Улсын Их Хурал - Энэ долоо хоногт /2018.03.19-23/ | News.MN

Улсын Их Хурал – Энэ долоо хоногт /2018.03.19-23/

Хуучирсан мэдээ: 2018.03.26-нд нийтлэгдсэн

Улсын Их Хурал – Энэ долоо хоногт /2018.03.19-23/

Улсын Их Хурал – Энэ долоо хоногт /2018.03.19-23/

УИХ-ын гишүүн, НББСШУ-ны байнгын хорооны дарга Ё.Баатарбилэг АНУ-ын Хөдөлмөрийн холбооны Хуулийн хэлтсийн дарга ЖеФ Вогтийг хүсэлтийнх нь дагуу хүлээн авч уулзав. 

УИХ-ын гишүүн, Хууль зүйн байнгын хорооны дарга Ш.Раднаасэд БНТУ-ын Үндэсний Их Хурлын гишүүн, Үндсэн хуулийн байнгын хорооны дарга Мустафа Шентопыг хүлээн авч уулзав.

Монгол Улсын Их Хурлын дарга М.Энхболдод УИХ-ын гишүүн, Засгийн газрын гишүүн, Гадаад харилцааны сайд Д.Цогтбаатар  Бүгд Найрамдах Киргиз Улсын нийслэл Бишкек хотод Монгол Улсын Элчин сайдын яам нээн ажиллуулах тухай УИХ-ын тогтоолын төслийг өргөн мэдүүллээ.

Монгол Улсын Их Хурлын дарга М.Энхболд Монгол-Туркийн Засгийн газар хоорондын хамтарсан хорооны VIII хуралдаанд оролцож буй Бүгд Найрамдах Турк Улсын Шадар сайд, Турк-Монголын Засгийн газар хоорондын хамтарсан хорооны Туркийн хэсгийн дарга Хакан Чавушолуг хүлээн авч уузлаа.

Монгол Улсын Их Хурлын дарга М.Энхболд Банкны салбарын зарим хууль тогтоомжийн эх бичвэр хүлээн авах ёслолд оролцох үеэр Монгол Улсын Их Хурлаас Төв банк /Монголбанк/-ны тухай хуульд нэмэлт өөрчлөлт оруулах тухай хууль, Банкны тухай хуульд нэмэлт, өөрчлөлт оруулах тухай хууль, Банкин дахь мөнгөн хадгаламжийн даатгалын тухай хуульд нэмэлт, өөрчлөлт оруулах тухай хуулийг тус тус баталсан нь тус салбарт чухал шинэтгэл болж байгааг Монголбанкны Ерөнхийлөгч Н.Баяртсайхан уг арга хэмжээг нээж хэлэхдээ онцоллоо. 

УИХ-ын гишүүн, НББСШУ-ны байнгын хорооны дарга Ё.Баатарбилэг Бүгд Найрамдах Ардчилсан Лаос Ард Улсын Элчин сайд Сиалункон Сэнг Утхоныг хүлээн авч уулзаж, УИХ-д Монгол-Лаосын парламентын бүлгийг санаачлан байгуулж, хоёр орны хамтын ажиллагааг эрчимжүүлэх төлөвлөгөөтэй байгаагаа дуулгалаа. 

Архидан согтуурахтай тэмцэх тухай, Мансууруулах эм, сэтгэцэд нөлөөт бодисын эргэлтэд хяналт тавих тухай хуулийн хэрэгжилттэй танилцах, холбогдох санал дүгнэлт гаргах үүрэг бүхий Ажлын хэсэг хуралдав. 

Монгол Улсын Их Хурлын даргын дэргэдэх Зөвлөл хуралдаж, “Монгол Улсын Их Хурлын 2018 оны хаврын ээлжит чуулганаар хэлэлцэх асуудлын дараалал тогтоох тухай” асуудлыг хэлэлцэн, УИХ-ын даргын Захирамж гаргахаар шийдвэрлэлээ. 

Монгол Улсын Их Хурлын дарга М.Энхболд Захирамж гаргаж, “Оюутолгой ордыг ашиглах хөрөнгө оруулалтын гэрээний хэрэгжилтийг шалгаж санал, дүгнэлт гаргах” үүрэг бүхий Ажлын хэсгийг байгууллаа.

УИХ-ын гишүүн Б.Энх-Амгалан Улсын Их Хуралд сонгогдсон тойрог болох нийслэлийн Хан-Уул дүүргийн 9, 10, 14, 16 дугаар хорооны иргэдтэй уулзалт хийлээ. 

УИХ-ын Хэвлэл мэдээлэл, олон нийттэй харилцах хэлтэс

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-26 27.123.212.141

enkh-amgalan gishuun mundag yumaaa, irgedteigeen bainga uulzaj asuudaliig n shiidej baidag shuurhai ajildag gishuun bn lee, hicheegerei gishuuneee

NewsMN Гар утасны хувилбар Татах
NEWS.mn

Мэдээллийн эх сурвалж