Монголын хошин урлагийн “акулууд”-ын нэг “Шинэ үе” продакшн айсуй намрын анхны бэлгээ задаллаа. Тэд энэ сарын 19-нөөс буюу ирэх баасан гаригаас эхлэн ээлжит уран бүтээлээрээ үзэгчидтэйгээ уулзах гэж байна. “Гайхалтай юм болжээ” нэртэй тус хамтлагийн шоу тоглолт баасан гаригаас эхлэн Соёлын төв өргөөнд өдөр бүр 19.00 цагаас тоглоно. Дан шинэ уран бүтээлүүдээс бүтсэн энэ тоглолтоо “Шинэ үе”-ийнхэн “Монголын хүн бүр эрүүл байг” гэсэн уриан дор үзэгчдэдээ хүргэх ажээ.
Дашрамд сонирхуулахад, өмнө нь “Буруу эргэлт”, “Үлгэрийн хайр”, “Хоёр хоёрын тав” зэрэг уран сайхны кино бүтээж, олны хүртээлд хүргэсэн “Шинэ үе” продакшны цоо шинэ дэлгэцийн бүтээл удахгүй дэлгэцнээ гарах юм.