27 64.119.27.212

Hurdan ehleechee!!!!!

Avatar

ТЭЦ5, ТТ, ТЗ, ЭГИЙ УЦС, ГЭЭД Л ҮРГЭЛЖЛЭНЭ ДЭЭ 2018-03-27 202.72.245.220

БАРИГДТАЛ ТА НАРЫН НАС ХҮРЭХГҮЙ ЭЭ ХОРТ УТААНЫ БАГТАЙ БОЛЖ АВ

NewsMN Гар утасны хувилбар Татах
NEWS.mn

Мэдээллийн эх сурвалж