Хаврын чуулганаар хэлэлцэх асуудлын дарааллыг тогтоов | News.MN

Хаврын чуулганаар хэлэлцэх асуудлын дарааллыг тогтоов

Хуучирсан мэдээ: 2018.03.23-нд нийтлэгдсэн

Хаврын чуулганаар хэлэлцэх асуудлын дарааллыг тогтоов

Хаврын чуулганаар хэлэлцэх асуудлын дарааллыг тогтоов

Монгол Улсын Их Хурлын даргын дэргэдэх Зөвлөл өнөөдөр (2018.03.23) хуралдаж, “Монгол Улсын Их Хурлын 2018 оны хаврын ээлжит чуулганаар хэлэлцэх асуудлын дараалал тогтоох тухай” асуудлыг хэлэлцэн, УИХ-ын даргын Захирамж гаргахаар шийдвэрлэлээ.

Захирамжаар дарааллыг дор дурдсанаар тогтоов.

1.    Монгол Улсын нэгдсэн төсвийн 2019 оны төсвийн хүрээний мэдэгдэл, 2020-2021 оны төсвийн төсөөллийн тухай хуулийн төсөл

2.    “Монгол Улсын 2017 оны төсвийн гүйцэтгэл батлах тухай” Монгол Улсын Их Хурлын тогтоолын төсөл, Монгол Улсын Засгийн газрын 2017 оны санхүүгийн нэгтгэсэн тайлан

3.    Монгол Улсын эдийн засаг, нийгмийг 2017 онд хөгжүүлэх Үндсэн чиглэлийн биелэлт

4.    “Монгол Улсын эдийн засаг, нийгмийг 2019 онд хөгжүүлэх Үндсэн чиглэл батлах тухай” Монгол Улсын Их Хурлын тогтоолын төсөл

5.    Нийслэлийн эрх зүйн байдлын тухай хуулийн шинэчилсэн найруулгын төсөл

6.    Монгол Улсын Их Хурлын тухай хуульд нэмэлт, өөрчлөлт оруулах тухай хуулийн төсөл

7.    Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төсөл

8.    Эд хөрөнгийн эрхийн улсын бүртгэлийн тухай хуулийн шинэчилсэн найруулгын төсөл

9.    Иргэний улсын бүртгэлийн тухай хуулийн шинэчилсэн найруулгын төсөл

10. Мөнгө угаах, терроризмыг санхүүжүүлэхтэй тэмцэх тухай хуульд нэмэлт, өөрчлөлт оруулах тухай хуулийн төсөл

11. Жолоочийн даатгалын тухай хуульд өөрчлөлт оруулах тухай хуулийн төсөл

12. Орон нутгийн хамгаалалтын тухай хуулийн төсөл

13. Дайчилгааны тухай хуульд нэмэлт, өөрчлөлт оруулах тухай хуулийн төсөл

14. Улсын нисэхийн тухай хуульд нэмэлт, өөрчлөлт оруулах тухай хуулийн төсөл

15. Хувь хүний орлогын албан татварын тухай хуульд өөрчлөлт оруулах тухай хуулийн төсөл

16. Төсвийн албаны эрх зүйн байдлын тухай хуулийн төсөл

17. Төсвийн тухай хуульд нэмэлт оруулах тухай хуулийн төсөл

18. Баяжуулсан хүнсний тухай хуулийн төсөл

19. Хүнсний тухай хуульд өөрчлөлт оруулах тухай хуулийн төсөл

20. Монгол Улсын Үндсэн хуульд оруулах нэмэлт, өөрчлөлтийн төсөл

21. Монгол Улсын Их Хурлын сонгуулийн тухай хуулийн төсөл

22. Улс төрийн намын тухай хуульд нэмэлт, өөрчлөлт оруулах тухай хуулийн төсөл

23. Бусад

Түүнчлэн Захирамжид зааснаас бусад хэлэлцүүлгийн шатанд байгаа болон Монгол Улсын Ерөнхийлөгч, Монгол Улсын Засгийн газар, Улсын Их Хурлын гишүүдээс Монгол Улсын Их Хуралд өргөн мэдүүлсэн хууль, Улсын Их Хурлын бусад шийдвэрийн төслүүдийг хаврын ээлжит чуулганаар хэлэлцүүлэх асуудлыг тухай бүрд нь Зөвлөлөөр хэлэлцүүлэн шийдвэрлэж байхаар тогтоосон байна гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.  

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-23 66.181.164.135

Үндсэн хуулиа өөрчлөх болжээ. 27 жилийн өмнө хүний эрхийн асуудал нялх байхад төрийн эрх мэдлийг тараах нь зөв байсаан. Одоо ерөнхий сайдаа хүчтэй өөрөө доод сайд дарга нараа шууд томилж халдаг болгох цаг нь болж. ЗГ таа УИХ хяналт тавьна, хяналт хийх албадаа дэргэдээ авна. УИХ гишүүнийг ЗГ т орхыг хориглох гэм мэт гол гацаа түгжилээ тайлахгүй бол нэр төдий засгийн тэргүүн, 76 ерөнхий сайдтай одоогийн систем явахгүй болж

Avatar

Болохгүй байгаа асуудлаа шийдье гэвэл ... 2018-03-23 66.181.185.80

Болохгүй байгаа асуудлаа шийдэхийн тулд гол зангилгаа асуудлаа барьж авч шийдээсэй.Жаран тэрбумын асуудал, Эрдэнэт үйлдвэрийн 49 хувь, 51 хувийн батлгаа, Баттулгын сонгуулийн сурталчилгааны машин дотор байсан мөнгө, МАХН-ын сайдын өрөөндөө авсан мөнгө, Ганбаатарт солонгос иргэний өгсөн мөнгө, МАН, АН-ын аль аль нь намын санхүүжилтээ нуугаад байгаа гэх мэт энэ бүхэн чинь НАМЫН САНХҮҮЖИЛТийн асуудал чинь асуудал болохгүй, гажаад байгаагийн илрэл шүү дээ.Энэ гол зангилгаа асуудлаа барьж аваад шийдэж чадвал бусад болохгүй байгаа асуудлууд чинь аяндаа зөв голдрилдоо орно шүү дээ. Төрийн албаны ахмад ажилтан Ш.Раднаа 2018.3.23

NewsMN Гар утасны хувилбар Татах
NEWS.mn

Мэдээллийн эх сурвалж